radheef.info
ރަދީފު


ލައް
ނ (1) ކިހަށްޑިޔަ ފަދަ އެއްޗެހި ޖެހިގެންވާ ހަޑި (2) މޭވާ ފަދަ އެއްޗެހީގެ ބޭރުތޮށިގަނޑުން ފާޅުވާ ކަޅުކުލައިގެ ތަންތަންކޮޅު (3) ބައެއް މަސްމަހާ މެއްސާއި ބައެއް ޖަނަވާރުގެ ހަމުގައި ހުންނަ ކުލަކުލައިގެ ތަންތަންކޮޅު (4) މަޖާޒު: ކުރާ ހިތިއަސަރެއްގެ ނުވަތަ އުފެދޭ ދެކޮޅުވެރިކަމުގެ ސަބަބުން ހިތުގައި އުފެދޭ ހިތި އަސަރު (5) އަބުރު ގެއްލޭފަދަ ކަންކަމުން ލިބޭ ހުތުރުނަން މިސާލު: އެއީ އޭނާގެ އަބުރުގައި ޖެހުނު ލައްގަނޑެކެވެ
ސޯރުފޮތިކޮޅު
ނ މުންޑު އަންނައިރު މުންޑު އުނަގަނޑުގައި ހަރުލައްވަން އުނަގަނޑުގައި އައްސާލާ ފޮތިކޮޅެއް މި ފޮތިކޮޅު އޮންނާނީ ދެކޮޅަށް ފުޅާކޮށް ހަނިދިގުކޮށެވެ
ފަރުމަސް
ނ ކަޅުބިލަމަސް ކަންނެލި ލައްޓި ރާގޮނޑި މިހަތަރު ބާވަތް ފިޔަވައި ކަނޑުފަޅުގައި ދިރިއުޅޭ ކެއުމަށް ބޭނުންކުރާ ހުރިހާ މަސް
ފަޅޯބަޑި
ނ ކުދިންކުޅެން އޮނުން ހަދާއެއްޗެއް. މިހަދައިފައި އޮންނަނީ ގާތްގަނޑަކަށް ފޫޓެއްވަރުގެ އޮނުބަދައެއްގެ ލޯވަޅުން ހިނގާވަރުގެ މުށްލީ ދަނޑިކޮޅެއްލައިފައެވެ. މިބަޑީގެ އުންޑައަކީ އޮނުކޮޅުގެ ދެކޮޅަށް ލައްވާ ގިތި ދެ ފަޅޯކޮޅެވެ މިބަޑި މަގޫ ދަނޑިންވެސް ހަދައެވެ
ފައިއުރަ
ނ އަންހެނުން ނަމާދު ކުރާއިރު ފަޔަށް ލައްވަން ގެންގުޅޭ އުރަ
ފައިދޮށުފުރޭތަ
ނ ބަޑިބޭސް އަޅައިގެން ތައްޔާރު ކޮށްފައި ހުންނަ މައްޗަށް ނާރާ ހަވާގެ ބާވަތެއް މި ބޭނުން ކުރަނީ ހިތި ވިލޭރޭ ފަދަ ރޭރޭ ކުޅިވަރު ކުޅުމުގެ ތެރޭގައެވެ މި ރޯކޮށްލުމުން ބިންމަތީގައި ގުދުގުދު ލައްވަމުން ދާ ދިޔުމުގައި ކުޅި ބަލަން ތިބޭ މީހުންގެ ފައިދޮށަށް ވަންނާތީ އެނަން ކިޔަނީއެވެ
ފަތްޖެހިގޮނޑި
ނ (1) ލައްޕައި ހުޅުވޭ ގޮތަށް ހަދައި ފޮތި ފަދަ ތަކެތި ޖަހައިފައި ހުންނަ ގޮނޑި (2) ފޮތިޖެހި ގޮނޑި
ފަލަސް
ނ (1) ދެވަލުގެ ދެކޮޅު ނުވަތަ ވަލެއްގެ ދެކޮޅު ގުޅުވުމަށްޓަކައި ދެކޮޅުގެ އުޅިތައް ނިއުޅައިލައި އެއްކޮޅުގެ އުޅިތައް އަނެއްކޮޅުގެ ތެރެއަށް ލައްވައިގެން ގަތައިލާ ގަތައިލުން. (2) ވަލުގެ ކޮޅު ހިމަކުރުމަށްޓަކައި ނުވަތަ އުޅިތައް ނިއުޅުނަ ނުދިނުމަށްޓަކައި އުޅިތަކުން ނަރުދަމައި ހިމަކޮށްފައި ގަތާގެތުން
ފަލަސްކުރުން
މ (1) ދެވަލުގެ ދެކޮޅު ނުވަތަ ވަލެއްގެ ދެކޮޅު ގުޅުވުމަށްޓަކައި ދެކޮޅުގެ އުޅިތައް ނިއުޅައިލައި އެއްކޮޅުގެ އުޅިތައް އަނެއް ކޮޅުގެ ތެރެއަށް ލައްވައިގެން ގަތައިލުން މިހެން ހަދަނީ ގޮށްނުޖަހައި ގޮށެއްގެ ބާރު ގެނައުމަށްޓަކައެވެ (2) ކޮޅު ހިމަކުރުމަށްޓަކައި ނުވަތަ އުޅިތައް ނިއުޅުނަ ނުދިނުމަށްޓަކައި އުޅިތަކުން ނަރުދަމައި ހިމަކޮށް ފަށްގެތުން
ފަސްލޭންބައްތި
ނ ކުރު ފުޅިއެއްގެ ތެރެއަށް ތެޔޮއަޅައި އެފުޅީގެ މަތީގައި ތުނބެއް ޖަހައި އެ ތުނބުގައި މެދަށް ފަލަކޮށް ހުންނަ ދިގުބިއްލޫރި ހޮޅިއެއް ޖަހައިފައި ހުންނަ ދިއްލާ އެއްޗެއް މިހުންނާނީ ދުނިގަނޑަކަށް ލައްވައިފައި އެލުވޭ ގޮތަށެވެ
ފަޑިޔޭކާލަ
ނ )ގ ( އޮޑިދޯނި ފަހަރުގެ މަތިކަން މަތީގައި ވަކި ހިސާބެއްގައި އަޅާ ފަޑިއެއް ހަރުކުރުމަށް މަތިކަނާ ފަޑިޔާ ދޭތެރެއަށް ލައްވައިފައި ހުންނަ ތޭރި
ފާތިޙާޔަށްނަންގަތުން
މ ފާތިޙާ ދުވަހު ފާތިޙާޔަށް ކެއްކޭގޮތް ނުވީމާ ސައިފޮދެއް ދީގެން ނަމަވެސް މީހަކުލައްވައި ފާތިޙާ ކިޔަވައިފައި ދެން ފާތިޙާޔަށް ކެއްކޭ ދުވަހަކަށް ފަސްކުރުން
ފުރޯ
ނ ވަށްކޮށް ލިޔެފައިވާ ދަނޑިޔެއްގެ އެއްކޮޅުގައި ދެފިލިއަޅައި އެދެމެދަށް ދަނޑީގެ ތެރެއަށް ކައްޗަށް ވާގޮތަށް ތިލައެއް ލައްވާފައިވާ އާލަތެއް މީގެ ތިލަ އޮންނާނީ އެއްކޮޅަށް ހަނިކޮށެވެ
ފުޅަލިބަނުން
މ ފުޅަލި ލައްޕައި އެއްސުން
ފުޅަލިދަނޑިގަނޑު
ނ ފުޅަލި ހުޅުވައި ލައްޕައި ހެދުމަށްޓަކައި އަތުން ހިފުމަށް ފުޅަލީގެ މުދެގައި ހަރުކޮށްފައި ހުންނަ ދަނޑިގަނޑު
ފޮތްފޮށިކިޔެވުން
މ ޤުރުއާނުގެ ތިރީސްފޮތް ބަޔަކުލައްވައި ކިޔުއްވުން
ގޮޓެ
ނ )ގ ( (1) ގޮށް (2) ލައްޓި (3) ގެއަށް
ގޯޅިއެޅުވުން
މ (1) މަޖާޒު: މީހަކަށް އޮޅުވައިލައިގެން އެމީހަކު ލައްވައި ގޯހެއް ހެއްދުން (2) މަޖާޒު: މީހަކު ރަނގަޅުމަގުން އެއްކިބާކޮށްލުން
ފާސްދޯރު
ނ (1) އެއްކޮޅު ހިމަކޮށް ހަދާފައި ހުންނަ ދަގަނޑު ބުރިއެއް. މިއީ ޖަސްތުން ނުވަތަ ޓިނުން އެއްކޮޅުން ހިމަކޮށް އެއްޗެހި ހަދާއިރު އެއަށް ލައްވައިގަން ތަޅައި ސިފަގެންނަން ބޭނުން ކުރާ އެއްޗެކެވެ. (2) ވާ ފަލަސް ކުރުމަށް ގެންގުޅޭ އެއްކޮޅަށް ހިމަކޮށް ލަކުޑިން ނުވަތަ މަޢުދަނުން ހަދައިފައި އޮންނަ އާލާތެއް
ފިރުކައިލުން
މ (1) ވާންވާގޮތަށް ތަނަކަށް އޮޅައިފައި ނުވަތަ ލައްވައިފައި ހުރި ބަރަންޏެއް ނަނެއް ނުވަތަ ވަލެއް ފަދަ އެއްޗަކަށް ދުލެއް ލިބޭނޭގޮތް ހެދުން. (2) އޮޑިދޯނިފަހަރުގެ ފަށަންދަށުގައި ނުވަތަ މިފަދަ ގޮތަކަށް މިނޫންވެސް ތަނެއްގައި ބާރުވެފައިވާ ލަކުޑިގަނޑެއް ނުވަތަ ކަނދުގަނޑެއް ފަދަ އެއްޗަކަށް ދުލެއް ލިބޭނޭގޮތް ހެދުމަށްޓަކައި އެލަކުޑިގަނޑު ނުވަތަ ކަނދުގަނޑު ހަލުވާލުން. (3) އޮޑިފޯނިފަހަރު ފަދަ ތަކެތި އެހެލައި ބާލައި ހަދާއިރު ދޯނީގެ ކޮޅުފަސްކޮޅު ނުވަތަ ދިރުނބާކޮޅު ފަރާތަކަށް ޖައްސައިލުން
ފިރޯށި
ނ ބަރަންޏާއި ކަސަބާއި އުއިފަދަ އެއްޗެހި އޮޅަން ހަދައިފައި ހުންނަ އެއްޗެއް މިއީ އެނބުރޭގޮތަށް ދަނޑިއެއް ލައްވައިފައި ހުންނަ އެއްޗެކެވެ