radheef.info
ރަދީފު


ދާ
ނ (1) މަސްހިފުމަށްޓަކައި ރޮދިފަދަ އެއްޗަކުން ގޮޅިގޮޅި އަށްވާގޮތަށް ބަނދެފައި ނުވަތަ ހަދައިފައިވާ އެއްޗެއް (2) މައުދަނީ ފަށްތަކުން ގޮޅިގޮޅިޔަށް ވާގޮތަށް ހަދައިފައި ހުންނަ އެއްޗެހި (3) ގައިގެހަމުގައި ހުންނަ ލޯވަޅުތަކުން ނުކުންނަފެން (4) )ޏ ސ ( ފުނޑާ ދައި (5) )ގ ( ދޯ (6) "ދިއުން" މިބަހުގެ ވާކަން (7) ދާވުން މިބަހުގެ ނަން އިތުރު
ޒިޔާރަތް
ނ (1) ނަބީ ރަސޫލު ބޭކަލުންނާއި ވަލީވެރިންނާއި ރަސްރަސް ކަލުންގެ ބިސްތާނު (2) މީހަކާ ބައްދަލުކުރާ ބައްދަލު ކުރުން (3) ތަނަކަށްދާ ދިއުން
ޒިޔާރަތްފުޅު
ނ ކީރިތި ރަސޫލާގެ ފަސްދާނު ވަޑުވައިފައި ވާތަނުގައި ކޮށްފައިވާ ޢިމާރާތް
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޒީރު
ނ (1) އިހުޒަމާނުގައި މަތިން ދަތުރުކުރި އުޅަނދެއްކަމަށް ފުލޯކު ވާހަކައިގައި ކިޔާއެއްޗެއް (2) މަކަރު (3) ހިންތާ (4) ހަދާ ހިކުމަތް
ޒުލްގައިދު
ނ ޒުލްޤަޢިދާ
ޒޫން
ނ އަޑެއްގެ ނަން މިއީ އެއްޗެއް ވައިކަފައިލައިފައިދާއިރު އިވޭ އަޑެވެ
ޓައިޕިސްޓު
މ ޓައިޕުކުރުމުގެ ވަޒީފާ އަދާކުރާމީހާ
ޓައިޕުރައިޓަރު
ނ އިނގިލިތަކުގެކުރި ބޭނުންކޮށްގެން ދެލީގެ ރިބަން ފަށަކުން ލިޔެވޭގޮތަށް ހަދައިފައި ހުންނަ މެޝިނެއް މީގައި އަކުރުތައް ފެންނަގޮތަށް ފިތްތަކެއް ހުރެއެވެ އެއިން ފިތަކަށް އޮބައިލުމުން އެއަކުރެއް ކަރުދާހުގައި ޖެހެއެވެ
ޓަފަރާސީ
ނ (1) ވޮޗަރު (2) ސަރުދާރު
ޓިނބުލި
ނ (1) ސަތަރިއާއި ފަރުދާފަދަ ތަކެތި ދެމުމަށްޓަކައި ހަރުކޮށްފައި ހުންނަ އަނގޮޓިއެއްކަހަލަ ވަށްބޮޅެއް (2) ތާކިހަލާއި ބޯ ހެދުންފަދަ ތަކެތީގައި ވައިވެއްދުމަށްޓަކައި ކަނޑާ ލޯވަޅުގެ ކައިރިފަށް ހަލާ ކުވިޔަ ނުދިނުމަށް ހަރުކުރާ ވަށްބޮޅެއް ޢާއްމުކޮށް މިހަދައިފައި ހުންނަނީ މަޢުދަނީ އެއްޗަކުންނެވެ
ޓިކެޓު
ނ ވަކިސިފަޔަކަށް ކަރުދާހުން ތައްޔާރުކޮށްފައި ހުންނަ އެއްޗެއް. މިއީ ކަމަކަށް ނުވަތަ އެއްޗަކަށް އަގުދައްކައިފައިވާ ކަމުގެ ހެއްކެއްގެ ގޮތުން ދޫކުރާ އެއްޗެކެވެ. މިދެއްކުމުން ވަކިތަނަކަށް ވަނުމަށް ނުވަތަ ވަކި އުޅަނދަކުން ނުވަތަ ވަކިއެއްޗަކުން ދަތުރުކުރުމަށް ހުއްދަ ލިބެއެވެ
ޓުރަކު
ނ މުދާއުފުލާ އެންމެބޮޑެތި ލޯރި
ޓުރާންސުްޕޯޓު
ކއ މީހުން ނުވަތަ މުދާ ނުވަތަ މީހުނާއިމުދާ އެއްތަނުން އަނެއް ތަނަށް އުފުލައިދޭ
ޓެނިސް
ނ (1) ކޯޓުއަޅައިގެން ކުޅޭކުޅިވަރެއް މިކުޅިވަރުގައި ދެމީހުންނަށް ނުވަތަ ހަތަރު މީހުންނަށް ބައިވެރިވެވެއެވެ ކޮޅެއްގައި އެކަކު ނުވަތަ ދެމީހުންނެވެ ޓެނިސްކޯޓުގައި ހުންނަނީ މެދުގައި ދާގަނޑެއް ދަމައިފައެވެ މިއީ ބޯޅައަކުން ދާގަނޑުމަތިން ކުޅޭކުޅިވަރެކެވެ ކުޅެން ގެންގުޅެނީ ރެކެޓެވެ (2) ރަބަރާއި ފޮތިން ހަދައިފައިހުންނަ ފައިތިލަ ފޮރުވޭ ކަހަލަ ފައިވާނެއް
ޓެންޓު
ނ (1) ފޭލިގެ. (2) ތަރަފާލު ނުވަތަ ބޯފޮއްޗަކުންހަދާ ވަގުތީ ގޮތުން ހިޔާވަހިކަން ލިބިދޭތަނެއް. މިތަން ކޮޅަށްޖަހަނީ ލުއި ދަނޑީގެ ނުވަތަ ހޮޅީގެ ބޭނުންކޮށްގެންނެވެ ވެއްޓުނަނުދީ ހިފަހައްޓަނީ ނަނު ނުވަތަ ވާޖަހައިގެންނެވެ
ޓޮމީގަން
ނ ފިސްތޯލައަށްވުރެ ބޮޑެތިކޮށް ތަފާތު ސިފަސިފަޔަށް ދަގަނޑުގެ ޚާއްޞަމައުދަނަކުން ހަދާ އޮޓޮމެޓިކް މެޝިންބަޑިއެއް މިބޭނުން ކުރެވެނީ އަތްމަތީ ހަތިޔާރެއްގެ ގޮތުގައެވެ
ޓޮފީ
ނ ގެރިކިރާއި ހަކުރާ އެއްކޮށްގެން ހަދާ މެޓާފާޑު އެއްޗެއް
ޔަހޫދީން
ނ (1) މޫސާގެފާނުގެ ޤައުމުގެމީހުން (2) އިސްރާއީލުގެ މީހުން (3) މަކަރާއި ހީލަތްހަދާމީހުން
ޔުނިވަރުސިޓީ
ނ ތަފާތު ޢިލްމުތަކުގެ އެންމެމަތީ ތަޢުލީމުދޭ ނުވަތަ މަތީތަޢުލީމުދީ މަތީ ތަޢުލީމުގެ އިމްތިޙާންތައް ބާއްވާ އިދާރާ
ޔުނިފޯރމް
ނ (1) ސިފައިންނާއި ފުލުހުންނާއި ސްކައުޓުން ފަދަ މީހުން ނުވަތަ ވަކިކަހަލަ ވަޒީފާތައް އަދާކުރާމީހުން އަޅާ ޚާއްޞަ ހެދުން (2) ސްކޫލްކުދިން އަޅާ ޚާއްޞަ ހެދުން