radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ނިވާލުން
މ (1) އަލިފާން ނެއްތައިލުން (2) ހޫނު ފެނަށް ހިހޫ ފެންއަޅައިގެން ހޫނުކަން މަޑުކޮށްލުން (3) އިންޖީނާއި ރޭޑިޔޯއާއި ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓައިލުން (4) އަވިމަޑުވެލުން ނުވަތަ ހަނދުވަރު ފަނޑުވެލުން
ނިވުން
މ (1) އަލިފާން ހުރެފައި ނެތުން. (2) ދިއްލިފައި ހުރިއެއްޗެއްގެ އަލިކަން ދިޔުން. (3) ހޫނުފެނަށް ހިހޫފެން އަޅައިގެން ހޫނުކަން މަޑުކުރުން. (4) އިންޖީނު ރޭޑިޔޯ ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓުން (5) އަވި މަޑުވުން ނުވަތަ ހަނދުވަރު ފަނޑުވުން
ނިތުބަޑި
ނ ކުނަހަނގާލި
ނިތްތޮޅި
ނ ކުނަހަނގާލި
ނިލަމެހި
ނ އެމުގެ ބާވަތެއް މިއީ ރާއްޖޭގެ ފަޅުފަޅުގެ މުރަކަތަކާ ގާތަކުގައި ވަރަށް ގިނައިން އުޅޭ އެމެކެވެ މީގެ ކަންފަތްގަނޑު ބޮލަށްވުރެ ކުރުވާނެއެވެ މަހުގެ ނިގޫފަތުގެ ކޮޅު ހުންނަނީ ހިމަކޮށް އޫކޮށެވެ މަހުގެ ކުލައަކީ ފެހިނޫކުލައެކެވެ ދޮށީގެ މަސްވެރިކަމުގައި މިބާވަތުގެ އެން ވަރަށް ގިނައިން ބޭނުން ކުރަން ޖެހެއެވެ
ނިގާރަންލުން
މ (1) ފުރާދުއްވާ އެއްޗިއްސަށް ނިގާރަމުގެ ބޭނުމުގައި ތަކެތި އެރުވުން (2) މަޖާޒު: ނާސްތާކުރުން
ނިޤާބު
ނ މޫނު މައްޗަށް ވައްޓައިލާ ބުރުގާ
ނުނިޔަތް
ނ (1) ހަސަދަ (2) ހިތުގައިހިނގާ ނުރުހުން (3) އަނެކާއަށް ދެރައެއް ދިނުމަށް ގަސްދުކުރާ ކުރުން
ނުބެހޭކަމަކާއި ކާޅުކެއަސް ސޮއްނުގޮވާތި
)ހަރުބަހެއް( ތިމާއާނުބެހޭ ކަންކަމާ ގާތްނުވުމަށް ބުނެއުޅޭ ބަހެއް
ނުކިއްސަރު
ނއ (1) ނުގުޅޭ (2) ނުވައްތަރު (3) ނޭއްގާނި
ނުކިއްސަރުކަން
ނއނ (1) ނުގުޅޭކަން (2) ނުވައްތަރުކަން (3) ނޭއްގާނިކަން
ނުލުފަނޑިހި
ނ (1) ފަނޑިހިރުއް (2) ނުލުރުކުގާ ގަންނަ ތަކެއްޗާއި ރަތުރުކުގައި ގަންނަ ތަކެއްޗާއި ދެމެދުގެ ކުލައެއްގެ ތަކެތި ގަންނަރުއް
ނޫ
ނ (1) ކުލައެއްގެނަން މިއީ ދުވާލު އުޑުމަތި ސާފުކޮށް އޮންނައިރު އުޑުމަތިން ފެންނަ ކުލައެކެވެ ނަންއިތުރެއްގެ ގޮތުގައިވެސް މިބަސް ބޭނުން ކުރެއެވެ މިސާލު: ނޫތަށި ނޫފޮތި (2) ވިއްސާރަ ދުނީގައި ހުންނަ ހަތްކުލައިގެ ތެރެއިން ފެއްސާ ވައިލެޓާ ދެމެދުގާ ހުންނަ ކުލަ (3) )މަލިކު( ފެހި
ނޫނެކޭ
އ (1) ނޫނެކޭގެ ގަދަގޮތް (2) "ނޫނޭ" ބުނީމާ ނުވަތަ ބުނެފައި އެވާހަކަ އަނެކާ ގާތުގައި ބުނާގޮތް
ނޫކާޅު
ނ ރާއްޖޭގެ ފަރުފަރުގެ މުރަކައާއި ގާތަކުގެ ތެރޭގައި ވަރަށް ގިނައިން އުޅޭ މަހެއް މޫދުމަސް ދިރުވައިގެން ގެންގުޅޭމީހުންގެ ގާތުގައި މިއީ ވަރަށް މަޝްހޫރު މަހެކެވެ މަހުގެ ބޮލުގެ ކުލައަކީ ކަލުކުލައެވެ ކޯތާފަތުގެ ކުލަ ހުދުވާނެއެވެ ހަށިގަނޑުގައި ހަންހުރި ހުރިހާ ހިސާބެއްގެ ކުލައަކީ ނޫކުލައެވެ ނަގޫފަތުގެ ކޮޅުގައްޔާ ބުޑުދަށުގައި ހުރަހަށް ކަލުކުލައިގެ ފުޅާ ދެރޮނގު ހުންނާނެއެވެ
ނޫޓު
ނ (1) ފައިސާގެ ގޮތުގައި ބޭނުންކުރުމަށް ސަރުކާރުން ކަނޑައަޅާގޮތަކަށް ކަނޑައަޅާ ވަރަކަށް ކަނޑައަޅާ ކަރުދާހެއްގައި ޗާޕްކޮށް ސަރުކާރުގެ އަމުރަށް ހިންގާ އެއްޗެއް
ނެންގުން
މ (1) ނެންގެވުން (2) މީހަކުލައްވާ އެއްޗެއް ނަގާނެގޮތް ހައްދާ އެކަން ކުރުވުން
ނެރުނޮޅުން
މ ނެރުގައި ހުންނަ ވިނަނޮޅައި ގާތައް ނަގައި ނެރު ސާފުކުރުން
ނެރުމަތީބުރޮޅި
ނ (1) އޮޔާދާހާ އެއްޗެހީގައި ކޮށައިފައި ނެރުމަތީގައި އުޅޭ ކުޑަމަހެއް (2) މަޖާޒު: ފުޅަލި ނުވަތަ ދޮރޯށި ދޮށުގައި ހުރެގެން ދާހައި ފިރިހެނަކާ ހަނގާކޮށް އުޅޭ ޒުވާން އަންހެނާ
ނެގެޓިވު
ނ ކެމެރާއިން ނަގާ ފޮޓޯ ފުރަތަމަ އަރާ ބިއްލޫރިގަނޑު ނުވަތަ ފިލްމުގެ އެންމެ އާންމު ބާވަތް. މިބިއްލޫރި ގަނޑަށް ނުވަތަ ފިލްމަށް އަރާ ފޮޓޯ ސާފުކުރީމާ ހުންނާނީ އަލިކޮށް ހުންނަ ބައިތައް އަނދިރިކޮށް އަނދިރިކޮށް ހުންނަ ބައިތައް އަލިކޮށެވެ