radheef.info
ރަދީފު


ލާ
ނ (1) ފާލީސް ތައްޔާރު ކުރުމަށާއި ލަކުޑީގެ ބައެއް ތަކެތީގެ ބޭރުގައި ޖެހުމަށާއި ހަނުތެޅުމަށާއި ބައެއް ތަކެތި ބަންދު ކޮށްފައި އެޅުމަށް ބޭނުންކުރާ އެއްޗެއް މީގެ ދެތިން ވައްތަރެއް ހުރެއެވެ (2) ބަޑީލާ (3) ލުން މިބަހުގެ އަމުރު
ހިސް
އ ޖަނަވާރު ފައްސައިލަން އިއްވައިލާ އަޑެއް
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހިޔަނި
ނ (1) އަލީގައި ހުންނަ އެއްޗިއްސާއި ގުޅިގެން އެއެއްޗެއްގެ ސިފައިގާ ހުންނަ އަނދިރިފަށް މިހުންނާނީ އަލިހުންނަ ފަރާތްނޫން އަނެއް ފަރާތުގައެވެ (2) ކޮންމެ އެއްޗެއްމެ އަވީގައި ނުވަތަ އަލީގައި ހުރީމާ އެއެއްޗަކުން އަނެއްފަރާތަށް ގޮސްފައި ހުންނަ އަދިރި (3) މޫނުބަލާ ލޯގަނޑުފަދަ ތަކެތީން އެފެންނަ ސޫރަ (4) އެންދަމާދަލުގެ ވަށައިގެން ކައިރީގައި ތަންކޮޅެއް ގޮޅިބޮޑެތިކޮށް ބަނދެފައި އޮންނަތަން (5) ލޯގަނޑެއްފަދަ އެއްޗަކަށް އަލިއެޅުނީމާ އެއިން އަނބުރާ ފޮނުވައިދޭ އަލި
ހިޔަނިއެޅުން
މ (1) އެއްޗެއްގެ އަނދިރި އަނެކައްޗަކަށް އެރުން. (2) މީހެއްގެ އަނދިރި ނުވަތަ އެއްޗެއްގެ އަނދިރި މީހަކަށް އުނދަގޫވާގޮތަށް ފޯރުން (3) މޫނުބަލާ ލޯގަނޑުފަދަ އެއްޗެއް މެދުވެރިކޮށްގެން ތަނަކަށް ނުވަތަ އެއްޗަކަށް އަލިއެރުވުން (4) ފެންގަނޑެއްގެ ތެރެއިން ނުވަތަ މޫނުބަލާ ލޯގަނޑެއްފަދަ އެއްޗަކުން މީހެއްގެ ނުވަތަ އެއްޗެއްގެ ސޫރަ ފެންނަން ހުރުން
ހިޔަނިފިލާކޮޅު
ނ މީހާ ވަޅުލާދުވަހު ތާރީޚުގައި ލިޔެފައި މަހާނައިގައި ޖަހާ ފިލާކޮޅު
ހިޔާއެރުން
މ (1) ވިލާގަނޑުގެ ނުވަތަ ގަސްގަހާއި ގޭގެފަދަ ތަންތާނގެ ހިޔަނި އެރުން (2) ހަވީރުވެގެންގޮސް ރަށުތެރެއަށް ހިޔާ ފެތުރުން
ހިޔާއެޅުން
މ (1) ވިލާގަނޑެއްގެ ނުވަތަ އުދުހޭ އެއްޗެއްގެ ހިޔަނި އެރުން (2) މަޖާޒު: ވެރިއެއްގެ އެހީތެރިކަމާއި ރައްކާތެރިކަން ލިބުން
ހިޖުރަ
ނ (1) ސަލާމާއި ޞަލަވާތްލެއްވި ރަސޫލު ﷲ ގެފާނު މައްކާ ދޫކުރައްވައިފައި މަދީނާގައި ހުންނަވާން ވަޑައިގަތް ވަޑައިގަތުން. (2) ތިމާގެ އަމިއްލަ ރަށް ދޫކޮށްފައި އެހެން ރަށަކަށް ވަޒަންވެރިވުމަށްދާ ދިއުން
ހިޖުރައޮޅުން
މ (1) ހިޖުރައިންވީ ދުވަސް އޮޅުން (2) މަޖާޒު: އެއްބަސްވީ ގޮތާ ޚިލާފަށް ކަން ހިނގާން ފެށީމާ ތިމާޔަށް އޮޅުން އެރުން (3) ހަދާނެ ނުހަދާނެ ގޮތެއް ނޭނގުން (4) މުސްކުޅި ވެގެން ގޯސްމަތިންލުން
ހިޖުރީ ތާރީޚު
ނ ކީރިތިރަސޫލާ މަދީނާޔަށް ހިޖުރަ ކުރެއްވި އަހަރުން ފެށިގެން ޖަހާ ތާރީޚު
ހިޖުރީއަހަރު
ނ (1) ކީރިތި ރަސޫލާ ހިޖްރަކުރެއްވި އަހަރުން ފެށިގެން ޖަހަމުން އަންނަ ތާރީޚުގެ އަހަރު (2) ހަނދުމަހުގެ އަހަރު
ހީނާ
ނ މީރުވަސްދުވާ މާ އަންނަ ފަތްކުދި ގަހެއް. ހުދުހަމާއި ނިޔަފައްޗާއި ނުރަ ރަތްކުރާން މިގަހުގެ ފަތްބޭނުންކުރެއެވެ. މިގަހުގެފަތާއި މަލާއި އޮށް ބޭހަށް ބޭނުން ކުރެއެވެ. މީގެފަތްބޮޑު ވަތްތަރެއްވެސް ހުރެއެވެ މިވައްތަރަށް ކިޔަނީ ސުވޭހު ހީނާއެވެ
ހީރާންސި
ނ ފައްތުފިލާގެ ދަށުން ބޮޑުފަށްގަނޑުގެ ފަހަތުކޮޅުގައި ހުރަހަށް ކަނޑައި ފައްތާފިލާ މިއީ ބޮޑުފަށްގަނޑު ފޭވިޔަނުދޭން ހަރުކުރާ ފިލައެވެ
ހީރާސި
ނ އޮޑިފަހަރުގެ ކުނބުކަތްޕާ ހަމާގައި ފިލާގަނޑުމަތީ ހުރަހަށްޖަހައިފައި ހުންނަފިލާ
ހީވި
ނ (1) "ހީރި" ބަލާ! (2) ހީވުން މިމަސްދަރުގެ ނިމިނިމުންކަން
ހުށި
އކ ކުރާ އަމުރެއްގެ ފަހަތަށް އިތުރުކުރާ އަކުރެއް މިސާލު: ނަމާދަށްޙަރަމް ބަނުމުގެ ކުރީގައި ޤިބްލައަށް ކުރިމަތިލާހުށި
ހުށޫ
އ ހުށި މިބަސް ފަދައިން ކުރާ އަމުރެއްގެ ފަހަތަށް އިތުރުކުރާ އަކުރެއް މިސާލު: ނަމާދަށް ހަރަމްބަނުމުގެ ކުރީގައި ޤިބުލައަށް ކުރިމަތިލާހުށި ނުވަތަ ކުރިމަތިލާހުށޫ
ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ހުނގުގަސް
ނ އިރުމަތީގެ ޤައުމުތަކުގައި ހެދޭ ކެރެޓްއާއިލާގެ ގަހެއް މިގަހުން ނުބައިވަސްދުވާ ތަތްކިރެއް ނެގެއެވެ އެކިރަކީ ބޭހަށް ބޭނުންކުރާ އެއްޗެކެވެ އެއަށް ކިޔަނީ ހުނގެވެ
ހުނސްޖެހުން
މ ޒުވާބުކުރާމީހާ ދެރަކޮށްލާން "ހުނހ" މިއަޑުއިއްވުން