radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ގަންޖާ
ނ ހިމަކޮށް ވާކޮށް ހެދޭ ގަހެއްގެ މާގަނޑާއެކު ހިއްކައިފައި ހުންނަ ފަތް. މިބޭނުންކުރަނީ މަސްތުވުމަށްޓަކައި ސިނގިރޭޓުގެ ގޮތުގައި ބުއިމަށެވެ
ގަރަހިތަފަނި
ނ މެދުރާއްޖެތެރެއިން ހިފާ އެމެއް މިއެން ހުންނާނީ ވަރަށް ހިމަހިމަކޮށް ބޯކޮޅަށް ތަންކޮޅެއް ބޮޑުކޮށެވެ މިއެމުގެ ކުލައަކީ ދަނބުކުލައެވެ
ގަރަޑަމާ
ނ (1) ނުބައިވަހެއްދުވާ ކިލާކުލައިގައި ކިސުޑިގޮތަށް ހުންނަ މަލެއް އާއްމުގޮތެއްގައި މީގެގަސް ހުންނަނީ ރަށްރަށުގެ ވަލުތެރޭގައެވެ (2) މަޖާޒު: މީހަކު ނުވަތަ އެއްޗެއް ކަމުނުދާކަން ދެއްކުމަށް ނުވަތަ ދެރަކޮށްލުމަށް ބުނެއުޅޭބަހެއް މިސާލު: ހައްތާވެސް ގަރަޑަމަލެވެ
ގަރުބަ
ނ ބދ (1) ނުނިޔަތް (2) އަށަ (3) ނީހަ
ގަރުފެން
ނ ހަނޑޫދޮވުނީމާ ހުންނަފެން
ގަރެދަބޮންޑާ
ނ )ގ ( ކަކުނީގެ ފޮށި
ގައިކެހެނބުޅި
ނ ތިރިކޮށް ހެދޭގަހެއް މިގަހުގެ ފަތް ހުންނަނީ ވަށް ބުރަކަށެވެ ފަތުގެ ކައިރީގައި ތުނޑުތުނޑު ހުރެއެވެ މިގަހުގެ ފަތްގައިގެހަމުގައި ޖެހުމުން ގައިކަހާނެއެވެ
ގައިގޯޅިކަން
ނއ (1) މީހަކާ ނުވަތަ އެއްޗަކާ މާބޮޑަށް ކައިރިކަން. (2) ކައިރި ކައިރީގައި ހުރިކަން. މިބަސް ބޭނުންކުރަނީ ގަސްގަހާ ގެއްސާއި އިންސާނުންނާއި ޖަނަވާރާ ބެހޭގޮތުންނެވެ
ގައިގޯޅިވުން
މ މާބޮޑަށް ކައިރިވުން މިބަސް ބޭނުންކުރެވެނީ ގަސްގަހާގެއްސާއި އިންސާނުންނާއި ޖަނަވާރާބެހޭ ގޮތުންނެވެ
ގަމަށްދާނީ
ނ )ޏ ( އިހުގައި ވަދުދޯނިފަހަރުގައި ދިޔަހިއްކަން ގެންގުޅުނު އެއްޗެއް މިހުންނަނީ ނާށިންހަދައި ކުރުދަނޑިއެއްލައިފައެވެ
ގަމަތެ
ނ )ގ ( ދޯނީގެ ވަތުގައި ހުންނަ ދިޔަ
ގަދަބައްޔަށްހިފުން
މ (1) ކާކުތޯ ގަދަވަނީ ބެލުމަށް ބަނޑުމުސާރައަށް ބެއްދުން (2) މޮޅުވާ މީހަކު ބެލުމަށް ދޫނުކޮށް ހިފެހެއްޓުން
ގަދަބިންފާޅަ
ނ ގަސްގަހަށާއި ތަންތަނަށް ހަކިހިއްޕަމުން ހެދެމުންއަރާ ވަރުގަދަ ވެލެއް. މިވެލުގެ ފަތްހުންނާނީ ބޮޑަތިކޮށް އަލަފަތާ ވައްތަރު ގޮތަކަށެވެ
ގަތާފައި
ނ ބޯވަޅުގެ ރޮދިގަނޑާއި ހިރުފަދަ ތަކެތި ގެތުމަށްޓަކައި ހަނޑޫ ކަނޑާވަނެއްގެ ސިފައިގައި އަށެއްކަ އިންޗީގެ އުސްމިނުގައި ލަކުޑިން ހަދައި ލިޔެލާ ޖަހައިފައި ހުންނަ އެއްޗެއް މިހުންނަނީ އެތެރެ ކޮނެފައެވެ މަތީގައި ފޮތީގެ ބޮލެއް އޮވެއެވެ
ގަލަގަދި
ނ އޮޑި ދޯނިފަހަރުގެ ދިޔަވާ ތަންތަން ބެއްދުމަށް އަޅާ ގަދަފަދަ ފުޓުންޏެއް މިހަދަނީ ބަނބުކެޔޮ ގަހުގެ ކިރާއި އީޓުމުށީގެ ކުނޑި އެއްކޮށް ކައްކައިގެންނެވެ
ގަސް
ނ (1) ބިމުން ފަޅައިގެން ބިމަށް މޫލައި ހެދޭ އެއްޗެއް މީގައި ގަސްކަނދަކާއި މުލާއި ފަތް އެކުލެވެއެވެ މިއީ ތަފާތު އުސްމިނަށް ތަފާތު ވައްތަރު ވައްތަރަށް ހުންނަ އެއްޗެކެވެ މީގެ ތެރޭގައި ބޭހަށާއި އިންސާނުންގެ ކެއުމަށާއި ލަކުޑިއަށާއި ދަރަށް ބޭނުންކުރާ ބާވަތްތައް ހިމެނެއެވެ އިންސާނުންގެ ކެއުމަށް ބޭނުންވާ މައިގަނޑު ބައިތައް ލިބެނީ މިއިންނެވެ (2) ފެނުގައި ހެދޭ މުލާއިފަތާއި ގަސްކަނދު ހުންނަ ބާވަތްތައް (3) ގަސްގަހުގެ ސިފައިގައި ހަދައިފައި ހުންނަ އެއްޗެހި
ގަސްމުށި
ނ ގަސްއިންދަން ހަދައިފައި ހުންނައެތި މިހުންނަނީ އެއްތަނުން އަނެއް ތަނަށް ގެންދެވޭ ގޮތަށެވެ
ގަޑިހަދާއައިނު
ނ ގަޑި ހަދާއިރު ބޭނުންކުރާ އައިނެއް މިއައިނު ހުންނަނީ ލޮލުގައި ތިއްބާ ގޮތަށެވެ
ގަޓާ
ނ ގުޑުގުޑާގެ ނޮޅި ހަރުކޮށްފައި ހުންނަބައި މިހުންނަނީ ވަށްކޮށް ލިޔެލާ ޖަހައިފައެވެ
ގާންފޮނުވުން
މ )ގ ( (1) މަނިބޭރުކުރުން (2) ޝަހުވާނީ އެދުން ފުއްދުން