radheef.info
ރަދީފު


މުގަ
ނ )ބދ ( މޫނު
ބޯދުންފިނި
ނ ވައިގެ ތެރޭގައި ފެނުގެ އަސަރުބޮޑުވުން ފިނިމޫސުމުގައި ޖައްވުގައި އުފެދިފައި ހުންނަ ފުސްކަން
ބޯގަ
ނ މިސްކިތް މިސްކިތާއި ޒިޔާރަތް ފަދަ މުގައްދަސް ތަންތަން ބެލެހެއްޓުމަށް ވަގުފުކޮށްފައި ހުންނަ ބިންބިމާއި ރުއްގަސް
ކަހައިލުން
މ (1) ކެހުން މިބަހުގެ ލުއިގޮތް މިސާލު: ނަގިލި ކަހައިލުން (2) ދަނޑިކޮށީގެ ކުޅި ޖެހުމުގައި ހަދާގޮތެއް (3) ލެއްކުޅޭއިރު "އެކަތިކަހައިގެން" ދިޔުމަށްފަހު އެމުގޯލީގައި އަނެއްބައިގެ މީހަކު އަތުން ނުވަތަ ފައިން ރޮނގެއް އެޅުން
ކަހުރަބު
ނ ވަރަށް އިހުޒަމާނުގައި ދުނިޔޭގައި ހެދުނު މިހާރު ދުނިޔޭގެ އެއްވެސް ތަނެއްގައި ނުހެދޭ ބާވަތެއްގެ ގަހެއްގެ ކިރު މިއީ އެތައް ޒަމާނެއް ވަންދެން ބިމުގެ އަޑީގައި ހުރެ ފިތިހަރުވެގެން ހެދޭ ރީނދޫ ރަތްކުލައިގެ އެއްޗެކެވެ އަނގޮޓީގައި ޖަހާއެހުގެ ގޮތުގައްޔާއި ތަސްބީހަ ފަދަ ތަކެތި ހަދާށާއި ބޭސްވެރިކަމުގައި މިބޭނުން ކުރެވެއެވެ
ކަށިއެޅުން
މ (1) ރާޅުއެއްޗެއް ހަމުގައި ހޭކޭންފެށީމާ އެވާގޮތްވުން (2) ހަމުގައި ހިނިދައިގަތީމާ އެވާގޮތްވުން
ކަށިފަތި
ނ (1) ފޭރާމުގެ ކައިރި ފަށުގައި ވަކިގޮތަކަށް އެހުންނަ ފަށް އަތްދުތް ހުންނަ ފޭރާމުގައި މިފަށް ހުންނާނީ އަތްދުތުގެ ތިރީގައެވެ (2) އަމުނައިފައިވާ ކަށިތަކެއް (3) ކަށިފޮތި
ކަށްޑަނަ
ނ (1) މައްޔިތާ ގެންދާ އަށިގަނޑު (2) ޚިޔާލީ ފުރޭތައެއް މިހުންނަނީ ސަންދޯކެއްގެ ސިފައިގައިކަމުގައި ބުނެވެއެވެ
ކަނބައިދިކިލެގެ
ނ ކަބައިދިކިލެގެ ކަމަށް ކޮލިލައްވާފައިވާ އަންހެނާ. މިއީ ރާއްޖޭގެ އިހުގެ އާދަކާދައިގެ ކަންކަމުގައްޔާއި ރަސްކަމުގެ ޢިއްޒަތުގެ ކަންތަކުގައި ލަފާހޯއްދަވައި އަދި ޢިއްޒަތުގެ ބައެއް ކަންކަމުގައި ބޭނުން ހިއްޕަވާ އަންހެން ތިންކިލެގެއިން ތެރެއިން އެއް ކިލެގެއެވެ
ކަނބާ
ނ (1) އަންހެނުންގެ މަތީ ދަރަޖައިގެ ނަމެއް އިހުގައި މިނަން ކިޔައި އުޅުނީ ގަނޑުވަރު ތެރޭގެ ބޭފުޅުންނަށެވެ (2) ޅެމުގައި އަންހެނުންނަށް ލޯބީން ކިޔާނަމެއް
ކަނދިކަމަނާމަސްތެލުލުން
މ )މިސާލުބަހެއް( ތިމާކުރާން އުޅޭ މަސައްކަތުގެ ގިނަބައި ތިމާއިންތާ އިނދެގެން އެހެން މީހުންލައްވައި ކުރުވައިފައި މިކުރިކަމެއް ރަނގަޅުވެއްޖެއްޔާ ތިމާ ކުރިކަމެއް ކަމުގައި ހަދައި ނުބައި ވެއްޖިއްޔާ އެހެންމީހުން މަތީއެޅުވީމާ ދީ އުޅޭ މިސާލެއް
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނދުވަލުދޫނި
ނ ބައިބަޔަށް އުދުހޭ ކިރުދޫނި ފާޑުގެ ދޫންޏެއް މިއީ ކަނޑާއި އެއްގަމުގައި އުޅޭ ދޫންޏެކެވެ ބިސްއަޅަނީ ކަނދުގަހުގަ އެވެ
ކަނދުފަތި
ނ (1) އެއްކޮޅު ނުވަތަ ދެކޮޅު ނަރުވިލިކޮށް ހަދައިފައި ހުންނަ ލަކުޑިތަކެއް އެއްކޮށް ބަނދެ ފެނުބާރު ހިފާގޮތަށް ހަދައިފައި ހުންނައެއްޗެއް މިގިނައިން ގެންގުޅެނީ ފަޅުތެރޭގެ އެކިއެކި ބޭނުމުގައި ދަތުރުކުރާށެވެ (2) ފެނުބާރު ހިފާގޮތަށް ހަދައިފައި ހުންނަ އެއްޗެއް މިއީ އެއްޗެހި އުފުލުމަށް ކަނބާފައި ގެންދާ އެއްޗެކެވެ (3) މަޖާޒު: ހިތާވެގެންއުޅޭ ދެމީހުން ދޭތެރޭ ހިނގާމީހާ
ކަނޑިއަޅައިފުންމައިގަތުން
މ އައްޑަނަ ކޮށީގެ ކުޅިޖެހުމުގައި ކޮށްއުޅުނު ކަމެއް
ކަނޑިތޮޅި
ނ ރީތިގަހުގެ ވައްތަރެއް ކަމުގައިވާ ބިޔަކޮށް ހެދޭ ރަތްމާގަނޑެއް އަންނަ ގަހެއްގައި އަޅާ ތޮޅިއެއް މިތޮޅި ހުންނަނީ ފަތިކޮށް ކުރު މުށެއްހައި ދިގުމިނުގައެވެ
ކަނޑުހާ
ނ ފާނައިގެ މަސްވެރިކަމުގައި ބާނާ އުޅޭމަހެއް މި މަހުގެ ކުލައަކީ ދޮންރަތް ކުލައެވެ މަހުގައި ކުދިކުދި ތިކިތަކެއް ނުވަތަ ރޮނގުތަކެއް ހުރެއެވެ މަހުގެ ނިގޫފަތް ހުންނަނީ ހަނދުފަޅި ބުރަށް ކަފިކޮށްނެވެ
ކަނޑޫ
ނ (1) ޗަސްބިމުގައި ތެދަށް ހެދޭގަހެއް. މިއީ އެއްވަރަކަށް ގޮފިލަމުން ހެދޭގަހެކެވެ. (2) ކަނޑޫގަހުގެ ލަކުޑި. މިއީ ވަރަށް މޮޅު ލަކުޑިއެކެވެ. އޮޑިދޯނިފަހަރުގެ ފަށަންލުމަށް ބޭނުންކުރަނީ މިލަކުޑިއެވެ. (3) ކަނޑޫގަހުގެ ވައް. މިވަކަކީ މަލުން ނުކުންނަ ހިމަދިގުކޮށް ދެކޮޅަށްތޫރިކޮށް ހުންނަ ތޮޅިއެކެވެ. މިވައް ދޮންނުވާއިރު ހުންނަނީ ފެހިކުލައިގައެވެ. ދޮންވުމުން ރަތްފެހިކުލައަކަށް ބަދަލުވެއެވެ. މިވަކަކީ ފަލަމަޑީގެ ގޮތުގައި ކެއުމަށްވެސް ބޭނުންކޮށްއުޅޭ އެއްޗެކެވެ
ކަނޓަ
ނ )ގ ( (1) މޫދުގައި ހުންނަ ތިލޯށި (2) އެއްގަމުގައި ޖަހާ ކަޑަ
ކަންބަޅި
ނ (1) ބަކަރީގެ ބާވަތެއް މިއީ އޭގެ ކެހެރިޔާ މަހުގެ ބޭނުމުގައި ގެންގުޅޭ އެއްޗެކެވެ މީގެ ކެހެރި ހުންނާނީ ވަރަށް ބޯކޮށެވެ (2) ފުރާދުއްވާ އެއްޗެހީގައި ލޯޖަހާއިރު ބަތާނައަކަށްލާ ތަރުފާލު
ކަންބޮޑުކުރުން
މ މީހަކަށް ބޮނޑިއެއް ނުވަތަ ދެރައެއް ދިނުމުގެ ބޭނުމުގައި ކަމެއްގެ ވާހަކަ ޙަޤީޤަތަށްވުރެ ބޮޑުކޮށްގެން ދެއްކުން