radheef.info
ރަދީފު


ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ރޮދިޖެހުން
މ (1) ދިވެހިލިބާހުގައި ބޯވަޅު އަޅާއިރު ދެހިރު ދޭތެރޭ ބަގިޔާ ޖެހުން. (2) ފޮތިގަނޑެއްގައި ނުވަތަ ހެދުން ފަދަ އެއްޗެހީގައި ފަތި ޖެހުން
ރޮދުއެޅުން
މ ރޮދުލައިގެން މަސްބެއްދުން
ރޯނުވެށުން
މ ބޮނބިނަރުން ލީލި އަޅައިގެން ރޯނަށް ހެދުން
ރޯކުރުން
މ (1) އިންދި ގަހެއް ރޯވެ ހެދިގަންނާންދެން ފެންދީ ބެލެހެއްޓުން (2) އަލިފާން ހިފާނެގޮތް ހެދުން (3) މަޖާޒު: ފިތުނައެއް އުފެއްދުން
ބަނޑަހަގެ
ނ ގޭގެ ކާޑުގެ ތަކެއްޗާއި ދުންބޮއި ދުފާ ހެދުމަށް ބޭނުންކުރާ ތަކެއްޗާއި އާއްމުކޮށް ގެއަށް ބޭނުންވާތަކެތި ރައްކާކުރާ ގުދަން އިހުގައި މިތަން ހުންނާނީ ގެއާ ވަކިންނެވެ
ބަނޑަށްވަނުން
މ މަޖާޒު: މަކަރުވެރިގޮތުން ތިމާގެބަސް އަނެކަކު ޤަބޫލުކުރާނެގޮތް ހެދުން
ބަނޑިލުން
މ ބަނޑި އުފެދުން
ބަނޑުކެނޑުން
މ މަޖާޒު: ކަމެއްގެ އެދުން ބޮޑުވެގެން ގޮސް ހަމައިން ނައްޓައިލުން
ބަނޑުފުރާނަ މުއްތިކުރުން
މ ކިރިޔާ ދިރިހުރެވޭ ވަރަށް ކާނޭއެތިކޮޅު ލިބޭނޭގޮތް ހޯދުން
ބަނޑުފެޅިލިބާސް
ނ ފިރިހެނުންލާ ލިބާހެއް މިލިބާސް ހުންނާނީ ކުރިމަތީ ބަދަނުގެ މެދުން އެއްކޮޅުން އަނެއްކޮޅަށް ފަޅައިފައެވެ
ބަނޑުދޫކުރުން
މ އުނދަގުލެއްނެތި ފަސޭހައިން ބޮޑުކަމުދެވޭގޮތް ހެދުން
ބަނޑުލުން
މ (1) ގަހަކަށް ނުވަތަ ރުކަކަށް އަރާއިރު ގަހުގައި ނުވަތަ ރުކުގައި ބަނޑުޖެއްސުން. (2) ބަނޑުގައި ޖައްސައި ބެއްދުން. (3) ސަރުބީޖަހައިގެން ބަނޑު ބޮޑުވުން. (4) ދަމައިފައި ހުންނަ ނަރު ނުވަތަ ވާ ނުވަތަ ރޯނު ފަދައެއްޗެއްސާއި ދޫކޮށްފައި ހުންނަ ކިރު ފަދަތަކެތީ ތިރިއަށް ގޮނިލުން
ބަނުން
މ (1) އެއްސުން (2) ފުރާ ދުއްވާ އެއްޗެހި އުފެއްދުން
ބަންދުކުރުން
މ (1) ހައްޔަރުކުރުން (2) ލެއްޕުން (3) އެތެރޭގައި ހުރި އެއްޗެއް ނުފެންނަ ގޮތް ހެދުން
ބަންދުއެޅުން
މ (1) އެއްޗެއް ފޭވިޔަ ނުދިނުމަށްޓަކައި ބޭރުން ބަންދެއް ހަރުކުރުން (2) ބައެއްކަހަލަ ހެދުމާއި ޔުނިފޯމުގެ އުނަގަނޑުވަށައިގެން ބަންދެއް ބެއްދުން (3) ބަންޑަލި ބޮއްސުންލިޔަނުދީ ހިފެހެއްޓުމަށް ބަންދެއް ހަރުކުރުން (4) އެއްޗެއް ވަށައިގެން ކުލައިން ނުވަތަ ދަވާދުން ފަށެއް ކުރެހުން
ބަންގިބެރު
ނ ރަދުން ހުކުރު ނަމާދަށް ނުވަތަ ޢީދުނަމާދަށް ވަޑައިގަންނަވާކަން އެންގުމުގެ ގޮތުން ޖަހައި އުޅުނު ބެރު
ބަންޑާރަބަދިގެކޮޅު
ނ ބޮޑުގަނޑުވަރުގައި ރަދުންގެ ފަރިއްކޮޅު ކެއްކުމަށް ޚާއްޞަވެފައި ހުރި ބަދިގެ
ބަންޑާރަކުރުން
މ ސަރުކާރު އެއްޗަކަށް ހެދުން
ބަންޑާރައިން
ނ ރަދުން
ބަރަނިދަނޑި
ނ ބަރަނިއޮޅަން ދިގުގޮތަށް މެދުން ލޯވަޅެއް ތޮރުފާފައި ފޯލިކޮށް އޮންނަ އެތިކޮޅި ޕްލާސްޓިކުން ނުވަތަ ލަކުނޑިން މިހަދައިފައި ހުރެއެވެ