Radheef, ދިވެހިބަހުގެ ރަދީފު، ތޮގެ މާނަ

radheef.info

ކުރޮޅިފިލާގަނޑު

ނ ކުރޮޅީން ހުނިގާނަން ތަންތަންކޮޅުން ލޯވަޅު ތޮރުފައި ކަށިކޮށް ހަދައިފައި އޮންނަ ޓިނުގަނޑު ނުވަތަ ލޯގަނޑު މިފިލާގަނޑެއްގައި ލޯނަރު ޖަހައި ގެންވެސް ހަދައެވެ

ކުޅިބެރު

ނ ތޮއްޑޫބެރު

ކުޅިތޮށި

ނ ފޮނިތޮށީގެ ކުޅިގަދަ ބާވަތް މިހުންނަނީ ތަންކޮޅެއް ތުނިކޮށެވެ

ކުޅޭކުޅޭކަށިކެޔޮ

ނ ހިއަތޮނަ ގަހުގެ މާ

ކުއްލާބުތެލި

ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ

ކުދިންކުޅޭކަރަންފޫ

ނ ނަނުބެއްދިގަހުގެތޮޅި

ކުޑަހިތި

ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަކުރި ދެދުވަހާއި އެދެދުވަހުގެ ރެއަށް ކިޔާއުޅުނު ނަމެއް. ރަމަޟާންމަހުގެ 26 ވަނަ ދުވަހަކީ ހޭންވޭރު ކުޑަހިތި ދުވަހެވެ. އެދުވަހުގެރެއަކީ ހެންވޭރު ކުޑަހިތިވިލޭރެއެވެ. ހެންވޭރު ކުޑަހިތިވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ މެދުޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. ދެން އަންނަނީ މާފަންނު ކުޑަހިތިދުވަހެވެ. އެއީ ރަމަޟާންމަހުގެ 28 ވަނަ ދުވަހާއި އެދުވަހުގެރޭ 29 ވިލޭރެއެވެ. މިރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ފަޤީހުސުލައިމާނުގެ ޒިޔާރަތްދޮށަށް ޒިޔާރަތްކުރައްވައި ފާތިޙާ ވިދާޅުވާށެވެ. (2) ކ އަތޮޅުގެ ފަޅުރަށެއް

ނ (1) ނ. ގައިގެ ހަމުގައި އުފެދޭ ހިރުވުމެއް. (2) ހިރުވުން ފިލުވުމަށް އިނގިލިތަކުގެ ކޮޅުން ނުވަތަ އެހެންވެސް އެއްޗަކުން ގައިގެ ހަމުގައި ކޭއްތުން (3) ރާޅު އެއްޗަކުން ތަނެއްގައި ކޭއްތުން. (4) ތޫނު އެއްޗަކުން އެއްޗެއްގައި ކާއްތައިގެން ކުނޑި ނެގުން ނުވަތަ އުނިކުރުން. މިސާލު: )ހ( ކެލާކެހުން. )ށ( އުނބުކެހުން. (5) ފާރުގައި ސިމެންތި ޖަހާއިރުގައްޔާއި ތަޅުން އަޅަމުންދާއިރު އެއްވަރު ކުރުމަށް ސިމެންތިގަނޑު ފަތިގަނޑަކުން ކާއްތައި ހަމަކުރުން (6) އިލޮށި ފައްޗާއި ފިހިގަނޑު ފަދަތަކެތީން ކުނި އެއްކޮށް ސާފުކުރުން މިސާލު: ކުނިކެހުން. (7) ލޮލުގައި ހުންނަ ވަކި ވައްތަރެއްގެ ބައްޔެއް ބޭސްއަޅައިގެން ފިލުވުން. މިސާލު: ފުސްކެހުން. (8) އުޔާއި ބަރަންޏާއި ނަނު ފަދަ ތަކެތި އަތަށް ނުވަތަ އެއްޗަކަށް ދޫދޫކޮށް އޮޅުން. (9) ތަނެއްގައި ހުރި އެއްޗެހިތަކެއް އެއްފަހަރާ ގިނައިން ގެންދެވޭގޮތަށް އަތުން ނުވަތަ އެއްޗަކުން ފަރާތަކަށް ޖައްސައިލުން. )01( ދަމާފޮތިގަނޑެއް ނުވަތަ ފަރުދާއެއްފަދަ އެއްޗެއް މައްޗާއެކު އެއްފަރާތްކޮށްލުން. (11) އެއްޗެއްގެ މަތީ ތޮށި ތޫނު އެއްޗެއް ކާއްތައިގެން ފިލުވުން މިސާލު: ކަނޑޫކެހުން. (21) ނަގިލި ހިލިގެން ދެމެމުން ދިޔުން. މިސާލު: ނަގިލިކެހުން. )31( ހިފައިފައި ހުންނަންވާ އެއްޗެއް ނުހިފައި ކެހެމުން ދިއުން. މިސާލު: )ހ( ފުރޮޅުކެހުން. )ށ.( ރޯލުކެހުން. )41( އެމަށް ފައްތައިފައި އޮތް ދަލެއް އަތްމައްޗަށް ދެމުން މިސާލު: ދާކެހުން )51( ވިލާތައް ފަރާތްފަރާތަށް ޖެހުން މިސާލު: ވިލާކެހުން )61( ކުރުނބާއިން ހެވާ ނެގުން )71( އުސްކޮށް ހުންނަ ފަސްތައް ފަތުރައި އެއްވަރުކުރުން މިސާލު: ފަސްކެހުން )81( ރިޔާ ފަރުމާނު މައްޗަށް ބޮނޑިކުރުން މިސާލު: ރިޔާ ކެހުން )91( )ޏ ސ( ފުނާ އެޅުން މިސާލު: ބޯކެހުން )02( މަޖާޒު: ތުނބުޅި ބޭލުން

މ (1) ގައިގެ ތަނެއް ތޫނު އެއްޗަކުން ކެފުން. (2) ކޮޅަށް ހުރި ގަހެއް ތޫނު އެއްޗަކުން ބުރިކުރުން. (3) އެއްޗަކުން އަނެކައްޗެއް އަޅައިގަންނާނެހެން ތަނެއްކޮށައި އުނިކުރުން. (4) ގަހެއްގެ ފަތެއް މަލެއް މޭވާއެއް ކޯޅިއެއްފަދަ އެއްޗެއް ތޫނު އެއްޗަކުން ވަކިކުރުން. (5) ބައެއް މޭވާ ކެއުމަށްޓަކައި ފަޅިކުރުން ނުވަތަ ބުރިކުރުން. (6) މޫދުމަސް ބޭނުމަށްޓަކައި ފަޅައި ކޮށުން. (7) ވަލެއް ރޮއްޖެއްފަދަ އެއްޗެއް ބުރިކުރުން. (8) ހިސާބުގެ އިޞްތިލާޙުގައި އެއް އަދަދަކުން އަނެއް އަދަދެއް ނެގުން. (9) ބައެއް ގޮވާން ވަނަށް އަޅައިގެން ތަޅައި ތޮށިފިލުވުން. ނުވަތަ ސާފުކުރުން. )01( ތާސްކުޅޭއިރު އަތްބައި ބެހެއްޓުމަށްޓަކައި ގަނޑުތައް އަތްމަތީ ބަހައްޓައިގެން އެއްކޮށްލައި އޮޅުވައިލުން. (11) ވޭވޭހުންނަ ބައެއް ކަންތައްތައް ނުވަތަ ހިނގަހިނގާ ހުންނަ ބައެއްކަންތައްތައް ހުއްޓުން. މިސާލު: )ހ( މުސާރަކެނޑުން. )ށ( ޚަރަދުކެނޑުން. (21) ދެމީހެއްގެ ދެމެދުގައި އޮންނަ ގާތްކަން ނެތިގެންދިއުން. މިސާލު: ގުޅުންކެނޑުން. )31( ވަކި އެއްޗެއް ފެހުމަށްޓަކައި އެއެއްޗަކަށް ބޭނުންވާގޮތަށް ފޮތި ކެފުން. މިސާލު: )ހ( ހެދުން ކެނޑުން. )ށ( ފަޓުލޫނު ކެނޑުން. )41( އެއްކޮށް އޮތް ފޮތިގަނޑެއްފަދަ އެއްޗަކުން ބައެއް ވަކިކުރުން. )51( ތޫނު އެއްޗަކުން ގުނަވަނެއް ނުވަތަ ގުނަވަނަކުން ބައެއް ބުރިކުރުން )61( އެމީހަކު ހުރި ކަމަކުން ވަކިވުން މިސާލު: )ހ( އޮފީހުން ކެނޑުން )ށ( މަދުރަސާއިން ކެނޑުން )71( ބަންދުކޮށްފައި ހުންނަ ބައެއް އެއްޗެހި ހުޅުވުން މިސާލު: )ހ( ސިޓީކެނޑުން )ށ( ފޮށިކެނޑުން

ނ (1) ވަސްމީރު ކީލިހިމުން ލަކުޑިއެއް މީގެ ތިންބާވަތެއް ހުރެއެވެ. އެއީ ހުވަނދުކެލާ އަގަލިކެލާ ރަތްބަބުރުކެލާ މިއެވެ (2) ހއ އަތޮޅުގެ ރަށެއް

ކޮށިފިލާ

ނ މަސްދޯނި ފަހަރުގެ ހޭވަތާއި ބޮޑުވަތާއި ބެދުނުތާ އިހިގަނޑާއި ވައްގަނޑާއި ދެމެދުގައި ލޯވަޅު ތޮރުފައިފައި ހުންނަ ފިލާ

ކޮޅުއުނގުރި

ނ ދިރުނބާކޮޅުން ފަށަނުގައި ތޮރުފައިފައި ހުންނަ އުނގުރި

ކޮޅުވަން

ނ (1) ފުޅަފުގައި ނުވަތަ ބިތުގައި ކޮޅަށް ޖަހަން ފަންތޮށިގަނޑު ބުރިކޮށްފައި ހުންނަ ހިކިފަން (2) ކޮޅުފަން

ނ ތޮށިން ފަޅުމައްޗަށް ހެދިފައި އޮންނަ ދެފައިކަށި ދޭތެރެ މިއީ ގުދުރަތީ ގޮތުން ހެދިފައި ހުންނަ ތަންތަނެއް

އަނދިރިއަނދިރީން

ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ

ނ ތޮށިމަތީ ގައުގަލުގެ ދަށުގައި އުޅޭ ކުޑަވަރުގެ މަހެއް މީގެ ނަގޫފަތް ކައިރީގައި ރީނދޫކުލައިގެ ބަންދެއްހުރެފައި ނަގޫފަތުގެ މަތީކައިރީގައި ދެކަށި ހުންނާނެއެވެ

«8 9 10 11 12 13 14 15 16 »