radheef.info
ރަދީފު


ތުން
ނ (1) އިންސާނުންގެ ތުންފަތް. (2) ނާޅި ލާހި ފުޅިފަދަ ތަކެތީގެ އަނގަމަތީގެ ކައިރިފަށް (3) ދޫނިސޫފާސުއިތްޕާއި މަސްމަހާމެހީގެ ތުންގަނޑު (4) ކިރުބޯފުޅިން ކިރުދެމުމަށް ރަބަރުން ހަދައިފައިހުންނަ އެތި (5) ކުދިން މަސަލަސްކުރަން ބޯންދޭން ރަބަރުން ހަދައިފައި ހުންނަ އެއްޗެއް (6) ދުންބޯނޮޅިފަދަ ތަކެތީގެ ކޮޅުގައި ޖަހައިފައި ހުންނަތަންކޮޅު (7) ނަރުކެނޑިއާއި ހަނޑަސްފަދަ ތަކެތީގެ ކުރީކޮޅު (8) ފުޅިބައްތީގެ ފީތާލާން ހަދައިފައިހުންނައެތި (9) ކޮތަޅާއި ގޯނިފަދަ ތަކެތީގެ އަނގަމަތި )01( ވައިޖަހައިގެން ފުއްޕާ ތަކެތީގެ ވައިޖަހާތަން
ހޭދަކުރުން
މ (1) މުދަލުންނަމަ ޚަރަދު ކުރުން. (2) ޖާނުންނަމަ ޤުރުބާން ކުރުން. (3) ވަޤުތުން ނަމަ ވެއަތުކުރުން
ހޭލަމޭލަ
ނ (1) ބަޔަކުކަމަކާ ހަރަކާތް ތެރިވުމުގެ ގޮތުން ހިނގާ ބިނގާވެއުޅޭ އުޅުން
ހޭލަމޭލަވުން
މ ބަޔަކުކަމަކާ ހަރަކާތްތެރިވުމުގެ ގޮތުން ހިންގާބިނގާވެ އުޅުން
ހޮނޑު
ނ (1) އެތުގެނޭފަތް (2) މަދިރި އާއި މާބުރު ފަދަ ތަކެތި އެއްޗެހިބޯން ބޭނުންކުރާ ތުން
ހޮރޮ ޖެހުން
މ )ޏ ސ ( ބޯކޮޅު ބަލަމުން ފަހަތުން ދިޔުން
ނިންދެވުން
މ (1) އަނެކަކުލައްވާ ކުރުވުމުގެ މާނައިގައި ނިދުން މިބަސް ބުނެއުޅޭގޮތް. (2) އިންޖެކްޝަނަކުން ބޭހަކުން ފަރުވާއަކުން ނުވަތަ އެނޫންވެސް ގޮތަކުން ނިދިއަންނާނޭގޮތް ހެދުން (3) ނިދޭނޭގޮތް ތަނަވަސްކޮށްދިނުން (4) މަޖާޒު: އަންހެނަކު ރޭގަނޑު އެނާގެ ގާތުގައި ހިލޭ ފިރިހެނަކު ބާއްވައިގެން އޮތުން
ނިރުލުން
މ (1) ގަސްގަހުގެ ބުޑުންކުރި ނުކުތުން (2) ކޯދުލުން
ރަށްގިރުން
މ އޮޔާއި ވަޔާއި ރާޅު ހުންނަގޮތުން ރަށުގެ ގޮނޑުދޮށުގެ ވެލިގަނޑުން އުނިވަމުން ދިޔުން
ރަށްގޮވާއަޑު
ނ (1) ރަށުތެރޭ ގިނަބައެއްގެ ތުންތުންމަތިން ދައްކާ ވާހަކަ (2) ރައްދުއަޑު
ރަނބިކޫއްތުން
މ މީހެއްގެ އަތުގައި ހިފައިގެން އެމީހާގެ ބާރުނުފޯރާ ގޮތަށް ދެމުން މިބަސް "ރަނބަކޭއްތުން" "ރަބިކޭއްތުން" މިހެންވެސް ކިޔައެވެ
ރަނގަބީ
ނ ރަނގަބީ ފުޓްބޯޅަ މިއީ ދެޓީމުގެ ދެމެދުގައި ދަނޑުގައި ކުޅޭ ކުޅިވަރެކެވެ ގެންގުޅޭ ބޯޅައަކީ ކުކުޅުބިސްބުރަށް އޮންނަ ބޯޅައެކެވެ މިބޯޅައިގައި ފައިންވެސް ޖެހެއެވެ އަތުން ހިފައިގެންވެސް ގެންދެވިދާނެއެވެ އަދި އެކަކު އަނެކަކުގެ އަތަށް ދެމުން ގެންދެވެއެވެ
ރަނގަޅުވުން
މ (1) ކަމުދިއުން (2) ރީތިވުން (3) ހެޔޮވުން (4) ނުބައިނުވުން (5) ޞައްޙަވުން (6) ފުރިހަމަވުން (7) ކުށެއްނެތުން
ރަނިކަނބާ
ނ (1) ޢިއްޒަތުން ފުރިހަމަ އަންހެނާ (2) ދަރަޖަމަތިވެރި އަންހެނާ
ރަން
ނ (1) ގަހަނާ ހަދާ އަގުހުރި މަޝްހޫރު މަޢުދަނެއް މީގައި ހުންނާނީ ރީނދޫ އޮފުކުލައެވެ (2) އިންނަން އުޅޭ ފިރިހެންމީހާ އަންހެންމީހާއަށް ޝަރުޢީ ގޮތުންދޭންޖެހޭ ފައިސާ ނުވަތަ މުދާ މީގެ މިންވަރު ކަނޑަ އަޅާނީ އަންހެންމީހާއެވެ
ރާވާތައްޔާރުކުރުން
މ (1) ނޫހެއްގައި ނުވަތަ މަޖައްލާއެއްގައި ހިމަނަންޖެހޭ ލިޔުންތައް ތަރުތީބުކޮށް ހަމަޖެއްސުން (2) ކަމެއް ނުވަތަ ކަންތައްތަކެއް ކުރަންވީގޮތް ހަމަޖެއްސުން (3) ކަމަކަށް ފަށައިގަތުމުގެ ކުރިން ކުރަންޖެހޭ ކަންތައްތައްކޮށް ނިންމުން މިސާލު: ޖަލްސާއަށް ތައްޔާރުވުމުގެ ގޮތުން ކުރަން ހުރި ކަންތައްތައްކޮށް ގަސްދުކުރެވިފައިވާގޮތަށް ހުރިހާ ކަމެއްރާވައި ނިމިއްޖެއެވެ
ރާވެރިއެއްގެ ދަރިއަކަށްވެސް ހަތަރެތިން އެކަތި އޮންނާނެއެވެ
(މުސްކުޅިބަހެއް) މީހަކަށް ކެއްސެއް ނުވަތަ އަނިޔާއެއް އެއްފަހަރަށްވުރެ ގިނަފަހަރު ލިބޭގޮތްވެއްޖެނަމަ ބަދަލުހިފުމުގެ ގޮތުން ބުނެއުޅޭ ބަހެއް
ރާތާގާބަރި
ނ (1) ތިލަފަތުން ކިރައި އުޅުނު ވަޒަންތައް މިއީ 4 ރާތަލުން ފެށިގެން ކުޅަނދަކާހަމައަށް ކިރާން ދަގަނޑުން ހަދައިފައި ހުންނަ ވަޒަންތަކުގެ ސެޓެވެ. މީގައި ހިމެނެނީ 4 ރާތާ 2 ރާތާ 1 ރާތާ 2 ގައު 1 ގައު 2/1 ގައު 5 ކުޅަނދު އަދި 1 ކުޅަނދެވެ (2) މަޖާޒު: މީހަކަށް ގާތްގާތުގައި ލިބިފައިތިބި ކުދިންތަކެއް
ކަރަކަންދާލި
ނ ވަގުތީގޮތުން ތަންތަން ޒީނަތްތެރިކުރާން ވަޅިފަންކޮށާއިރު ރޯފަނުން ހަދާ އެއްޗެއް
ކަރައިމަގޫ
ނ )ޅ ( ފަތުންގަސްފަޅާ
ކަރުހިއްކުން
މ (1) ކަރުތެރޭގެ ތެތްކަން ކުޑަވުން (2) ފެންބޮވައި ގަތުން