radheef.info
ރަދީފު


ލީ
ނ (1) އުކުނުގެ ބިސް (2) ލުން މިބަހުގެ ނިމި ނިމުނުކަން
ބުރީވައި
ނ (1) ފުރަގަސް ފަރާތުބަލީގެ ބާވަތެއް މިބަލިޖެހުނީމާ އުނގަނޑުގައާއި ފުރަގަސްފަރާތުގައިވެސް ރިއްސާނެއެވެ އަދި ވައިބޭރުވުން ގިނަވާނެއެވެ (2) ދުރަނުވައި
ބުރުހާން
ނ (1) ހެކި (2) ދަލީލު
ބުޅިޖެހުން
މ (1) މަސްބާނާ ބުޅިހެދުން (2) ދޮށީގެ މިޔަވާލީގައި ލައިފައި އޮންނަބުޅި މަސްބޭނުމަށްޓަކައި ހޫރައިފައި ކަނޑަށްޖެހުން
ބުއްޑެވި
ނ ޚިޔާލީ ފުރޭތައެއް އިހުމީހުން ބުނެއުޅެނީ މިއީ މީހުންނަށް ބަލިޖައްސާ އެއްޗެއް ކަމަށެވެ
ބުދި
ނ (1) ބޮލީގެ ބާވަތެއް (2) ބައެއް ރުއްގަހުގައި ގަންނަ ތަކެތީގެ ތެރޭން ހުލިވެ ކަމުނުދާގޮތް ވެފައި ހުންނަ ތަކެތި
ބޫން
ނ (1) މާބުރު މަދިރި ފަދަތަކެތި އުދުހޭއިރު އެއިވޭފަދަ އަޑު (2) ކުޑަކުދިންގެ ބަހުރުވައިގައި ވަޔާއި އެއްގަމުގައި ދުއްވާ އިންޖީނުލީ ތަކެތި (3) ބާރަށް ވައިޖެހޭއަޑު (4) ބާރަށް ދަތުރުކުރާ އެއްޗެއް ވައިކަފާފައި ދާއަޑު
ބޫލޫންވާގަނޑު
ރިޔަލުގެ އައްތެލީގެ ބަދަލުގައި ހުންނަ ވާގަނޑު
ބޫޓުޕޮލިސް
ނ ފައިވާނާ ބޫޓުފަދަތަކެތި ފާލީސްކޮށް އޮފުއެރުވުމަށް ހާކާއެއްޗެއް
ބޭރި
ނ (1) ކަނޑުން އަރާކަމަށް ހީކުރާ ޚިޔާލީ ފުރޭތައެއް. މިއީ ހުރިހާ ކަމަކާ ވާހަކަދައްކައި އެއްޗެހިކިޔައި އުޅޭ ކަމަށްބުނާ ފުރޭތައެކެވެ (2) މަޖާޒު: މީހަކާ ހިތާވެގެންމެ އެވައްތަރު ނުދައްކާ އެމީހާގެ ފަހަތުން އަޅައިގަނެގެން އުޅޭމީހާ
ބޭސް އުށް
ނ މާމުއި ކުޅަނދުރުގެ ހަތައިން ނަގައިގެން ހަދާ އުށެއް މިހުންނަނީ މަޑުދޮން ކުލައެއްގައި އެތިއެތިގަނޑަށެވެ މިއީ ދިވެހިބޭހަށާއި ފާލީސްކުރުމަށް ބޭނުންކުރާ އެއްޗެކެވެ
ބޭސްގޯނބިލި
ނ އޮށް ބޭހުގެ ތެރޭން ހިމެނޭ ކުޑަވަރެއްގެ އޮށެއް މިހުންނާނީ ގޯނބިލީގެ ސިފައިގައެވެ
ބޮނޑިބަތްބޮލި
ނ ބޮލީގެ ބާވަތެއް. މިއީ ދޮޅު އިންޗިއެއްހާ ބޮޑުމިނުގެ ތޮށިގަނޑު ވަރަށް ބޯކޮށް ހުންނަ ބޮއްޔެކެވެ މިބޮލީގެ ބުރިކަށިމަތި ހުންނަނީ ދޮންކުލައިގެ ތިކިތަކަކުން މާތަކެއް ޖަހައިފައި ހުންނަ ކަހަލަ ގޮތަކަށެވެ މިތިކިތައް ހުންނަގޮތުން ވައްތަރުވާނީ ކުދިބަތު ބޮނޑިބަތް ތައްޓަށް އަޅައިފައި ހުންނައިރު ފެންނަ ގޮތާއެވެ
ބޮނޑިކަނދޮޅު
ނ ކަނދޮޅުގެ ބާވަތެއް މި ގަހުގެ ފަތް ހިމަދިގުވެފައި ފެހިކުލަ ގަދަވާނެއެވެ ގަސް ވައްތަރުވާނީ ލިލީ ގަހާއެވެ ލިލީއަށްވުރެ ކުދިވާނެއެވެ މާ ހުންނާނީ ތިރީބައި ތާޅަފިލިމާ ހުންނަ ގޮތަށެވެ މަތީބައި ހުންނާނީ ލިލީމަލާ އެއްގޮތަށެވެ މަލުގެ ކުލަޔަކީ ހުދު ކުލައެވެ މިއީ ބޮޑު ފިޔާގެ ސިފައިގައި އޮންނަ ގޮނޑިއެއް އޮންނަ ކަނދޮޅެކެވެ
ބޮނޑިކުޅުން
މ އެތެރޭގައި ހޮއި ނޯންނަގޮތަށް ރަބަރުން ހަދައިފައި އޮންނަ ބޯޅަޔަކުން ކުޅޭ ކުޅިވަރެއް ކުޅުން. މިކުޅިވަރުކުޅޭނީ މީހުން ދެބަޔަށް ބަހާލައިގެންނެވެ. ކުޅޭނީ ބިންމަތީގައި ބޯޅަޖަހައިގެން މައްޗަށް އެރީމާ އަތުން ކަނދު ހުރަސްކޮށް ޖަހައިގެންނެވެ. މީގައި ސައްޕު ޖަހާނީ ފައިންނެވެ. އަތްމަތި ފޯލީގައި އަތް ޖެހިއްޖެނަމަ ނުބައިވެފައިތިބި މީހުން ދިރޭނެއެވެ
ބޮނޑިތާން ކުރުން
މ (1) ފޮތިގަނޑެއް ހޫނުފެނުން ތެންމައިގެން ނުވަތަ ފިނިކުރިފެން ތެންމައިގެން ގައިގައި އޮބުން. (2) ބޮނޑިތާން ހޫނުކޮށްގެން ފަރުވާޔަކަށްޓަކައި ގައިގައި އުނގުޅުން. (3) ފަރުވާޔަކަށްޓަކައި ކޮންމެވެސް އެއްޗަކުން މާލީސް ކުރުން. (4) ފަރުވާޔަކަށްޓަކައި އެއްޗަކުން ގައިގައި އޮބުން
ބޮޅުފަތި
ނ (1) ރާވައިލީމާ އަނގޮޓިޔަކަށް ވާނޭހެން އެއްބޮޅު އަނެއްބޮޅަށް ލައިމެހިފައި އޮންނަ ކޮންމެ ބޮޅެއްގައި މާވަތެއް ޖަހައިފައިވާ ބޮޅުތަކެއް (2) ލަނބައިފައި އޮންނަ ނަރުގަނޑަކަށް އަޅުވައި ނައްޓައި ހެދުމަށް މަހައިފައި އޮންނަ ބޮޅުތަކެއް މިއީ ކުޅިވަރެއްގެ ގޮތުންނާއި ފޫހި ފިލުވަން ގެންގުޅޭ އެއްޗެކެވެ (3) ލާމަހައިފައި އޮންނަ ބޮޅުތައް
ބޮކިނަނު
ނ ބޭރުކަނޑު ކަނޑުގައި ލޭނުއެޅުމަށް ހަދައިފައި ހުންނަ ތާރުލީ ނަނެއް
ބޮލިކެ
ނ ރަތްމަހަށްވުރެ ބޮނޑިމަސްކޮށް ހުންނަ އެއަށްވުރެ ރަތްކަންކުޑަ މަހެކެވެ މިމަސް އާންމުކޯށް ކައިއުޅެނީ ބޮލީގެ ބާވަތްތަކެވެ
ބޮލިފުއް
ނ ކޮއްޓޭ ބަންނަވަރުގެ ބޮލީގެ އެއްބޮލި
ބޮލިގަނޑު
ނ (1) ބޮލިގަނޑާއި ފަޗިސްކުޅުމަށް ބޮލީގެ ތެރެއަށް ތިމަރަ އަޅައިގެން ގެންގުޅޭ ތަންކޮޅެއްބޮޑު ހަބޮލި (2) ބޮލިން ކުޅޭ ކުޅިވަރެއް