radheef.info
ރަދީފު


ދި
ނ އަންހެންދަރި
އޮނަތިރީސް
ނ (1) ދެދިހަނުވައެއް (2) 92
އޮނަސައްތަ
ނ ނުވަދިހަނުވައެއް
އޮނު
ނ (1) ބަދަޖަހަމުން އެއްތަނޑަށް ވަރަށް މައްޗަށް ހެދޭ ފިނިވާ އެތެރޭ ގައި ހޮއިއޮންނަގަހެއް މީގެ ގޮފި ޤަލަން ޖަހާން ބޭނުންކުރެއެވެ (2) މީގެ އެތިކޮޅެއް (3) އުނދުނަށް ފުމޭން ފޯލިކޮށް ހަދައިފައިހުންނަ ހޮޅިބުރި (4) ސަފުސާންއޮނު (5) ފުންމާއޮނު (6) އެތެރޭގައި ހޮއި އޮންނަ ބައެއްތަކެތި މިސާލު: ފަޅޯއޮނު ހިތްތަލަތަނޑު (7) އުންފާޑަށް ގައިން ނުކުންނަ ކަޅުކުލައިގެ ހަމުގެ ބައްޔެއް މީގެ އެތެރޭގައި ދިޔައެއް މެދުގައި ލޯވަޅެއް ނުހުންނާނެއެވެ
އޮނުހުއި
ނ މާހުއި މިއީ އޮނުހެން ބަދަބަދައަށް ހިމަދިގުކޮށް ހެދޭ ހުޔެކެވެ
އޮނުތުންމަސް
ނ ތުންހިމަ ދިގުކޮށް ހުންނަ ކޯމަސް
އޮނުގަނޑުއެޅުން
މ ކުޅިޖަހާން ދަސްކުރާ މީހުންގެ ހަށިގނަޑު ހާނުވާން އުނަގަނޑުމަތީގައި އޮނުގަނޑު އަޅުވައި ދެއަތުގެ އުނޅަބޮށީހުޅުގެ އެތެރެފަތާރް އޮނުގަނޑުގެ ދެކޮޅުގައި އަޅުވައި ދެއަތްގެނެސް ބަނޑާއިދިމާއިން ބައްދައިގެން ތިރިވެ އޮވެގެން ބާވަތަކަށް ފައިކުރިޔަށްގެންގޮސް ފަހަތަށް ގެނެސް ހެދުން
އޮރިޔާންބުޑު
ނ އޮރިޔާމުން ތިބޭ ކުޑަކުދިން
އޮރުދާ
ނ ދިޔަދޮވިން ފެންފައިބާ ތަން
އޮބައިގަތުން
މ (1) ބާރަށް އޮބުން (2) އެއްޗެއްދިޔަނުދީ ހިފެހެއްޓުން (3) ގޮސްގޮސް އޮތްއެއްޗެއް އަތުލައިގަތުން (4) ފުރާދުއްވާ އެއްޗެތި ދުއްވާއިރު ގަދަވެގެން ގޮސް ދިރުނބާކޮޅު އަޑިއަށްދިޔުން (5) މަޖާޒު: މާބޮޑަށް ބަލިވުން
އޮބި
ނ (1) މަހެއްގެ ސިފައިގައި ދެފައިކަށްޓަށް ލަކުޑިން ހަދައިފައި އޮންނަ ދައްޗެއް. މިގިނައިން ގެންގުޅެނީ ތެޔޮހާނާއިރު ކައްކައިފައި ހުންނަ ކުނޑި ގަނޑުފެލާށެވެ. (2) ފަންދަމާ ބިތުގައި ބޭރުން ފަންތަކުގެ ދިގަށް އަޅާފަތިގަނޑު. (3) ބައެއް ތަންތަން އޮއްބައި ހިފެހެއްޓުމަށްޓަކައި އަޅާފަތިގަނޑު ނުވަތަ ދަނޑިގަނޑު
އޮބިގަނޑު
ނ ގައިގެތަންތަން ބިނދިގެން ހަމަޖައްސައިފައި އަޅާ ފަތިގަނޑު
އޮބެހެއްޓުން
މ (1) ހިފެހެއްޓުން (2) އިންތިޒާމު ހަމަޖެއްސުން (3) ކަމެއް އެގޮތް މިގޮތްވެގެން ދިޔަނުދިނުން
އޮޅުން
މ (1) އެއްޗެއްގެ އަސްލުނޭގޭ ގޮތްވުން. (2) ކަމެއްނުފިލާގޮތްވުން. (3) ނަނު ބަރަނިފަދަ ތަކެތި ލާމެހިގެންގޮސް ފިލުވަން އުނދަގޫވާގޮތްވުން. (4) ފިރޯއްޓަށް ބަރަނިއުއި ފަދަތެކެތިވެށުން. (5) ދަނޑިފަނޑަކަށް ނަނު ވެށުން. (6) ބުއްދި ޙައިރާންވުން. (7) ކަންކުރާންވީގޮތް ނޫން އެހެން ގޮތަކަށް ނޭނގިގެން ކުރެވުން
އޮޅުންސުވާލި
ނ (1) ބޭހުގެ ބާވަތެއް މިއީ ވަކިފޫފާޑަށް އެޔަށްވުރެ ތަންކޮޅެއް ދިގުކޮށް ދަށްފަށަށް އޮޅިފައި ހުންނަ ތޮޅިއެއް (2) އޮޅުން ސުވާލީގެ ސިފައިގައި ފުށުންހަދައި ތެލުލައިފައި ހުންނަފޮނިކާއެއްޗެއް
އޮޅުމަސް
ނ ބާވަތެއްގެ ލަނޑައެއް މިހުންނާނީ ނޫލަނޑައަށްވުރެ ބޮޑެތިކޮށް ފުޅައުކޮށް ކަޅުކޮށެވެ މީގެނަގޫފަތުގެ ރާވަޅި ތަންކޮޅެއް ދިގުވާނެއެވެ މީގެބޯ ވަށްވެފައި ބޮލާއި ހަށިގަނޑާ ބެދުނު ހިސާބުން ބުރިކަށިމަތީގައި ގޮން ގަނޑެއް އޮންނާނެއެވެ މިއަށް މިނަން ކިޔުނީ ތަންތާނގައި ބިތްޖެހިފައި ގިނައިން އިންނާތީއެވެ
އޮޅުފަތި
ނ ބާވަތެއްގެ މިޔަރެއް. މީގެ ބުރަކަށިމަތީގައި ތިން އުރަހަ ހުންނާނެއެވެ. މީގެ ބަނޑުދޮށުގައި ހުންނަ ދެފިޔަފަތުން މިދާނޭމަގު ކޮނެފުން ކުރަމުންދުވެއެވެ. މީގެ ބޯ ތަންކޮޅެއް ދިގުވާނެއެވެ. މިއީ ދޯނިފަހަރާއި މީހުންގައިގައި ދަތް އަޅާއި އުނދަގޫދޭ ނުބައި މިޔަރެކެވެ
އޮއިކަނޑައިއެރުން
މ އޮޔާ އިދިކޮޅަށް ކުރިޔަށް ދިއުން
އޮއިކަނޑައިއެރުން
މ އޮޔާ އިދިކޮޅަށް ކުރިޔަށް ދިއުން
އޮއިކަންކަށީގައިޖެހުން
މ (1) ދުވެފައިދާ އެއްޗެއްގެ ދަށްފަރާތުން ކަންކަށީގައި ޖެހޭ އޮއިގެ ސަބަބުން އެއެއްޗެއް ވަޔަށް ނެގެމުން ދިއުން (2) މަޖާޒު: މަތީދަރަޖައިގެ މީހެއްގެ އެހީގައި އެކަމަށް އެޅިގެން ނުވެޔޭ ހީވާމީހަކު މަޑުމަޑުން ކުރިއަރަމުން ދިއުން
އޮއިކޮޅު
ނ (1) އޮއިއަންނަދިމާ (2) އޮއިވަރުގެ ކައިރިފަށް