radheef.info
ރަދީފު


މައް
ނއ (1) އެހެން އެއްޗަކާ އެކު ނުވާ )ހުރިގޮތަށްހުރި( މިސާލު: މައްދިވެހިބަހުން )ސާފުދިވެހިބަހުން( (2) އާދައިގެ މިސާލު: މައްމީހެއް
ކަލަރު
ނ (1) އަންހެނުންގެ ބޮނބިފަޅިމައްޗާއި ކަރުވަޅު ނިވައި ކުރާންލައި ގިރުވާނު އަޅައިފައި ހުންނަ ކޮނޑުކެނޑިއެއް މިކޮނޑުކެނޑި އަންހެނުން ލައި އުޅެނީ ބޯވަޅުއެޅި ލިބާހާ އެކުގައެވެ (2) އަންހެނުންގެ ބޯވަޅު އެޅިލިބާހުގައި އަޅަން ވަކިން ހަދައިފައި ހުންނަ ގިރުވާނު
ކަލައިކުރުން
މ ދަގަނޑުން ހަދައިފައިހުންނަ އެއްޗެހީގައި ދަބަރުޖެހިޔަ ނުދިނުމަށް ތުތިޔާއަށް ލުން މިކަންކުރަނީ އެ އެއްޗެއް އަލިފާން އާވީގެ ތެރެއަށް ލައިގެން ސާފުކުރުމަށްފަހު މޫސަދަރު ހާކައި އެއަށްފަހު ކުޑަކޮށް ހޫނުކޮށްފައި ވިރުވައިފައިހުރި ތުތިޔާގެ ތެރެއަށް ލައިގެންނެވެ ތުތިޔައިން ނަގައި މޫސަދަރުކޮޅެއް އެއެއްޗެއްގެ މައްޗަށް އެޅުމުން ތުތިޔާ ހުންނާނީ އެއެއްޗެއްގައި ހަރުލައިފައެވެ
ކަޢުބަތުﷲ ގެފުޅު
ނ އިސްލާމުންގެ ޤިބުލަ މިތަން ހުންނަނީ މައްކާގައެވެ
ކާންހެދުން
މ (1) ކެއުމުގެ ތަކެތި ސުފުރާ މައްޗަށް ތައްރާރު ކުރުން (2) ކާއެއްޗެހި އެއްޗިއްސަށް އަޅައިފައި ކާ ތާނގައި ބެހެއްޓުން
ކިރު
ނ (1) ބަނޑުއަޅާ ވިހާ ހައިވާނުގެ ދަރިންނަށްޓަކައި އުރަމައްޗަށް އެރޭހުދު ކުލައިގެ އޮލަދިޔަ (2) އުރަމަތި (3) ބައެއްގަސްގަހާއި މޭވާގެ ތެރޭން ނުކުންނަދިޔަ (4) ގޮދަނުންނެގޭ ތަތް މާއްދާއެއް (5) ކާއްޓާއި ބަދަންފަދަ ބައެއްތަކެތި ފެލީމާ ނުކުންނަ ހުދުކުލައިގެ ދިޔަ (6) ފުށާއި ހަކުރާއި ކާށިކިރާއި އަޅައިގެން ކައްކާ ފޮނިކާ އެއްޗެއް (7) ބައެއް މޭވާއާއި ތަރުކާރީގެ ތެރޭގައި ހުންނަ ތަތްލަވާ އޮލަމާއްދާއެއް
ކިރުއެރުން
މ އުރަމައްޗަށް ކިރު ޖަމާވުން
ކިރުމަސްރިހަ
ނ ރޯމަސް ނުވަތަ ތެތްވަޅޯމަހުގައި ފެންކިރު އަޅައިގެން ކައްކާ ރިހަޔެއް މިއަށް އަޅަނީ ރޯމިރުހާ ބިލިމަގެވެ ދެން މައްޗަށް ރަތްކުރި ފިޔާކޮޅަކާއި ބޯކިރުފޮދެކެވެ
ކިބާފިލާ
ނ ސަންދޯކު ނާޅާ ވަޅުލާ މައްޔިތާގެ މަތީން ޖަހާން ތިނބިގަނޑެއްހެން ބަނދެފައިވާ ދެފިލާ
ކުނބުނެގުން
މ (1) ފުރާދުއްވާ ތަކެތީގެ ކުނބު އޭގައި ކޮޅަށް ޖެހުން. (2) މަޖާޒު: ދެބުމަ ދޭތެރެއިން ފެށިގެން މައްޗަށް އަނދުން ރޮނގެއް ދެމުން. އަނދުން ނޫން އެހެން އެއްޗަކުން މިރޮނގު ދެމި ނަމަވެސް ކިޔާނީ މިހެންނެވެ
ކުނޑިޔަށް ހިފުން
މ ފޮނުމަތުން ތޮރުފާއިރު ކުނޑިނެރޭން މައްޗަށް ބާރުލުން
ކުންދާން
ނ ނައުފަހަރުގެ ކުނބު ދިގުކުރާން ކުނބުގެ މައްޗަށް ގުޅުވަމުން ނަގާ ބުރިބުރި
ކުރަނގިލޯ
ނ ލޮލުގެ ރީތިކަމަށް ދީއުޅޭ މިސާލެއް މިބާވަތުގެ ލޯ ހުންނަނީ ކުޑަކޮޅު ހިމަވެލުމާއެކު މައްޗަށް އުފުލިފައެވެ
ކުރަނޑި
ނ (1) ފެންބޯތައްޓާއި ބޯތަށިފަދަ ތަށިލާން މައްޗާއެކު ލިޔެލާ ޖަހައިފައި ހުންނަ އެއްޗެއް މީގެ ކިތަންމެ ވައްތަރެއް ހުރެއެވެ ކޮންމެ ވައްތެރެއްގައިވެސް މަތިގަނޑު މެދުގައި އުށެއް ހުންނާނެއެވެ (2) ކުރަނޑި ފާޑަށް ބިއްލޫރިން ހަދައިފައި ހުންނަ ތަކެތ ި (3) ޖަނަވާރާއި ދޫނިސޫފާސޫފީގެ މައިދާ (4) މިސްކިތް މިސްކިތްފަދަ ތަންތާނގައި ލާގެ ޒީނަތްތެރިކުރަން ކުރަނޑީގެ މަތިގަނޑާ އެއްގޮތަށް ލިޔެފައި ހުންނަ އެއްޗެއް
ކުރިބެއްދުން
މ ކުރިޔަށްދިޔަނުދޭން ކުރިމައްޗަށް އެރުން
ކުރިއެރުން
މ (1) ކަމެއްގައި އަނެކަކަށްވުރެ ނުވަތަ އަނެކައްޗަކަށްވުރެ ކުރިޔަށް ދެވުން (2) މޮޅުވުން (3) މައްޗަށް ދިޔުން (4) ތަރައްޤީވުން
ކުރިމަތި
ނ (1) މޫނާދިމާ (2) މޫނުހުރިފަރާތް (3) މޫނުމައްޗަށް ވީ ފަރާތް
ކުރިމަތިވުން
މ (1) ކުރިމައްޗަށް އައުން (2) އައިސް ދިމާވުން
ކުރުކަނި
ނ ފަތްފޮށީ ވަކަރު މައްޗަށް އިންދައިފައި ހުންނަ ކުރުވަކަރު ބުރިއެއް
ކުޅަނދުރު ހަތަޔަށް އޮއްގައުލުން
މ މަޖާޒު: ތިމާގެ މައްޗަށް ގަދަކަން ފޯރުވޭވަރުގެ މީހަކަށް ނުވަތަ ބަޔަކު ރުޅިއަންނާނެ ކަމެއްކުރުން
ކުދީނާ
ނ ބިމުންމައްޗަށް ވަރަށް ކުޑަކޮށް ހެދޭ ގަހެއް. މިއީ ޒަވިވަހެއްދުވާ އާވި ކުޅިރަހައެއްދޭ ފެހިކުލަގަދަ ފަތެކެވެ. މިފަތް ހުންނަނީ ދެކޮޅު ވަށްކޮށް މެދަށް ފުޅާކޮށްނެވެ. ހަވާދާއި ޝަރުބަތާއި ސަޓަނި ހެދުމަށާއި ބޭހަށްވެސް މިފަތް ބޭނުންކޮށް އުޅެއެވެ