radheef.info
ރަދީފު


މަޖާ
ނ (1) އުފާވެރިކަން އެކުލެވިފައިވާ ކަންތައްތައް. (2) ރިހާކުރާއި ހުތާއި ގިތި ފަޅޯ ފަދަ އެއްޗެހި އެއްކޮށްގެން ހަދާ ވަރަށް ކުޅިގަދަ އެއްޗެއް (3) ނއ އުފާވެރިކަން އެކުލެވިފައިވާ
ނާނާ
ނ (1) ހަމައެކަނި އަޑުން އަޅުވާލާ ރާގު މިސާލު: ނާނަޔޭނާނާ އޫނ އޫނ އޫނ (2) ކުދިން ނިންދަވަން ކިޔާލަވަ (3) އ ނޫނެކޭ ބުނުން ގަދަކުރުމަށް ބުނާގޮތް (4) މަޖާޒު: ކިޔާއެއްޗެއް ނުފިލާގޮތަށް ނުވަތަ އަޑުއަހާމީހުން ފޫހިވާ ގޮތަށް ދައްކާވާހަކަ (5) ކިޔާއެއްޗެއް އޮޅުން ނުފިލާގޮތަށް ކިޔާ އެއްޗެހި
ނާރާ ހަނދުގައި ކޭތަ ހިފުން
މ މަޖާޒު: ހިލޭއަންހެނަކު ގޮވައިގެން މީހުން ނޫޅޭ ތާކު ހުރުން
ނިއްވުން
މ (1) އަލިފާން ހުޅާއި ދަރު އަލިފާނުން އަލިފާނުގެ އަސަރު ކެނޑުވުން (2) ރޭޑިޔޯ ޓީވީ އިންޖީނު ފަދަތަކެތި ހުއްޓައިލުން (3) ދިއްލައިފައި ހުންނަ ތަކެތި ދިއްލުމުގެ ބާރުކަނޑުވައިލުން (4) މަޖާޒު: ހިހޫފެނާ ހޫނުފެނާ އެއްކޮށްގެން ހޫނުކަން މަޑުކުރުން
ނިވައި
ނ (1) ތަނެއްގެ ނުވަތަ އެއްޗެއްގެ ވައިދަށް (2) މަޖާޒު: މީހެއްގެ ފަރާތުން ލިބޭ ރައްކައުތެރިކަން
ނިވާފަތްގަނޑު
ނ (1) އެއްޗެއް ނިވާކުރުމަށާއި ރައްކާތެރި ކުރުމަށްޓަކައި ޖަހާނިވާ (2) މަޖާޒު: މީހަކަށް ނުވަތަ ބަޔަކަށް ރައްކާތެރިކަންދޭ މީހާ
ނިދުން
މ (1) ހިތާ ސިކުނޑީޔާ ހަށިގަނޑަށް ލިބޭ ވަރުބަލިކަން ފިލުވާ ޠަބިޢީ ގޮތުން އަރާމު ލިބިދިނުމަށްޓަކައި މުޅިހަށިގަނޑަށް އަންނަ ވަގުތީ ބަދަލުއައުން (2) ހޭލާހުރުމުގެ އިދިކޮޅު (3) މަޖާޒް: ހަރަކާތެއްނެތި ހިމޭނުންވުން
ނިތްތެޅުން
މ މަޖާޒު: ފަރުވާކުޑަކޮށް އަވަސް އަވަހަށް ނަމާދުކޮށްލުން
ނިގާރަން
ނ (1) ކަނޑު ދަތުރުފަތުރުކުރާ ބައެއް އުޅަނދު ދުއްވުމަށްޓަކައި ކޮންމެހެން ބޭނުންވާބަރު މަޖާޒް: (2) ހެނދުނު ފުރަތަމަ ބަނޑައްލާ އެތިކޮޅު (3) މީހުންގައި ހުންނަ ހަރުދަނާކަން
ނިގާރަންލުން
މ (1) ފުރާދުއްވާ އެއްޗިއްސަށް ނިގާރަމުގެ ބޭނުމުގައި ތަކެތި އެރުވުން (2) މަޖާޒު: ނާސްތާކުރުން
ނިޢުމަތަށް ފުރަގަސްދިނުން
މ މަޖާޒު: ދިމާވާ ރަގަނޅު ގޮތްގޮތް ޤަބޫލުނުކުރުން
ނުހިނދޭކުޅިގަނޑު
ނ (1) އޮށްވަޅު ކުޅުމުގައި ނުހިނދޭގޮތަށް ރޭވިފައިވާ ކުޅިގަނޑު މިކުޅިގަނޑު ކުޅޭނީ ފިހާރައަށް ނުލައެވެ (2) މަޖާޒު: ނުހުއްޓިގެން ދާކަންތައް މިސާލު: ދެމީހަކު ހިތާވެގެން ދުރުނުވެ ނުމެ އިނދެމެ އުލޭ އުޅުން
ނުހިކޭފާރު
ނ (1) ބޭހުން ފަސޭހަނުވެ އުމުރަށްވެސް ހުންނަފާރު. މަޖާޒު: (2) ތިމާ އިންމީހެއް ނުވަތަ ހިތާވި މީހެއްގެ ނުފިލާ ހުންނަ ހަނދާން (3) ނުފުދިފައި ހުންނަ އެދުން
ނުބައިއަޑު
ނ (1) ބިރުވެރިއަޑު (2) މަޖާޒު: މީހަކާ ބެހޭގޮތުން ދެކެވޭ ނޭދެވޭ ވާހަކަ
ނުކުޅެދުން
މ (1) ބުއްދީގެ ގޮތުން ނުވަތަ ޖިސްމާނީ ގޮތުން އުނިވެފައިވުން (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވުން މަޖާޒު: (3) ކަމެއް ވެވޭނޭގޮތްނެތުން (4) ކަމެއްގެ ލަޔާޤަތާއި ޤާބިލިއްޔަތު ނެތުން
ނުކުޅެދޭމީހާ
ނ (1) ބުއްދީގެގޮތުން ނުވަތަ ޖިސްމާނީ ގޮތުން އުނިވެފައިވާމީހާ (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވެފައިވާމީހާ މަޖާޒު: (3) ކަމެއް ވެވޭނޭގޮތް ނެތްމީހާ (4) ކަމެއްގެ ލަޔާޤަތާއި ޤާބިލިއްޔަތު ނެތްމީހާ
ނުކުތުން
މ (1) އެތެރޭން ބޭރަށް އައުން (2) ތުރަވުން (3) ވަނުމުގެ އިދިކޮޅު މަޖާޒު: މަސައްކަތަށް ހާޟިރުވުން
ނުވާކައިވަންޏެކޭއެއްފަދަވުން
ގބ (1) ކައިވަނިވެފައި ރެއިނުކޮށް ވަރިކުރުން (2) މަޖާޒު: މަސައްކަތެއްކޮށްމެ އޭގެ ފައިދާއެއް ނުލިބުން
ނުވާކަމެއްނެތުން
މ މަޖާޒު: (1) ނުޖެހޭބައްޔެއް ނެތުން (2) ނުބެހޭ ކަމެއް ނެތުން
ނުފޯރާފޮތިން ފޫގެޅުން
މ މަޖާޒު: ކުޅަދާނަކަންނެތް މިންވަރަށް ކަންތައް ކުރާން އުޅުން
ނެރުމަތީބުރޮޅި
ނ (1) އޮޔާދާހާ އެއްޗެހީގައި ކޮށައިފައި ނެރުމަތީގައި އުޅޭ ކުޑަމަހެއް (2) މަޖާޒު: ފުޅަލި ނުވަތަ ދޮރޯށި ދޮށުގައި ހުރެގެން ދާހައި ފިރިހެނަކާ ހަނގާކޮށް އުޅޭ ޒުވާން އަންހެނާ