radheef.info
ރަދީފު


ދޯނިފަހަރު
ނ (1) ދޯނިތައް. (2) ދޯނި މިބަސްގިނަކުރުމަށް ބުނާގޮތް
ތަލި
ނ (1) އަނގައިގެ އެތެރޭގެ މަތީފަރާތާއި ދަށްފަރާތް (2) މަޑޫތަކުގެކޮޅު ޖައްސަން އޮޑިދޯނިފަހަރުގެ މައްޔަލުން ފަށްނަގައިފައި ހުންނަބައި (3) އަންހެނާގެ ރަޙިމް (4) ލަވަހޮޅި ޖަހާއެއްޗެހީގެ ހޮޅިގަނޑުގައި ޖެހެންހުންނަ ކަށިހުންނަބައި
ތަލިނެގުން
މ އޮޑިދޯނިފަހަރު ބަނުމުގައި މަޑުލުގެ ކޮޅު މައްޔަލާ ގުޅުވުމަށް މައްޔަލުން ނަގާ ފަށްނެގުން
ތަލުބަތަލާ
ނ ދޯނިފަހަރުގެ ކުނބުގައި ފައިވިއްދުމަށް ކުނބުވައްގަނޑުގެ މަތީގައި އަޅައިފައި އޮންނަފިލާގަނޑު
ތަލުތެރެ
ނ މަސްދޯނިފަހަރުގެ ކޮޅުވަތާއި ހޭވަތާ ދެމެދުން ދެފަރާތުން އަޅައިފައި އޮންނަ ދެބެރިދޭތެރެ
ތާވައްފިލާ
ނ )ގ ( މަސްދޯނިފަހަރުގެ އެންވަތާއި މަސްވަތާ ދެމެދުގައި ފެންހިނގާގޮތަށް ތޮރުފައިފައި ހުންނަފިލާ
ތާވަތް
ނ )ގ ( މަސްދޯނިފަހަރުގެ އެންވަތާއި ގުޅިގެން ތާޖަހައިފައި ހުންނަބައި
ތިންތިންމަޑޫ
ނ އޮޑިދޯނިފަހަރު ބަންނައިރުޖަހާ ތިންވަނަމަޑޫ
ތިލޯށި
ނ އޮޑިދޯނިފަހަރުގެ ފުށުވާ ހިފަން އެއްގަމަށް ޖަހައިފައި ހުންނަ އެތި
ތުންމަތިނެގުން
މ އޮޑި ދޯނިފަހަރުގެ އެންމެ ދިރުނބާކޮޅަށް ހުންނަ ރިޔާނެގުން
ތުންމަތިރިޔާ
ނ އޮޑި ދޯނިފަހަރުގެ ދިރުނބާކޮޅަށް ދައްސޫރަ ދުއްވައިފައި ނަގާރިޔާ
ތުންގަނޑު
ނ (1) ދޫނިސޫފާސޫފީގެ ތުން (2) މަސްމަހާމެހީގެ ދިގުކޮށް ނިކުމެފައި ހުންނަތުން (3) ވައިޖަހާގުންބާއާއި ވައިޖަހާނޮޅީގެ ކުރީގައި ގުޅައިފައި އޮންނަބައި (4) ބައްތެލި ދޯނީގެ ދިރުނބާކޮޅު މައްޔަލުގައި ބޭރަށް ނެރެފައި ހުންނައެތި މިހަދައިފައި ހުންނަނީ ލޮއިން ނުވަތަ ކުރެދިންނެވެ (5) ދޯނިފަހަރުގެ ދިރުނބާކޮޅު މައްޔަލާ ގުޅައިގެން ހަނިކޮށް ދިގުކޮށް ކުރިއަށް ނެރެފައިވާބައި
ތޮންގާ
ނ )ގ ( ދޯނިފަހަރުގެ ހުންގާނު އެޅުވުމަށް މާދާގެ ބަދަލުގައި ރޯނުން ފުރައިފައި ހުންނަ ކުސަގަނޑު
ތޮޅިޔަށްދަރު
ނ ދުއްވައިފައިދާ އޮޑިދޯނިފަހަރުގެ ދަށުން ތޮޅިއެއް ފުންމައިގެންފިނަމަ ދަރުގަނޑެއްފަދައެއްޗެއް އެއްލަމުން ބުނެއުޅޭ ފަންޑިތަބަހެއް
ތޮއްފިލާ
ނ އޮޑިދޯނިފަހަރުގެ އެތެރެފަރާތު ކައިރިފަށުގައި ހަފޮޅާ ޖައްސައިގެން އިންނަ ފަތްތަކުގެ މަތީގައި އެއްކޮޅުން އަނެއްކޮޅަށް އަޅާފިލައެއް މިއީ ފެތިގެން އަޑިއަށް ދިޔަނުދިއުމަށް )ރައްކަލަކަށް( އަޅާފިލައެކެވެ
ލަކިޖެހުން
މ (1) ތެލަނގަ އެއްލައިފައި ހުންނައިރު ވައިގެ ސަބަބުން ދެފަރާތަށް ހެލޭހެލުން. (2) ލަނބުރާން ނުވަތަ އޮޑިދޯނިފަހަރު އަޅައިފައި ހުންނައިރު އެތަކެއްޗަށް ވަމުންދާ ޙަރަކާތުން އެވަލަށް ދޫވެފައި ބާރުވާއިރު ވާގޮތްވުން (3) ރުޅިއައިސްގެން ބާރަށް އެއްޗެހި ގޮވުން
ލަގަނާފަތާ
ނ )ގ ( އޮޑިދޯނިފަހަރުގެ ކުނބުގެ ކޮޅުފަސްކޮޅަށް އޮންނަ އިންނަފަތް
ލާނެގުދާ
ނ އޮޑިދޯނިފަހަރުގައި އުޅޭ ވަކަރު ކާއެއްޗެއް މި ވައްތަރުވާނީ ކުޑަ ކުރަތްޕަކާއެވެ މީގައި ހަފައިހުރެއެވެ
ލާގައްފަލި
ނ )ޏ ސ ( ދިހަފަލި ހުންނަ ދޯނި ފަހަރުގެ ކޮޅުފައްޔާ ޖެހިގެން ކޮޅުފަހަށް ހުންނަ ފަލި ދިހަފަލި ހުންނަ ދޯނިފަހަރުގެ ފަލިތަކަށް ޏސ ގައި ކިޔައި އުޅެނީ: )ހ( ކެޑެފެލި )ށ( ލާގައްފަލި )ނ( ސާރިމަތި )ރ( ކާނހައް )ބ( ބަނޑޮފަލި މިނަންނަމެވެ )ފަލިތަކުގެ ނަން ތަރުތީބު ކުރެވިފައިވަނީ ދިރުނބަލުން ފެށިގެން ކޮޅު ފަހަށެވެ
ލެފުން
މ (1) އުޅަނދުފަހަރު ދުއްވައިފައި އައިސް ބަނދަރުޖެހުން (2) އޮޑިދޯނިފަހަރު ފަޅަށްވަދެ ގޮނޑުދޮށާ ނުވަތަ ފާލަމާ ކައިރިވުން (3) ގާތްވުން (4) މަޖާޒު: )ސ ( ޖޯޑުވުން
ލޭކަރުވުން
މ މަސްދޯނިފަހަރުގެ ވަތުގައި އޮންނަ ދިޔަގަނޑުގައި ލޭކުލަ ހިފައިފައިވުން