radheef.info
ރަދީފު


ގަން
ނ (1) ރަށް (2) ރާއްޖޭގެ ބައެއް ރަށްރަށަށް ކިޔާނަމެއް މިސާލު: ހުވަދު އަތޮޅުގަން
ދިދަ
ނ (1) ގައުމު ތަކުގައި ނިޝާނެއްގެ ގޮތުން ބޭނުންކުރާ ވަކި ޑިޒައިނަކަށް ފޮތިން ހަދައިފައި ހުންނަ އެއްޗެއް. ޢާއްމުކޮށް މިހުންނާނީ ހަތަރެސްކަނަށެވެ. ނަގައިފައި ހުންނާނީ ދަނޑިއަކަށެވެ. (2) ސިގުނަލެއް ދިނުމަށް ނުވަތަ ވަކިބައެއްގެ ނިޝާނެއްގެ ގޮތުން ބޭނުން ކުރުމަށް ފޮތިން ވަކިޑިޒައިނަކަށް ހަދައިފައިވާ އެއްޗެއް. (3) ތަންތަން ޒީނަތްތެރި ކުރުމަށް ކުލަކުލައިގެ ފޮތިންނާއި ކަރުދާސްފަދަ އެއްޗިހިންހަދައި އެލުވާ ނުވަތަ ދަނޑީގައި ނަގަން ބޭނުންކުރާ އެއްޗެއް
ދިގުމަގުނެގުން
މ (1) ޢީދުދުވަހު ރަދުން ޢިއްޒަތުގައި ގަނޑުވަރަށް ވަޑައިގަންނަވާއިރު އެމަގުމަތީގައި ކޮށިކޮށީގެ މީހުން ފުއްޕާހެދުން އަޅައިގެން ތިބެ ބޮންތިއާއި އައްޑަނަ ހިފައިގެން ކުޅިޖަހަމުންެދާދިއުން (2) ގާއޮޑިލަވަ ކިޔާމީހުން އެއްތަނުން އަނެއްތަނަށް ދާއިރު މަގުމަތީގައި ލަވަކިޔަމުން ނަށަމުން ދާދިއުން
ދުނިޔޭގެލަދު
ނ (1) ބޭޒާރުވެދާނެތީ ވާޖެހިލުންވުން (2) ފަޟީޙަތް ވެދާނެތީ ގަންނަބިރު (3) އަބުރުގެއްލި ދާނެތީވާދެރަ (4) މީސްތަކުންނަށްކަމެއް ފާޅުވެދާނެތީ ޖެހިލުންވާ ޖެހިލުންވުން
ދުޅަހަރު
ނ ފޭރާން ކުރާއިރު ދުޅަނަގަން ގެންގުޅޭ އާލަތެއް
ދުއްދުން
މ (1) ތައްޔާރުކޮށްފައި ބެހެއްޓުން މިސާލު: ބަޑިޖަހަން ދުއްދައިފައި )ތައްޔާރުކޮށްފައި( ބެހެއްޓުން (2) މަޖާޒު: ދުރަށްނުގޮސް އަބަދު ކައިރީގައި ހުރުން (3) އަޅައިގަންނަގޮތަށް އެއްޗެއް ދިއްކޮށްފައި ބެހެއްޓުން (4) ކިރިޔަކިރިޔާ ހިފެހެއްޓޭވަރަށް ތަނެއްގައި އެއްޗެއް ވިއްދުން
ދުވާރު
ނ މަގުގެ ދެފަރާތުއަރިމަތީގައި ހިނގަން އޮންނަތަން
ދެދޮރޯށިދޭތެރެ
ނ އިހުގައި ހެންވޭރު ދޮރޯއްޓާއި މާފަންނު ދޮރޯއްޓާއި ދަތުރަށް އަރައިވަޑައިގަންނަވާ ދޮރޯއްޓާއި ސައްކަރަންޏާ ދޮރޯއްޓާއި މިހަތަރު ދޮރޯށީގެ އެތެރޭގައި އޮންނަ ހުސްބިން
ދެގެދޭތެރޭމީހުން
މ ހަނގުބޭކަލުންގެ ތެރެއިން ހިމެނޭ ބައެއް މިމީހުންގެ ވަޒީފާއަކީ ރަދުން ރަސްމީ އިއްޒަތުގައި ތަންތަނަށް ވަޑައިގަންނަވާއިރު އަރިހުގައި ބަޑިހިފައިގެން ދިއުމެވެ މިމީހުންގެ ރަސްމީ ހެދުމަކީ އޮށަނިމަލު ހެދުމެވެ
)ހަރުބަހެއް( ތިމާއަށް މީހަކު އެއްޗެހިތަކެއް ދިންކަމުގައިވިޔަސް އެލިބިގަންނަންވާނީ އެކަށީގެންވާ މިންވަރަކަށްކަން އަންގައި ދިނުމުގެ ގޮތުން ބުނެއުޅޭ ބަހެއް ދޭމީހާދިނަސް ކާމީހާވާނީ ބަލައިގެންކާށެވެ
ދޮންރުއް
ނ ރުކުގައި ގަންނަ ތަކެއްޗާއި ފަންތޮށީގައި ދޮންކުލަހުންނަ ރުއް
ދޮންބޮޑުރުއް
ނ ބާގަޔަށްވުރެ ބޮޑެތި ކާށިގަންނަ ދޮން ރުއް
ދޮންދަނބުރުއް
ނ ދަނބުރުކުގެ ބާވަތެއް މިރުކުގައި ގަންނަތަކެތީގެ ކުލައަކީ ގަދަ ރީނދޫކުލަ އެވެ
ދޯލިއުނބު
ނ އޮޑިދޯނިފަހަރުގައި ހުންނަދޯލީގައި ފެންނަގަން ބޭނުންކުރާއެތި
ތައްދާ
ނ )ގ ( ރުކުގައި ގަންނަކޮންމެ ވައްތަރެއްގެ އިހަލެއްގެވެސް އެންމެ ކުޑައެތި
ތައްގަނޑުޖެހުން
މ (1) ކަނޑައި ނަގައިފައި އޮންނަ މާދިރީ އެއްގެސިފަ އެއްޗަކަށް ނަގުލުކުރުން މިސާލު: ގަންޖުފަރާހުގައި ތައްގަނޑުޖެހުން (2) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާގޮތަށް ތައްޔާރުކުރާ ސިއްކައެއް އޮބުން
ތައްޔާރީހެދުން
ނ ބޭނުންވާ މިންތަކަށްފަހައި ތައްޔާރު ކޮށްފައި ގަންނަން ލިބޭ ގޮތަށް ފިހާރަ ފިހާރައިގައި ހުންނަ ހެދުން
ތަލަފަންކޮޅު
ނ ރަދުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ވާރޭވެހޭނަމަ އިސްތަށިފުޅުގެ މައްޗަށްނަގާ ކުޑަ ސަތަރިއެއްފާޑުގެ އެއްޗެއް މިހަދައިފައި ހުންނަނީ ތާރުކު ފަނުންނެވެ
ތާފަތް
ނ (1) މަސްމަހާމެހީގެ ބޮލުގެ ދެފަރާތުގައި ހުންނަފަތްގަނޑު މިއީފެނުގެތެރެއިން ބޭނުންވާ އޮކްސިޖަން ލިބިގަތުމަށް ޙަރަކާތްކުރާއެއްޗެވެ (2) ރުއްރުކުގައި ގަންނައެއްޗެހީގެ ތަނޑު އެއެއްޗަކާގުޅިފައިވާބައި
ތިންގެމައިން
ނ (1) ރަދުން ތަނަކަށް ވަޑައިގަންނަވާއިރު އަރިއަހުގައިދާ ދެދޯނިކޮޅާއެކު ތިންދޯނިވީމާ ކިޔާގޮތް (2) ތިންއަވަށުން
ތިލަވަތްގައު
ނ ފެންނަގަން ބޭނުންކުރުމަށް ބަހައްޓާ ވަޅުގެފޫ