radheef.info
ރަދީފު


ދިޔަ
ނ (1) އަންހެންދަރިފުޅު (2) މޭވާއާއި ގަސްގަހާގެހީގެ ބާވަތްތައް ފެލައިލީމާ ނުކުންނަ ދިޔާބައި (3) ލައިގެންކާއެއްޗެހީގައި ހުންނަ ދިޔާބައި (4) )މ ( ރިހަ (5) ހަށިގަނޑުގެ ތަންތަން ނުބައިވެގެން ނިކުންނަފެން (6) ބޮޑުވެކުޑަވާ ފެންގަނޑު (7) ކާށީގެ އެތެރޭގައި ހުންނަފެން (8) ދިއުން މިބަހުގެ ނިމިނިމުނުކަން (9) ޙައްޤަކާ ނުލައި މީހެއްގެ ފުރާނަޔަށް ނުވަތަ ގުނަވަނަކަށް ގެއްލުމެއް ދިނުމުގެ ސަބަބުން ޝަރުޢީގޮތުން ދޭންޖެހޭ އަގު
ދިޔަވަރުހެޔޮވަރުކުރުން
މ ކައްކާއެއްޗެއްގައި ދިޔަވަރު ހުންނަންވީވަރަށް ދިޔަވަރު އެޅުން
ދިޔަވަރުބެލުން
މ ދިޔަވަރު ބޮޑުވެ ކުޑަވާވަރު ބެލުން
ދިޔަވަރުބޮޑުވުން
މ (1) ދިޔަވަރުފޫދުން (2) ދިޔަވަރު ހިކުމުގެ އިދިކޮޅު
ދިޔަވަރުވުން
މ އޮޑިދޯނިފަހަރު ވަދެނިކުމެވޭ ވަރަށް ދިޔަވަރު ބޮޑުވުން
ދިޔަވަރުފޫދުން
މ ދިޔަވަރު ބޮޑުވުން
ދިޔަވަރުގޮނޑުޖެހުން
މ ދިޔަވަރު އެންމެ ބޮޑުވާންވީވަރަށް ބޮޑުވުން
ދިޔަވަތް
ނ ފުރާދުއްވާ އެއްޗެހީގައި ދިޔަހިއްކަން ހުންނަވަތް
ދިޔަވުން
މ ކަނޑުގައި ދުއްވާ އުޅަނދެއްގެ ފެނުގެ އަޑީގައި ހުންނަބައިގެ ތަނަކަށް ލިބޭ ގެއްލުމެއްގެ ސަބަބުން އެތެރެއަށް ދިޔައެރުން
ދިޔަފެލުން
މ ދިޔަނެރުން
ދިޔަދިނުން
މ (1) ދިޔައިގެ ގޮތުން ދޭންޖެހިފައިވާ އެއްޗެއް ދިނުން (2) ދިޔަ އަދާކުރުން (3) ދާން ދޫކޮށްލުން (4) ދިއުމަށް ހުރަސްނޭޅުން
ދިޔަދޮއްވާ
ނ )ގ ( ދިޔަދޮވި
ދިޔަތަންޖެހުން
މ އޮޑިދޯނިފަހަރުން ދިޔައަރާގޮތްވީމާ ކޮޅައިމަދަން އެޅުން
ދިޔަތެޅުން
މ އެއްޗަކުން ދިޔަފެލުމަށްޓަކައި ތަޅައި ޗިސްކުރުން
ދިޔަގަނޑު
ނ (1) އޮޑިދޯނި ފަހަރުގެ ވަތުގައި ހުންނަދިޔަ (2) ގަރުދިޔަގަނޑު
ދިޔަޖެހުން
މ (1) ފެންހެލޭ ވަރަށް ކާށިހަރުވުން (2) އޮޑިދޯނި ފަހަރުގެ ދިޔަވާތަންތަން ފާހަގަކުރުން
ދުރު
ނއ (1) ގާތް ކައިރި މިދެބަހުގެ އިދިކޮޅު (2) ގާތްކަމެއްނެތް (3) ހުރިހިސާބުންފޭ (4) ވަކިހިލޭ މަޖާޒު: (5) އަންނަންއޮތް ޒަމާނުންބައެއް މިސާލު: ދުރުމުސްތަޤްބަލް (6) ވޭތުވެދިޔަ ޒަމާނުން ބައެއް މިސާލު: އެންމެ ދުރު ހަނދާން
ދޫނުކުރުން
މ (1) އެކިއެކިކަންކަމުގައި ތިމާއަށް ފެންނަގޮތުގައި ހިފެހެއްޓުން (2) ބަނދެފައި ބަހައްޓާ ދިރޭއެއްޗެއް މޮހައިނުލައި ބެހެއްޓުން (3) ހައްޔަރުކޮށްފައިތިބޭ މީހުން ހައްޔަރުކޮށްފައި ބައިތިއްބުން (4) އަތުގައިއޮތް އެއްޗެއް އަތުން ދިޔަނުދިނުން (5) ބާރުގެ ދަށުގައި ހުރިއެއްޗެއް ނުދީ ހިފެހެއްޓުން
ދެއަ
ނ )ޏ ސ ( (1) އެއްޗެހިން ފެލާ ދިޔަ (2) )ބދ ( ގަރު
ދެއަހިކުން
މ )ޏ ސ ( ދިޔަވަރުހިކުން
ދެއަހިއްކުން
މ )ޏ ސ ( ދިޔަހިއްކުން