radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ގޮށި
ނ (1) އެތެރެއަށް އެއްޗެހި އެޅޭގޮތަށް ނުވަތަ އެއްޗެހީގެ މަތިންޖެހޭ ގޮތަށް ފުލަށް ހިމަކޮށް ތޫރިކޮށް ހަދައިފައި ހުންނަ އެއްޗެއް މިތަފާތު އެއްޗިހިން ވަރުވަރަށް ހަދައިފައި ހުރެއެވެ މިސާލު: )ހ( ކަރުދާހުގޮށި )ށ( ބިޑިއަނބުރާގޮށި (2) މުކައްބަ
ގޮށިމޫނުންބާނި
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަކަށް ނުވަތަ ދަރިކަނބަލަކަށް އަންހެނުން ކުރާ ޚާއްޞަ ވެދުމެއް
ގޮށިމޫނުންބާންޏާދިއުން
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަލަކަށް ނުވަތަ ދަރިކަނބަލަކަށް އަންހެނުންކުރާ ޚާއްޞަ ވެދުމެއް ކުރުން. މިވެދުން ކުރާނީ އެކިބައި ބަޔަށް ވަކިވަކީންނެވެ. މިވެދުންގެންދާނީ ރަންވަރަނގުހިއްޕައިފައިވާ ބޯކަރުދާހު ގޮށްޓެއްގައެވެ ރާއްޖެ ތެރޭގައިނަމަ ވިޔެފައިވާ ގޮށްޓެއްގައެވެ މިދިއުން ދާއިރު ކޮންމެ މީހެއްގެ އަތުގައި ގޮށްޓެއް އޮންނާނެއެވެ
ގޮށްވިރުވުން
މ (1) ހަށިގަނޑުގެ ނާރެއްގައި ނުވަތަ މަސްގަނޑުގެ ތެރޭގައި އުފެދޭ ކުދި ހަރުތަންތަންކޮޅު ފަރުވާދީގެން ރަނގަޅުކުރުން (2) ފުށް އުއްސައިގެން ފޮނިއެއްޗެހި ހަދާއިރު އޭގައި ހުންނަ ފުށްގުޅަގުޅަ އަތުން ފިއްތައިގެން ގުޅަގުޅަޔަށް ނުހުންނާނޭގޮތް ހެދުން
ގޮށްފައްޓަރު
ނ އުނަގަނޑުގައި އަޅަން ރިހިން ނުވަތަ ރަނުން ގޮށްގޮށަށް ގަތައިފައި ހުންނަ ފައްޓަރު
ގޮށްލަރު
ނއ (1) އުޅޭއުޅުމާއި މަސައްކަތް ކުރުމުގައި ހަރުކަށިގޮތްބޮޑު. (2) ކުރާ މަސައްކަތުގައި ނުވަތަހަދާ އެއްޗެހީގައި އޮމާންކަމެއް ފާޑެއްނެތް
ގޮށްލަރުކަން
ނއނ (1) މީހެއްގައި ހުންނަ ގޮތެއްނެތް ހަރުކަށިކަން (2) އެއްޗެއްގައި ހުންނަ ފާޑެއްނެތް ކުރަކި ނުވަތަ ކަސްކަން
ގޮނބި
ނ ބޮލާއި ނިއްކުރިއާއި ބޮނބިފަޅިފަދަ ތަންތަން ތަނެއްގައި ޖެހިގެން ނުވަތަ އެއްޗަކުން ޖެހިގެން ދުޅަވެ އުފުލިފައި ހުންނަ ތަން (2) )ހ ( މަޢުދަނީ އެއްޗެއްގައި އެއްޗަކުން ޖެހިގެން ބޭރަށް ފުއްޕައިފައި ހުންނަ ތަން
ގޮނބިނެގުން
މ (1) ބޮލާއި ނިތްކުރިއާއި ބޮނބިފަޅިފަދަ ތަންތަން ތަނެއްގައި ޖެހިގެން ނުވަތަ އެއްޗަކުން ޖެހިގެން ދުޅަވެ އުފުލުން (2) )ހ ( މަޢުދަނީ އެއްޗެއްގައި އެއްޗަކުން ޖެހިގެން ތަންކޮޅެއް ބޭރަށް ފުއްޕުން
ގޮނޑިހުސްވުން
މ ތަނަކަށް އައްޔަން ކޮށްފައިވާ ނުވަތަ އިންތިޚާބު ކޮށްފައިވާ މީހަކު އެކަމުން ވަކިވުން މިސާލު: ރައްޔިތުންގެ މަޖިލިސްގެ އަތޮޅެއްގެ ގޮނޑި ހުސްވުން
ގޮނޑިލިބުން
މ ޢައްޔަންކޮށްގެން ނުވަތަ އިންތިޚާބު ކޮށްގެން މީހުންހޮވާ ތަނަކުން ހުސްވެފައިވާ މަގާމު ލިބުން
ގޮނޑުދޮށަށްއެރުން
މ މަޖާޒު: (1) ކުޑަކަމު ނުވަތަ ބޮޑުކަމު ދިއުން (2) އަތިރިއަށް ދިއުން
ގޮނޑެންޖެހުން
މ އެންދަމާދާ ނުވަތަ ދާބުރި ބޭނުން ކޮށްގެން ގޮނޑު ދޮށުން ކުދި މަސް ހިފުން
ގޮން
ނ. (ގ) (1) ހަތަރު އަރިގޮތަކަށް ބޭރުގެ ބުރުހުންނަ ފަރުމަހެއް. (2) ނަނު އަޅާއިރު އުޅި ހިފެހެއްޓުމަށް ލަކުޑިން ނުވަތަ މަޢުދަނުން ހަދައިފައިވާ އެއްޗެއް. މިހުންނަނީ ފިތް ކަނޑައިފައެވެ. (3) ޖަހާގޮން (ގޮންޖެހުން ބަލާ!)
ގޮންޖެހުން
ނ (1) އަންހެނުން އިހުގައި އީދުތެރޭގައި ކުރާކަމެއް. މިކަންކުރާގޮތަކީ ފަހަތުން ދުވެފައިގޮސް "ޢީދުބޮލަށްގޮން" މިހެން ކިޔައިފައި އެ ފިރިހެން މީހާގެ ބޮލުގައި ނުވަތަ ކޮނޑުގައި އަތުން ޖަހައިފައި ދިއުމެވެ. މިއީ އަންހެނުންގެ ކެރޭކަން ދައްކަންކުރާ ކަމެކެވެ. (2) ވާދަކުރުން. (3) މަޖާޒު: މީހަކު ނުވަތަ ބަޔަކު ކަމެއް ކުރުމުން އެހެން މީހަކު ނުވަތަ އެހެން ބަޔަކު އެކަމެއް އެއަށްވުރެ މޮޅަށް ކުރާނެކަމަށް ބުނުން
ގޮރުބުޑު
ނ މަޖާޒު: ކޮންމެވެސްވަރަކަށް ގޮރުވަސް ހުންނަ ނުތާހިރުކޮށް ތިބޭޅަދަރިމައިން ނުވަތަ އެފަދަމީހުން ދެރަކޮށްލުމުގެ ގޮތުން ބުނެއުޅޭބަހެއް
ގޮޅި
ނ ހަތަރެސްކަނަށް ބައިކޮށްފައި ހުންނަ ތަނެއްގެ ނުވަތަ އެއްޗެއްގެ ބައިތަކުންކުރެ ބައެއް
ގޮޅިކެނޑުން
މ އެއްޗަކުން ނުވަތަ ތަނަކުން ހަތަރެސްކަނަށް ބަލެއްކެނޑުން
ގޮއިޖެހުން
މ ރަށެއްގައި ނުވަތަ ހިންނައެއްގައި ދަނޑުވެރިކަމެއް ކޮށްފައި އޮއްވައި އެދަނޑުން ގޮވާން ކެނޑުމުގެ ކުރިން "ގޮއިވެރިޔަކު" އައިސްދަނޑުގައި ފާހަގައެއްޖެހުން އޭގެފަހުން ދަނޑުން ގޮވާން ކަނޑައި ހަދާނީ ގޮއިވެރިޔަކަށް ގޮއިބަޔަށްދޭންވާ ބައިދީފައެވެ
ގޮއްވައިލުން
މ (1) އަނގައިން ފުމުމުން ނުވަތަ އެހެންވެސް ވަސީލަތަކުން އަޑުއުފެދޭ އެއްޗަކުން އަޑެއްނެރުން މިސާލު: ކަށިގަނޑު ގޮއްވައިލުން (2) ބަޑީގެ ވަޒަން ފޮނުވައިލުން (3) ބަޑިބޭސް ނުވަތަ ޑައިނަމައިޓް ފަދަ އެއްޗެއް ބޭނުންކޮށްގެން ތަންތަނާއި އެއްޗެހި ފުނޑު ފުނޑު ކޮށްލުން (4) )ޏ ( ރޮއްވައިލުން