radheef.info
ރަދީފު


ދާ
ނ (1) މަސްހިފުމަށްޓަކައި ރޮދިފަދަ އެއްޗަކުން ގޮޅިގޮޅި އަށްވާގޮތަށް ބަނދެފައި ނުވަތަ ހަދައިފައިވާ އެއްޗެއް (2) މައުދަނީ ފަށްތަކުން ގޮޅިގޮޅިޔަށް ވާގޮތަށް ހަދައިފައި ހުންނަ އެއްޗެހި (3) ގައިގެހަމުގައި ހުންނަ ލޯވަޅުތަކުން ނުކުންނަފެން (4) )ޏ ސ ( ފުނޑާ ދައި (5) )ގ ( ދޯ (6) "ދިއުން" މިބަހުގެ ވާކަން (7) ދާވުން މިބަހުގެ ނަން އިތުރު
ޖެއްސުން
މ (1) ޖެހުން މިބަސް ކުރުވުމުގެ މާނައިގައި ބުނާގޮތް. (2) ލޮލަށް ލިބޭ ގެއްލުމެއްގެ ސަބަބުން ނުވަތަ ލޮލަށް ކުނިކޮޅެއްފަދަ އެއްޗެއް ވެއްޓުމުގެ ސަބަބުން ލޮލުގައި އެއްޗެއް ޖެހޭހެން ހީވުން (3) މަދު އެތިއެތި ފޮދުން ބޯންދިނުން މިސާލު: )ހ( ފަނިތިކި ޖެއްސުން )ށ( ބުއްޖެއްސުން (4) ބަނދަރުކުރުން މިސާލު: މާލެ ދާނީ ގަލުފަޅުގައި ޖައްސައިފައެވެ (5) އުދުހޭ ބައެއްތަކެތި ތިރި ކުރުން މިސާލު: މަތިންދާބޯޓު ޖެއްސުން (6) އަނެކަކު ރުޅިއެރުވުމަށް ކުރާ ކަންތައް
ޗާޓަރު
ނ (1) މުދާ ނުވަތަ ފަސިންޖަރުން އުފުލުމަށްޓަކައި މަތިންދާ ބޯޓެއް ނުވަތަ ކަނޑުދަތުރުކުރާ އުޅަނދެއް އެދަތުރަކަށް ޓަކައި ކުއްޔަށް ހިފާ ހިފުން ނުވަތަ ކުއްޔަށް ދޫކުރާ ދޫކުރުން (2) އ ދ ފަދަ ބޮޑެތި ޖަމާޢަތް ތަކުގެ އަސާސީ ޤަވާޢިދު
ޗާޓަރުކުރުން
މ މުދާ ނުވަތަ ފަސިންޖަރުން އުފުލުމަށްޓަކައި މަތިންދާ ބޯޓެއްނުވަތަ ކަނޑު ދަތުރުކުރާ އުޅަނދެއް ވަގުތީ ގޮތުން ކުއްޔަށް ހިފުން
ޗާޕު
ނ )ހ ( ފޮތްފޮތާއި ލިއުމާއި ކުރެހުން ކަރުދާހަށް ކޮޕީކުރާއިރު ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ކޮޕީ ކުރާކުރުން މިގޮތުން ކަރުދާހާއި ފޮތިފަދަ އެއްޗެތީގައި ކުރެހުންތަކާއި ޑިޒައިންތައް ޗާޕުކޮށް ހަދައެވެ މިހާރަކަށް އައިސް މިމަސައްކަތަށް ގިނައިން ބޭނުންކޮށް އުޅެނީ މިކަމަށް ހަދައިފައި ހުންނަ މެޝިނެވެ
ޗާޕުކުރުން
މ ފޮތްފޮތާއި ލިޔުމާއި ކުރެހުން ވަކި އެއްޗަކަށް ނަގައި އޭގައި ދެލި އުނގުޅައި އޮބައިގެން ނުވަތަ ވަކި ބާވަތެއްގެ އެއްޗެއްގައި ލިޔެ އޭގައި ދެލި އުނގުޅައި އޮބައިގެން ކަރުދާހަށް ކޮޕީކުރުން މިހާރަކަށް އައިސް މިކަމަށް ބޭނުންކުރަނީ މިކަމަށް ތައްޔާރުކޮށްފައި ހުންނަ މެޝިނެވެ
ޗިޓު
ނ ވަކިތަނަކަށް އައުމަށް ނުވަތަ ވަކިކަމެއް ހަމަޖެހުނުކަން ނުވަތަ ހަމަ ޖައްސަންޖެހޭކަން އެންގުމަށް ކަމެއް ހިންގާ ފަރާތަކުން ލިޔެފޮނުވާ ނުވަތަ ދޭ ކަރުދާސް ކޮޅެއް
ޗީޗީ
އ (1) ހަޑިމުޑުދާރުކަން ދޭހަކޮށްދިނުމަށް ބުނެއުޅޭ ބަހެއް (2) ނުރުހޭކަން ދޭހަކޮށް ދިނުމަށް ބުނެއުޅޭ ބަހެއް (3) އެއްޗެއް ނުވަތަ މީހަކުދެކެ ފޫހިވާކަން އެންގުމަށް ބުނެއުޅޭ ބަހެއް
ޗުއްޓީ
ނ (1) މުވައްޒަފަކު ސަބަބަކާހުރެ ވަޒީފާ އަދާކުރަން ނުގޮސް ހުރުމަށް ހޯދާ ހުއްދަ ނުވަތަ މިގޮތަށް ހުންނަ މުއްދަތު (2) ބަންދު ދުވަސް ތައް
ޙައްޖަށްދިއުން
މ ޙައްޖުގެ ފަރުޟު އަދާކުޅައުމަށް މައްކާއަށްދިއުން
ޙައްޖުވުން
މ ޙައްޖުގެ ފަރުޟުތައް އަދާކުރުން
ޙަމްދު ޞަލަވާތް
ނ މާތްﷲ އަށްކުރާ ޙަމްދާއި ކީރިތި ރަސޫލާއަށް ކިޔަވާ ޞަލަވާތް
ޙަޟާރަތު
ނ ރަނގަޅު ފެންވަރެއްގެ ދިރިއުޅުމަކަށް ވާޞިލްވުމަށްޓަކައި އިންސާނާ އުފައްދާ އުފެއްދުންތަކާއި ހޯދާ ހޯދުންތަކާއި ވިސްނާ ވިސްނުންތަކާއި ޤުދުރަތީ މުއްސަނދިކަން ބޭނުންކުރުމަށްޓަކައި ކުރާ މަސައްކަތްތައް
ޙިއްޞާކުރުން
މ މުދާ ނުވަތަ ފައިސާ ނުވަތަ އެނޫންވެސް އެއްޗެއް ނުވަތަ ކަމެއްގައި ބައިވެރިވުން
ޙުދޫދު
ނ ދާއިރާ
ޚަލާސް
ނ (1) ނިމޭނިމުން (2) ހުސްވާހުސްވުން (3) އަދާވާ އަދާވުން މިސާލު: އޭނާގެ ދަރަނި ޚަލާސްވެއްޖެއެވެ
ޚާރިޖިއްޔާ
ނ ތަނުގެ ބޭރާބެހޭ ކަންތައްކުރާ އިދާރާ
ޚިދުމަތްތެރި
ނއ (1) މަސައްކަތްތެރި (2) ވާޖިބު އަދާކުރާ
ޤަދަރުދިނުން
މ (1) ޝަރަފުދިނުން (2) ޢިއްޒަތް ދިނުން (3) އިޙްތިރާމް އަދާކުރުން (4) އަގުވަޒަންކުރުން
ޤާބިލިއްޔަތު
ނ މީހެއްގެ ކިބައިގައި ހުންނަ ކަމެއް ކުރުމުގެ ކުޅަދާނަކަން
ޤާބިލުކަން
ނއނ (1) ކުޅަދާނަކަން (2) ލިޔާޤަތު ހުރިކަން