radheef.info
ރަދީފު


މިސާލު
ނ އެއްފަދަކުރުމުގެ ގޮތުން ބޭނުންކުރެވޭ ބަސްބަސް މިސާލު: ހަނދެއްފަދަމޫނެއް
ބުރުވާލުން
މ (1) ވިހުރުވައިލުން (2) ހިމުން އެއްޗެހިތަކެއް ނުވަތަ ދިޔާ އެއްޗަކުން ތިކިތަކެއް ބުރުއްސައިލުން (3) ވައިގެ ތެރެއަށް އެއްޗެއްގެ އަސަރު ފަތުރުވައިލުން މިސާލު: )ހ( ހިރަފުސް ބުރުވައިލުން )ށ( ދުންބުރުވައިލުން
ބުރުވުން
މ (1) ވިހުރުވުން (2) ހިމުން އެއްޗެހިތަކެއް ނުވަތަ ދިޔާ އެއްޗަކުން ތިކިތަކެއް ބުރުއްސުން (3) ވައިގެ ތެރެއަށް އެއްޗެއްގެ އަސަރު ފެތުރުވުން މިސާލު: )ހ( ހިރަފުސް ބުރުވުން )ށ( ދުން ބުރުވުން
ބުރުދާގައިމުކުރުން
)މިސާލުބަހެއް( ކަމެއްގެ ޝައްކު ފިލުވާން ސުވާލުކޮށްބެލުމަށް ބުނެއުޅޭގޮތެއް
ބުޅަލުބުޑުގައި އުނބުން ޖެހީމާ ދާހެން ދިޔުން
)މިސާލުބަހެއް( (1) ބިރުން ފަސްބަލައިނުލައި ހަރުކޮށް ދުވެފައި ދިޔުން (2) ފަސްބަލައިނުލައި ދުވެފައިދިއުން
ބުޅާހައްޖުވުން
މ )މިސާލުބަހެއް( ތިމާކޮށްކޮށްހުރި ނުބައިކަމެއް ދެން ނުކުރާނޭސިފަތައް ދައްކައިގެން އުޅޭމީހުނާ މެދުގައި ބުނެއުޅޭގޮތެއް
ބުޅި
ނ ކޮޅު ގުދުކޮށް އޮންނަ އޭގައި އެއްޗިހި އަޅުވަން ބޭނުންކުރާ އެއްޗެއް މިސާލު: މަސްބާނާބުޅި ފުރާޅުގެޓިނު ހިފަހައްޓާން އަޅުވާބުޅި
ބުމަރު
ބިންމަތީގައި އަނބުރާން ގެންގުޅޭ އެއްޗެއް. މީގެ ކިތަންމެ ބާވަތެއް ހުރެއެވެ. މިސާލު: ތަޅާބުމަރު ކަށިބުމަރު ފިހިގަނޑުބުމަރު
ބުމަރު ޖަހައިގެންއިނުން
)މިސާލުބަހެއް( އެއްދިމާއެއް ބަލަހައްޓައިގެން އަނގައިން ނުބުނެ ހައިރާންވެފައި އިންނަ އިނުމަށް ބުނާބަހެއް
ބުޑު
ނ (1) ގަހުގެ ބިމާ ގުޅިފައިވާ ބައި. (2) ބިމަށްޖަހައިފައި ހުންނަ އެއްޗެއްގެ ބިމުގައި ޖެހިފައި ހުންނަ ހިސާބު. (3) ކައިރި. މިސާލު: ފާރުބުޑުގައި ބިތްބުޑުގައި ފުޅައްބުޑުގައި މުނިބުޑުގައި ފައިބުޑުގައި (4) ފިނދުމަސްގަނޑު (5) ދަނޑި ނުވަތަ ރިތްފަދަ އެއްޗެހީގެ ފަލަކޮޅު (6) އެއްޗެއް ބިމަށް ގަދަކުރުމަށް ކޮންކްރީޓުން ބިމުއަޑީގައި ހަދާބައި (7) ބިމަށްޖަހާ އެއްޗެއް ގަދަކުރަން ބިންމަތީގައި ހަދައިފައި ހުންނަބައި
ބޫސް
ނ (1) ފުރޮޅުފަދަ އެއްޗެހީގެ ލޯވަޅު ތެރެޔަށް އަރުވައިފައި އޮންނަ ހޮޅި (2) އ ބުޅަލަށް ގޮވާ ގޮތެއް މިސާލު: ބޫސްބޫސް
ބެހުން
މ (1) ދާންވީ މިސްރާބު އޮޅި ދެވޭނުދެވޭ ދިމާއެއް ހުރި ހިސާބެއް ނޭނގުން (2) އެކި ބައިބަޔަށް އަޅައި އެކި މީހުންނަށް ދިނުން (3) ތިމާޔާ ނުބެހޭ ކަމެއްގެ ތެރެއަށް ވަނުން (4) ކަމަކާނުލައި މީހަކާ ފޮށުން ނުވަތަ ގަޔަށް އެރުން (5) ޖިންސީގޮތުން ގޯނާކުރުން (6) ބައިބަޔަށް އެޅުން (7) ގުޅޭ މިސާލު: )ހ( ފޮތާބެހޭ ލިޔުން )ށ( ކިޔެވުމާބެހޭ ސާމާނު
ބެދުން
މ (1) ދިޔާއެއްޗެހި އޮލަވެ ގަނޑުގަތުން މިސާލު: ހަލުވިދާއާއި ކަސްޓަޑު ފަދަތަކެތި ކައްކައިފައި ބެހެއްޓީމާ ބެދެއެވެ (2) ދިޔަވަރު ހިކެމުންގޮސް ފަޅުމަތީގެ ބިންގަނޑު ހިކުން މިސާލު: ދިޔަވަރުހިކި ފަޅުމަތި އޮތީ ބެދިފައެވެ (3) މީހާގެ ކިބައިން ވެފައި އޮތްކުށެއް ސާބިތުވުން މިސާލު: އޭނާވަނީ އެކުށުގައި ބެދިފައެވެ (4) ކުރިޔަށް ދެވޭނެ ގޮތެއް ނެތުން މިސާލު: އޭނާކުރި ކުށެއްގެ ސަބަބުން ކުރިޔަށް ދިއުމުގެ މަގުއޮތީ ބެދިފައެވެ (5) ދެއެއްޗެއް ތަތްވެ އެކަތި ގަނޑަކަށްވުން މިސާލު: އޭނާގެ އަތުގެ މުލައް ދަނޑިން ވަކިވި ކަށިގަނޑު ކުރިފަރުވާއެއްގެ ސަބަބުން މިހާރު ބެދިއްޖެއެވެ (6) ހިންމިޔާއި ލޯވަޅު ފަދަތަންތަން ބަންދުވުން މިސާލު: ދޯނީގެ ހިންމިތައްވަނީ ކޮޅައި މަދަން އަޅައިގެން ބެދިފައެވެ (7) އަނގަބެދުން ވާހަކައެއް ދައްކައިގެން ކުރިނުލިބުން މިސާލު: އަހަރެންދެއްކި ވާހަކައިން އޭނާގެއަނގަބެދިއްޖެއެވެ (8) މަޅިޔެއް ނުވަތަ ގޮށެއްފަދަ އެއްޗެއް ބާރުވުން މިސާލު: ފިނދަނަ މަޅިފަތީގައި ބެދިއްޖެއެވެ (9) ކަޑައްތުވުން މިސާލު: މާލެއަތޮޅުން ބ އަތޮޅަށް ދެވޭނީ ކާށިދޫ ކަނޑު ބައްދައިގެންނެވެ )01( ކުރިޔަށްނުދެވޭ ގޮތްވުން މިސާލު: އޭނާ ހިނގަމުން ދަނިކޮށް މަގުމަތީގައި ދުއްވާ އެއްޗިހީގެ ސަބަބުން މަގު ބެދިއްޖެއެވެ
ބެލުން
މ (1) އެއްޗަކަށް ނަޒަރު ހުއްޓައިލުން (2) ބެލެހެއްޓުން (3) ކާންދީގެން ގެންގުޅުން (4) ކަން ހިނގާފައިވާގޮތް ހޯދުން (5) ކަމެއްކުރެވޭތޯ ބެލުން މިސާލު: ތިޔަގެއަށް ދެވޭތޯ ބަލާނަން (6) އަދަބު ބެހެއްޓުން މިސާލު: މީނާ މަންމަޔަކަށް ބައްޕަޔަކަށްވެސް ބެލުމެއްނެތެވެ
ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ބޭން
ނ (1) ފުމޭ ތަކެތިންނާއި ޖަހާބެރުން ވަކިރާގަކަށް ހަމަކޮށްގެން ގޮއްވާ އަޑުތަކެއް. (2) ބޭންޕާޓީ. (3) އެކަކަށްވުރެ ގިނަދަރިން. މިސާލު: ދެބޭން ތިންބޭން. (4) ބޭނުން- ތިމާއަށް ނިސްބަތްވާގޮތަށް އޮންނަ މިބަހުގެ ނިމިނިމުނުކަން. މިސާލު: އަހަރެން މަސްބޭން. (5) ގާތްތިމާގެ މީހުން. )އެކަކަށްވުރެގިނަ( ދެބެންގެ ދެދަރިދެބޭން ތިންބޭން އަޚުން އުޚުތުން ބޭބޭންގެދަރިން
ބޭރު
ނ (1) އެތެރެޔަށް ނުވާތަން. މިސާލު: ގެއިންބޭރު. ބޭރުމަތި. (2) ވަތްހޭލާ ހިސާބު. (3) ގަނޑުވަރުތެރޭ ބޭފުޅުން ތިއްބަވާ ތަންތާނގައި ބޭރުން އަންނަ ޚާއްޞަ ރައްޓެހިފުޅު މީހުންނަށް ކައްކާބަތް. (4) ނއ. އެކަމެއްގެ އެތަނެއްގެ އެއްޗެއްގެ އެބައެއްގެ ތެރޭގައި ނުހިމެނޭ
ބޭވުން
މ )ޏ.ސ.( (1) މަސްބޭނުން. (2) ލިބިގަތުން. (3) ބޭލުން. މިސާލު: އޮޑި ބޭވުން ތުނބުޅި ބޭލުން
ބޮނޑި
ނ (1) ފޮތިފަށްތަކެއް އޮޅައިގެން ހަދައިފައި އޮންނަ ހަރު ގުޅައެއް. މިއީ ގަނޑު ފިއްލާކުޅޭއިރު ފޮރުވަން ހަދައިފައި އޮންނަ އެއްޗެކެވެ. (2) ބޮނޑިކުޅުމަށް ގެންގުޅޭ ރަބަރު ބޯޅަ. (3) މަހުގެ ކަށިފަތިކަހައިގެން ނަގާ މަހުން ގުޅަވަށައިގެން ކައްކައިދިލަ ޖައްސާފައި އޮންނަ ގުޅަ. (4) އެއްކޮށް ބަނދެފައި އޮންނަ އެއްބާވަތެއްގެ އެއްޗެހި މިސާލު: )ހ( ބިލެތްބޮނޑި )ށ( ރޯނުބޮނޑި )ނ( ފަންބޮނޑި (5) ފޯލިކޮށް ހަދައި ބޭރުގައި ފަތްލައިފައި ހުންނަ ފޮނި ހެދިކާއެއްޗެއް: ޢާއްމުކޮށް މިހަދައި އުޅެނީ ގަބުޅި ހުންޏާއި ދިވެހި ހަކުރާ އެއްކޮށް ހިލައިގެންނެވެ. މިސާލު: ހުވަދޫބޮނޑި. (6) މީހުންނާއި ޖަނަވާރުގެ ގައިގައި ޖަހާ އެތިފަހަރު. (7) ލިބޭކެހި ނުވަތަ ދޭކެހި (8) ފޮނިބޯކިބާ (9) )ސ ޏ ( ބޭނޑި )01( ވެށުން
ބޮނި
އމ (1) ބުއިން މިބަހުގެ އަމުރު މިއީ އިހުގައި ބޭނުންކޮށް އުޅުނު ގޮތެކެވެ މިސާލު: މިބޭސްކިޔާއި މާމުޔާއެކުބޮނީ (2) ރޯފަންފުޅަނގީގެ ޅައެއްޗެހި
ބޮޑުހުޅުދޫ މީހުންގެ ވަކިވުން
)މިސާލުބަހެއް( އެކީގައި ތާކަށް ގޮސްގޮސްހުރެފައި އަނެކަކުގާތު ބުނުމަކާނުލައި ވަކިވެގެން ދާދިޔުމަށް ބުނެއުޅޭބަހެއް