radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ބިންހެލުން
މ (1) ބިމަށް ލޮޅުން އެރުން (2) ރަށްގުޑުން (3) ޒަލްޒަލާ މިއީ ބިމުގެ ވަރަށް އަޑީގައި ހިނގާ ހަމަނުޖެހުމެއްގެ ސަބަބުން ބިމުގެ ތޮށިގަނޑު ތެރޭގައި އުފެދޭ ފިއްތުމުގެ ރާޅު ބާންޏަކުން އުފެދޭ ލޮޅުމެކެވެ ބޮޑެތި ބިންހެލުންތައް އަންނަނީ ބިމުއަޑީގައިވާ ހިލަތަކުގެ ފަށަލަތަކުގައި ހުންނަ ދެރަކަމެއްގެ ސަބަބުން އެފަށަލަތައް ހަލާކުވުމުގެ ސަބަބުންނެވެ ކުދިކުދި ބިންހެލުންތައް ކަނޑުގެ ރާޅުތަކާއި ޖައްވީ ފިއްތުންތަކުގެ ސަބަބުން އަތުވެދާނެއެވެ ބިންހެލުމުގެ ބާރުމިން މިނަނީ ރެކްޓަރ މިންގަޑުންނެވެ މިއީ 1 ން 9 ށް ދަރަޖަބަހައިފައިވާ މިންގަޑެކެވެ އިންސާނުންނަށް ބިންހެލުމެއް އިޙުސާސްވާނީ މި މިންގަޑުން އެންމެ ކުޑަވެގެން 5 1 އާ ހަމަވުމުންނެވެ
ބިންމަތިއަލިވުން
މ (1) ފަޖުރަށްލައި ދުނިޔެ މަތިން އަނދިރިކަން ފިލުން (2) ކުކުޅުހާ ގަހުން ފައިބާ ވަރަށް އަނދިރިކަން ފިލުން
ބިޗޫ
ނ ހާސްފައިހެން ބޮޑެތިކޮށް ގަޅިޖަހައިފައި ހުންނަ ވިހަގަދަ ސޫތްޕެއް މި ދައިގަތީމާ ވަރަށް ބޮޑަށް ދިލަނަގާނެއެވެ
ބީއްސުން
މ (1) ފުރާދުއްވާ ތަކެތީން ބައެއް އެހެލުން (2) ފުރާދުއްވާ ތަކެތީގެ ފަށަން ފަސްގަނޑުގައި ޖެހޭވަރަށް އެއްގަމަށް ގެނެސް ތިލަ ހިސާބަށް އެރުވުން (3) ރާޅާ ފުންނުވާ ވަރަށް އެއްގަމަށް އެރުވުން
ބުރަފަތިވިނަ
ނ ދަނޑުމަތީގައި ހެދޭ ވިނައެއް މި މަލުގެ ތަނޑުވަރަށް ދިގުވާނެއެވެ މީގެ މާ ހުންނާނީ ބުރަފައްޗެއްގެ ސިފައިގައެވެ
ބުރުޅިއަމަސް
ނ ފަޅުތެރޭގައި އުޅޭ ކިރުޅިޔަމަހާ ވައްތަރުމަހެއް މީގެ މަސް ވަރަށް މީރުވާނެއެވެ މިމަސް ކިރުޅިޔަމަހަށްވުރެ ކުޑަވާނެއެވެ
ބުރުޒުބަނޑޭރި
ނ (1) ހަވަރަށް އެކިއެކިކަން ކަމަށް އަންގަން ފޮނުއްވާމީހާ (2) ބުރުޒާބެހޭކަންތައްތައް ބަލަހައްޓަން ހުންނަމީހާ
ބުރުޒުބަޑޭރިކަން
ނ (1) ސަރުކާރުން ދެއްވާ ވަޒީފާއެއް (2) ހަވަރަށް މަސައްކަތުގޮވާކަން
ބުރެކި
ނ އެމުގެ ބާވަތެއް މިއީ ހިމަ ދިގުކޮށް ބޯކޮޅަށް ވަށްކޮށް ހުންނަ މަހެކެވެ މަހުގެ ނަގޫ ވަރަށް ބޮޑަށް ކަފިވެފައި ހުރެއެވެ އަދި ނަގޫކޮޅު ހިމަވެގެން ގޮސް ނަރުވާޔަކަށް ބަދަލުވެފައިވެއެވެ މަހުގެ ކަންފަތްގަނޑު ބޮލަށްވުރެ ކުޑަތަންކޮޅެއް ކުރުވާނެއެވެ މަހުގެ ބުރަކަށި މަތީގެ ކުލައަކީ ފެހިކުލައަކަށްދާ ދަނބު ކުލައެކެވެ
ބުޅަދެލި
ނ )އ.( ފަޅުބޭރު ތޮށިމަތީގައި އުޅޭ ލަނޑާވައްތަރުގެ މަހެއް. މިއީ މަޑުފެހިކުލައެއްގައި ހުންނަ ލޮނދި މަހެކެވެ. އެންމެ ބޮޑެތިކޮށް ހުންނަނީ ގާތްގަނޑަކަށް ކައިވަތެއް ވަރަށެވެ
ބުޅަލުދޫ
ނ އާދަކޮށް ހަދާ ވަރަށްވުރެ ކުދިކޮށް ހަދައިފައި ހުންނަ ހުނިހަކުރު ފަތަފޮޅި
ބުޅިފަނި
ނ އެއްކޮޅުބުޅިޔެއްހެން ހުންނަ ފަންޏެއް މިއީ ވަރަށް ކުޑަކުޑަ ފަންޏެކެވެ މި އުޅެނީ ބިމުގެ ތެތްކޮށްހުންނަ ތަންތަނުގަ އެވެ ހަށިގަނޑަށް މިފަނި ވަންނަނީ ހަމުގެ ތެރޭންނެވެ ވަދެގެންގޮސް އުޅެނީ ގޮހޮރުގެ ތެރޭގައެވެ
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ
ބުލިބުލި
ނ ބޯތަށްޓަށްވުރެ ފުންކޮށް ފުޅާމައްޗާ ދާދި އެއްވަރަކަށް ހުންނަ މަތިޖެހި ކަންވާރެއް
ބެކްޓީރީއާ
ނ ލޮލަށް ފެންނަ ވަރަށް ވުރެކުދި ދިރޭއެއްޗެހީގެ ބާވަތެއް މިބާވަތުގެ ބައެއް ވައްތަރުތައް ހިމެނެނީ ތަފާތު ބަލިތައް ޖައްސާ ޖަރާސީމުގެ ތެރޭގައެވެ އަނެއްބައި ވައްތަރުތަކަކީ އިންސާނުންނާއި ޙައިވާނުންގެ ހަޖަމުގެ ނިޡާމަށް ނުވަތަ ޗީޒްފަދަ ކާނާ ތައްޔާރުކުރުމަށް ނުވަތަ ގަސްގަހާގެހީގެ ކާނާ ހޯދުމުގެ ނިޡާމަށް ކޮންމެހެން ބޭނުންވާ ވައްތަރުތަކެކެވެ
ބޭނޑު
ނ ކަނޑުމަތީ ދޫންޏެއް. މިއީ ފިޔަގަނޑު ވަރަށް ތޫރިކޮށް ހުންނަ ދޫންޏެކެވެ. މިދޫނީގެ ފިޔައިގެ މަތީ ފަރާތާއި ބޮލާއި ކަނދުރާ މަތީގައި ހުންނާނީ ކަޅުކުލައާއި ގާތް ގަދަ މުށިކުލައެވެ. ބަނޑުދޮށް ހުންނާނީ ހުދުކުލައިގައެވެ. ފަޔާއި ތުނބުގައި ހުންނަނީ ކަޅުކުލައެވެ. މިދޫނީގެ ބޮޑުމިނަކީ ގާތްގަނޑަކަށް ފަނަރަ ނުވަތަ ސަތާރަ އިންޗިއެވެ
ބޭރުބަނޑަހަ
ނ އިހުޒަމާނުގައި ހަވަރުގެ ތެރޭން ބޮޑުމުސްކުޅި ބޭކަލަކު ނެތްވަރެއްނަމަ އެވަރަކަށް ކައްކާ ކެއްކުން ތަކުގެ ކަންތަކާއި ސިލޭހަބަތް ކެއްކުމާއި ކުދި ބޭކަލުންގެ ކޮއްތުގެ ކަންތައް ބަލަހައްޓައި މިކަންކަމުގެ ތަކެތި ރައްކާކުރާން ގަނޑުވަރު ތެރޭގައި ހުންނަ ބަނޑަހަ
ބޮނދު
ނ (1) ރާޒުވާކުޅިބައިގެވެރިކުޅި. (2) ކަނޑުމަތީގައި އުޅޭ ކުޑަވަރެއްގެ ދޫންޏެއް. މިދޫނީގެ ފިޔަހުންނާނީ ހަނިކޮށެވެ. ވަރަފަތް ތައް ހުންނަނީ ތޫރިކޮށެވެ. (3) މަޖާޒު: ރަނގަޅަށް ބޮޑުނުވެ ހުންނަމީހާ. (4) )ގ.( ލަނޑާ
ބޮނޑިބަތްބޮލި
ނ ބޮލީގެ ބާވަތެއް. މިއީ ދޮޅު އިންޗިއެއްހާ ބޮޑުމިނުގެ ތޮށިގަނޑު ވަރަށް ބޯކޮށް ހުންނަ ބޮއްޔެކެވެ މިބޮލީގެ ބުރިކަށިމަތި ހުންނަނީ ދޮންކުލައިގެ ތިކިތަކަކުން މާތަކެއް ޖަހައިފައި ހުންނަ ކަހަލަ ގޮތަކަށެވެ މިތިކިތައް ހުންނަގޮތުން ވައްތަރުވާނީ ކުދިބަތު ބޮނޑިބަތް ތައްޓަށް އަޅައިފައި ހުންނައިރު ފެންނަ ގޮތާއެވެ
ބޮންޑާފާނަ
ނ އޮޅުފާނައިގެ ބާވަތެއް. މިއީ އާދައިގެ ފާނައަށްވުރެ ބިޔަ ނިގޫފަތުގެ ކޮޅު އެއްވަރަކަށް ހުންނަ އަނގަ ބޮޑު ދަތްތޫނު ގަދަރަތްކުލައިގެ މަހެކެވެ. މަހުގެ ވަށައިގެން ގަދަ މުށިކުލައިން ކައިރިއެޅިފައި ހުންނަ ނޫކުލައިގެ ތިކިތަކެއް ހުރެއެވެ. އަދި ބުރިކަށިމަތީގައި ހުރަހަށްވާގޮތަށް ފުޅާ ދެތިން ގަޅި ހުރެއެވެ