radheef.info
ރަދީފު


ދުވަސް
ނ (1) ރެއަކާދުވާލު )42 ގަޑިއިރު( (2) އަށްޑަންއިރު (3) ޒަމާން
ފީވުން
މ (1) ލަކުޑިއާއި މައުދަނުގެ ތަކެތި ބާވެ އެތަކެތީގެ ބާރުދިޔުން (2) މޭވާއާއި ގޮވާން ފަދަ ތަކެތި ގިނަދުވަސް ވެގެން ބޭނުން ނުހިފޭ ވަރަށް ހަލާކުވުން (3) ކުޑަކުދިން ރުޅިގަދަ ވެފައި ފިނޑިވުން (4) ބިސްފީކުރާ ދުވަސްވަރު ކުކުޅަށްވެފައި ހުންނަ ގޮތްވުން (5) މަޖާޒު: ވެރިކަމާއި ޢާއިލާ ތަކާއި މީހުންގެ ބާރުކެނޑުން
ފުރަތަމަދިހަ
ނ މަހެއްގެ އެންމެ ކުރިން އަންނަ ދިހަދުވަސް
ފުރާނާ
ނ (1) ބާ (2) ދުވަސްވެފައިވާ (3) މުސްކުޅި (4) "ފުރޭނުން" މިބަހުގެ އަމުރު
ފުރާނާވުން
މ (1) ބާވުން (2) ދުވަސްވުން (3) މުސްކުޅިވުން
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫގޮޅި
ނ ޙައިޟު ނުވަތަ ނިފާސްކަމުގެ ދުވަސްވަރު އަންހެނުންގެ ކުރިމަތިފަރާތު ދޮރު ބަންދުކުރުމަށް ޖަހާ ފޮތިގަނޑު
ފޫގޮޅިޖެހުން
މ (1) އަންހެނުން ޙައިޟުވެގެން އުޅޭއިރު ނުވަތަ ނިފާސްކަމުގެ ދުވަސްވަރު ލޭނުފައިބާ ގޮތަށް ފޮތިގަނޑަކުން ބަންދުކުރުން (2) ބައްޔެއްގެ ސަބަބުން ވައި ނުހިފޭ ނުވަތަ ނަޖިސް ނުހިފޭ މީހުން ފޮތިގަނޑަކުން ދޮރު ބަންދުކުރުން
ފޫޖެހުން
މ (1) ބައެއް ކަހަލަ ކާ އެއްޗެހި ގިނަދުވަސްވެ ހަލކުވާން ވެގެން ނުވަތަ ވައި ބަންދުވެގެން އޭގައި ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް އުފެދުން (2) ދާ ހިއްލާ ހިކުނީމާ ގައި ގައްޔާއި ފޭރާމުގައި ހިކިފައިވާ ލޮނު އުފެދުން
ފެންރޮދި
ނ )ސ.( ކުއްޖާއަށް ހަތްދުވަސް ވާ ދުވަހު ފަންޑިތަ ވެރިޔަކު ކިޔަވައި ގޮށްތަކެއްޖަހައި މެތުރި ފެންތައްޓަކަށް ލައިތެންމައިފައި އެކުއްޖާގެ ކަރުގައި އަޅުވާ ރޮއްޖެއް
ފެންކޮށާވަޅި
ނ ވިހައިގެން ހަތްދުވަސްވެގެން ބޭރަށްލާއިރުގައްޔާއި ސާޅީހަށް ފެންއަޅާއިރު ފަންޑިތަ ހަދައިފައި އަންހެން މީހާގެ އަތަށް އެދުރުމީހާދޭ ކޮށާވަޅި ނުވަތަ ފިޔޮހި
ފެންފޮދުބަޑި
މ ގަނޑުވަރުތެރޭ ބޭފުޅުން ރައްކާވެގެން އަންނަ ސަމާގެ ދުވަސްވަރު ދުވާލު ދެއިރުޖަހާ ބަޑިއެއް. މިބަޑިޖަހާނީ ފިރިހެން ބޭފުޅަކަށް ނަމަ 7 ބަޑި އަންހެން ބޭފުޅަކަށްނަމަ 5 ބަޑިއެވެ މިއި ނައިނޭ ފިއްލަވާ ވަގުތު ޖަހާ ބަޑިއެކެވެ
ފޭބުން
މ (1) ތިރިއަށް އައުން (2) އޮހުން (3) ރަށެއް ފަދަތަނަކަށް އެރުން ނުވަތަ އެފަދަތަނެއް ދޫކޮށްލައިފައި ދިއުން (4) މިސްކިތް ފަދަ ތަނަކުން ނުކުތުން (5) ނަމާދުކޮށް އަވަދިވުން (6) ހިކިފަސްތާކު ހުރެފައި ފެންގަނޑަކަށް ނުވަތަ މޫދަށް އެރުން (7) އުޅަނދެއްގެ ފަޅުވެރިންގެތެރެއިން މީހަކު އަމިއްލަޔަށް ވަކިވުން (8) ފަތް ނުވަތަ އިސްތަށި ވެރުން (9) ދުވަސްކޮޅަކަށް ރަށެއްގައި ހުރެލުން
ފޮނިކޮކާ
ނ އިރުވަޔާއި ހުޅަނގާއި ބެދޭ ދުވަސްވަރު އަންނަ މަޑު ދޮންކުލައިގެ ކޮކާލެއް. މިކޮކާ ގިނައިން އަންނަނީ އަހިގަހުގެ މަލަށާއި މާނިފާ ވެލުގެ މަލަށެވެ ބައެއް މޫސުމުގައި ކަނދުގަހަށްވެސް އާދެއެވެ
ފޮއިމަތި
ނ (1) ފޯމަތި. (2) ހަނދުމަހުގެ 31 41 51 72 82 92 މިރޭތަކާއި ދުވަސްތައް
ފޮއިމަތިވުން
މ (1) ފޮއިމަތީ ދުވަސްވަރު އައުން. (2) ހަނދުމަހުގެ 31 41 51 މިތިންރެއާއި 72 82 92 މިދުވަސްތަކުގެ ރޭތަކާއި ދުވަސްތައް އައުން
ފޮއިދުވަސް
ނ (1) މަހެއްގެ ދެބައިކުޅަ އެއްބައި (2) 51 ދުވަސް
ފޯވަހި
ނ (1) ކަންކަމުގެ މޫސުން (2) އެކަމެއްގެ ދުވަސްވަރު
ފޯމަތި
ނ ދިޔަވަރު އެންމެ ބޮޑަށް ހިކޭ ނުވަތަ ދިޔަވަރު އެންމެ ބޮޑުވާ ދުވަސްވަރު
ފޯމަތީތިންދުވަސް
ނ މެދުފޮއިގެ ތިންދުވަހާއި ފަހުފޮއިގެ ތިން ދުވަސް
ފޯމާލި
ނ ކާކުކަން ނޭނގޭ ގޮތަށް ފަނުން ނުވަތަ ހުއިން ނުވަތަ ފޮތިން މުޅި ހަށިގަނޑު ނިވާކޮށްގެން އަހަރުގެ ވަކި ދުވަސް ވަރެއްގައި ކުޅެ އުޅުނު ކުޅިވަރެއް