radheef.info
ރަދީފު


ދި
ނ އަންހެންދަރި
އެކާވީސް
ނ ދެދިހައެކެއް (21)
އެކުނި
ނއ ދިވެހީންގެ ގުނުމުގައި ޢަދަދުކިޔާއިރު ފައްސިހި ތިންދޮޅަސް ފަނަސް ފަސްދޮޅަސް ފާނހިތި މިއިންކޮންމެ ޢަދަދަކަށް އެކެއްމަދުވީމާ ކިޔާގޮތް. މިސާލު: އެކުނި ފައްސިހި އެކުނި ތިންދޮޅަސް
އެކުއެކުގައި
ކއ (1) ވަކިވަކިނުކޮށް (2) ވިދިވިދިގެން (3) އެއްފަހަރާ
އެކޮޅުކޮޅު
ނ (1) އެއްޗެއް އޮންނަންވީ ކޮޅުނޫން އަނެއްކޮޅު މިސާލު: ކޮޅަށް ހުންނަ އެއްޗެއްގެ މައްޗަށް ހުންނާންވީ ކޮޅު ތިރިއަށް ހުރުން (2) އިދިކޮޅު
އެކޮޅުކޮޅުންކަންތައްކުރުން
މ ކުރަންވީގޮތުގެ އިދިކޮޅަށް ކަންތައްކުރުން
އެކޮޅުކޮޅުންޖެހުން
މ (1) ބޯކޮޅުވަތަށް ވާނޭހެން ވައްޓައިލުން (2) އެއްޗެއްގެ މަތީކޮޅު ތިރިޔަށް ޖެހުން (3) މަޖާޒު: ކަމެއް އިދިކޮޅަށް އަނބުރައިލުން
އެކޮއި
ނ (1) ދަރީންނަށް ނުވަތަ ކުޑަކުދިންނަށް ލޯބިން ބުނާގޮތެއް (2) ކޮއްކޮ
އެއްނޭވާ
ނ ނޭވާއެއްގެ ދިގުމިން
އެއްނޭވާކުދިން
ނ ގިނަކަންތަކުގައި އެއްގޮތްކުދިން. އެއީ ޖިސްމާނީ ގޮތުންނާއި މަޢުނަވީ ގޮތުންނެވެ މިހެން ގިނައިންވަނީ އެއްމާބަނޑު ނުވަތަ އެއްބަނޑު އެއްބަފާ ކުދިންނަށެވެ
އެއްކަށިވީރު
ނ (1) ކަށިފަލަ ވަރުގަދަމީހާ (2) ބޯދާޚިޔާލުގައި އަތްދަނޑީގެ ކަށި އެއްވެފައި އަދި އަރިކަށީގެ ކަށިތައްވެސް އެއްވެފައިވާމީހާ
އެއްކުރާނަވަތަ
ނ ހިސާބު ދަސްކުރާ ކުދިންނަށް އެއްކުރާން ކިޔާގޮތް ދަސްކޮށްދޭން ހަދާފައި އޮންނަ ނަވަތަ
އެއްވަނަބުއްދި
ނ މީހުންގެ ލަފާ ޤަބޫލުނުކުރާ މޮޔަ ބުއްދި
އެއްވަސްވުން
މ (1) މުޅިތަނަށް ވަހެއް ފެތުރިފައިވުން (2) ގަދަ ވަހެއް ފެތުރިގަނެގެން ދިއުން (3) ދެގެއެއްގެ ފުރާޅުގެ ވަސް ހަމަހަމައަށް ދިމާވުން
އެއްމެދުމުދައު
ނ ދެމީހަކު ނުވަތަ އެއަށްވުރެ ގިނަ ބަޔަކު މަސައްކަތްކޮށްގެން ހޯދި މުދަލަކަށް ވުމުގެ ސަބަބުން އެއެންމެންގެ މެދުގައި ހަމައަށް ބެހޭންވެފައިވާ މުދައު
އެއްފިނދުންގުއިރުން
މ ދެމީހަކު ދެމެދުގައި އެކުވެރިކަން ބޮޑުވެގެންގޮސް ޙައްދަށް ދިޔައިމާ ދީއުޅޭ މިސާލެއް
އެއްތެޔޮ
ނ ވައުކޮށް ވެލަށް ހެދޭ ގަހެއް. މީގެ ގަސްގަނޑު ހުންނާނީ ދުރުދުރުގައި ބަދަ ޖަހައިފައެވެ. މިއީ ވަރަށް ދިގުވާ މަޑު އެއްޗެކެވެ އަދި ވަރަށް ތަތްކޮށް ހުންނަ ގަދަ އެއްޗެކެވެ އެއްތެޔޮވަށި ހަދައި ގޮނޑީގައި އެއްތޮޔަ ފުރާ ހަދަނީ މިއިންނެވެ މީގެ އެތެރޭގައި ބަނބުކެޔޮ މުލުގައި ހުންނަހެން ލޯވަޅު ހުންނާނެއެވެ
އެއްގަންކުރުން
މ ހިކިފަސްތަނަކަށް ގެންދިއުން
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެއްޗަކަށްވުން
މ (1) ބޭނުން ނުހިފޭކަހަލަ އެއްޗެއް ބޭނުން ހިފޭގޮތްވުން (2) ތަރުބިއްޔަތު ނުވެވޭނޭހެން ހީވާ މީހަކު ކަމެއްގައި ބޭނުން ހިފޭގޮތްވުން (3) ކަމުދިއުން (4) ކުޅަސަމާސާއެއް ވިހަވުން (5) މަޤްޞަދެއްނެތި ކުޅަކަމަކުން އޭގެ ފޮނި ނުވަތަ ހިތި ނަތީޖާ ފެނުން
އެއްޗެހިމޮށުން
މ މީހަކަށް ދެރައެއް ދިނުމުގެ ގަސްތަކުގައި އަނެކާ ގާތު އެމީހާ ނުބައިމީސްކޮށް ވާހަކަދެއްކުން