radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ކާޅުކަން
ނއނ (1) ބަނިޔާދަން ކަމުގެ އިދިކޮޅު (2) އަންހެނެއްގެ އުޅުމުގައި ލަދުކުޑަކަން ހުންނަކަން
ކާޅުކޮށުން
މ (1) އިހުގައި ކުޅި ހުއްޓާރޭރޭ މަސަލަސް ޖެހުމުގެ ބަދަލުގައި ހޮޅިކޮށީ މީހުން ކޮށްއުޅުނުކަމެއް (2) މަޖާޒު: އުނދަގޫކުރުން
ކާޅުކޮވެލި
ނ ކަޅުކުލައިގައި ހުންނަ ކޮވެލި މިއީ ފިރިހެން ކޮވެއްޔެވެ
ކާޅުމުރާކި
ނ މުރާކީގެ ބާވަތެއް މިގަސް ހެދެނީ ބިންމަތީގައި ފެތުރެމުންނެވެ މީގެ މުރާކީގައި ފޮނިރަހައަކާއެކު ހިތިރަހައެއް ހުރެއެވެ މުރާކި ހުންނަނީ ކުދިކޮށެވެ ގަހުގެ ފަތްވެސް ކުދިވާނެއެވެ
ކާޅުދަދު
ނ ހަމުގެ ބައްޔެއް. މިއީ ކުޑަކުދީންގެ ބޮލުގައި ނަގާ ހަމުގެ ބައްޔެކެވެ. މިހުންނަނީ ލައްލަކަށް ރާޅުކޮށް ކައިރިފަށްބޯކޮށެވެ
ކާޅުދޮންކެޔޮ
ނ ރުއްމަޑިފަނި މިއީ ހުދުކުލައިގެ ފަންޏެކެވެ މިހުންނަނީ ބަދަބަދަޖަހައިފައި ފަލަކޮށެވެ މިބާވަތުގެފަނި ގިނައިން އުޅެނީ ފީ ރުއްގަނޑުގަނޑުގައެވެ މިފަންޏަށް ކާޅުދޮންކެޔޮ ކިޔަނީ ކާޅު މިފަނިކާތީއެވެ
ކާޅުތުން
ނ (1) ތިލޭރު އަތްކަން ކުރާމީހުންދުން ކިބަލަށް ފެންޖަހާން ގެންގުޅޭ އެއްޗެއް މިހުންނަނީ ދިގު އޮޑި ހަނެއްގެ ސިފައިގައި ލޮއިން ހަދައިފައެވެ (2) ފުކެއްލައިގެން ތެޔޮ އަޅައިގެން ދިއްލާން އިހުގައި ގެންގުޅުނު ބައްތިއެއް މިހުންނަނީ ދިގު އޮޑިހަނެއްގެ ސިފައިގައެވެ ހަދައިފައި ހުންނަނީ ލޮއިންނެވެ
ކާއު
ނ )ސ ( ބައްތެލިފަހަރާއި ނައުފަހަރުގެ ކަވަރުނާތަކުން ބޯރުދުވަށް އަރައިފައި ހުންނަތަން
ކާވިޔާ
ނ ފަނަލުގެވައު ގަލުގައި ޖެހިދާނެތީ އޭގައިލާ އުފުލި ގިނައިން މިހަދައިފައި ހުންނަނީ ކަނދުންނެވެ
ކާވެނި
ނ (1) އަންހެނަކާ ފިހެނަކު ފިރިއަކާ އަންބެއްގެ ގޮތުގައި ދިރިއުޅުމަށް ދީނީ ހަމަތަކުގެ މަތިން އެދެމީހުން ގުޅުވައިދޭ ގުޅުވައިދިނުން (2) ނިކާހަ
ކާވެނިބަތް
ނ ކާވެނިވީ ފިރިހެންމީހާ އެކަމުގެ އުފަލުގައި ގާތްމީހުންނާއި ރަޙުމަތްތެރީންނަށް ކާންދޭ ކެއުން
ކާވެނިކުރުން
މ އަންހެނަކާ ފިރިހެނަކު ފިރިއަކާ އަންބެއްގެ ގޮތުގައި ދިރިއުޅަމަށް ދީނީ ހަމަތަކުގެ މަތިން އެދެމީހުން ގުޅުވައިދިނުން
ކާވެނިވުން
މ އަންހެނަކާ ފިރިހެނަކު ފިރިއަކާ އަންބެއްގެ ގޮތުގައި ދިރިއުޅަމަށް ދީނީ ހަމަތަކުގެ މަތިން އެދެމީހުން ގުޅުވުން
ކާމަރަނގަ
ނ މޭވާގެ ބާވަތެއް މިއީ ފަސްއަރިއަށް ހުންނަ ވަރަށް ހުތް މީރު މޭވާއެކެވެ މިމޭވާ ހުރަހަށް ފޮތިޖެހުމުން ހުންނާނީ ފަސްފިޔަމަލެއް ހެންނެވެ މީގެއޮށަކީ ވަށްކޮށް ދިގުކޮށް ހުންނަ ކުޑައޮށެކެވެ
ކާމިނީޕޫލު
ނ މީރުވަސްދުވާ ހުދުކުލައިގެ ކުޑަމަލެއް މިމައު އަޅާގަސް ހުންނާނީ ކުދިލުނބޯގަސްފާޑަށެވެ މިގަހުގައި ކައްޓެއް ނުހުރެއެވެ
ކާފަ
ނ (1) ބައްޕަގެ ނުވަތަ މަންމަގެ ބައްޕަ (2) ބޮލުގެ އިސްތަށި ފެޅުމުގައި އެނބުރިފައި ހުންނަތަން
ކާފަރަބުރު
ނ )ސ ( ކުޅީގެ އައްސޭރީގައިހެދޭ ލަންސިމޫގަސް ފާޑުގެ ގަހެއް މީގެފަތް ހުންނާނީ ހަނިދިގުކޮށްނެވެ
ކާފަރުޖިންނި
ނ މީހުންނަށް އުނދަގޫދީ އުޅޭކަމަށްބުނާ ޖިންނި
ކާފޫރު
ނ ކާފޫރުގަހުގެކިރުން އުފައްދާ ވަރަށް ގަދަ އާވިވަހެއް ހުންނަ އެއްޗެއް މިއީ ބޭހަށް ބޭނުންކުރާ އެއްޗެކެވެ
ކާފޫރުރޮށި
ނ ފޮތި ފޮއްޗަށް ހަދައިފައި ހުންނަ ހުދުކާފޫރު