radheef.info
ރަދީފު


އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
އުނގަށްއެޑުން
މ )ސ.( އަންހެންކުދީން ލިބާސްލައްވައިފައި އެކުއްޖަކުލައްވާ ލިބާހުގެ ފަސްބައިގައި ހިފަހައްޓުވައި އޭގެތެރެއަށް މައުމެލާމެލި މޭވާ މަސް ކާށި ބޮލި ރަންރިހި ފަދަ ތަކެތި އެޅުން
އުނގުރި
ނ (1) ފުޅީގެ އަނގަ ބަންދުކުރާން އޭގެ އަނގައި ތެރެޔަށް ބާރުކޮށް ޖަހާއެތި. މިލޯވަޅަށްވެސް ކިޔަނީ އުނގުރިއެވެ. (2) ބައެއް ލޯވަޅު ބައްދާން ނަގައި ޖެހޭނެހެން ވަގުތީ ގޮތުން ޖަހާ މުކޮޅު
އުރަވަޅި
ނ (1) ފިރިހެން ޖިންސުގެ ފޯކާއި އޭގެ ވަށައިގެން އޮންނަ ހަންގަނޑު (2) )ލ ( ފަސްބައި
އުޅިކޮށުން
މ އަނބުރައިފައި ހުންނަވައު ބައުވެގެން އޭގެ އުޅިތައް ތަންތަނުން ކެނޑިގެން ދިއުން
އުއްދަނޑިބުއިން
މ އުއްދަނޑި ހަފައިގެން އޭގެ ދިޔަ ބުއިން
އުވަވަޅުޖެހުން
މ ވަޅެއްކޮނެ އެއަށް ދަރުއަޅައި އޭގެމައްޗަށް ގައު އަޅައި އުވަދަވާން ތައްޔާރުކުރުން
އުފުލި
ނ (1) ކަންޖަށް އަޅާ އޮއްޓަރު (2) މަސްހިފާންގެންގުޅޭ ދިގުދަލުގެ މަތީކުރެވީގައި ހަރުކޮށްފައި ހުންނަ ލަކުޑިފޯލި މިލިޔެފައި ހުންނާނީ ބެރުއޮންޏެއްގެ ސިފައިގައެވެ (3) ދޯނިފަހަރު އަޅާއިރު އެއަޅާވައު އަޑިޔަށްގޮސް ގަލުގައި އެޅިދާނެތީވެ އުފުއްލާންއޭގައި އައްސާ ކަނދުގަނޑު
އެހެންނަ
އ (1) އާނއެކޭ ބުނާބުނުން ގަދަކުރާން ބުނާ ގޮތެއް. (2) "އާނއެކޭ ތިޔަހެންނޭ" ބުނުމުގެ މާނައިން ބުނާ އަކުރެއް. (3) "ތިޔަހެންނަކުން ނުވާނެއޭ" ބުނުމުގެ މާނައިންވެސް މިހެން ބުނެއެވެ. މިމާނަ ދޭހަވާނީ ބަސްބުނާ ރާގުންނާއި ބުނާ މަޤާމުންނެވެ
އެހެންޏަ
އ (1) އެހެންނަ. މިއީބަސް ގަދަކުރުމުގެ ގޮތުން އާނއެކޭ އާނދޮގޭ ތިޔަހެނެއް ނުވާނެއޭ ބުނުމުގެ ގޮތުން ބޭނުންކުރާ ބަހެކެވެ. މިމާނަތައް ދޭހަވާނީ ބުނާތަނުގެ ގޮތުންނާއި ބުނާރާގުންނެވެ
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެއްޗަކަށްހެދުން
މ (1) އެއްވެސް ކަމަކަށް ބޭނުން ނުހިފޭނޭހެން ހީވާ އެއްޗަކުން ބޭނުން ހިފާކަހަލަ އެއްޗެއް ހެދުން (2) އެއްވެސް ތަރުބިއްޔަތެއް ނެތި ހުރި މީހަކު ކޮންމެވެސް ކަމެއްގައި ބޭނުން ހިފޭނެގޮތް ހެދުން (3) ބޭނުމެއް ނުހިފިފައި ހުރި މީހަކު ކަމެއްގެ ތެރޭގައި ގެންގުޅޭން ފެށުން (4) މީހަކު އެއްވެސް މަޤްޞަދެއްނެތި ބުނެލި ބަހަކުން ނުވަތަ ކުރިކަމަކުން ރަނގަޅުގޮތުގައި ނުވަތަ ނުބައިގޮތުގައި އަނެކަކު އޭގެ ނަތީޖާ ނެރުން ނުވަތަ ނެރޭން އުޅުން
އެއްޗަކަށްވުން
މ (1) ބޭނުން ނުހިފޭކަހަލަ އެއްޗެއް ބޭނުން ހިފޭގޮތްވުން (2) ތަރުބިއްޔަތު ނުވެވޭނޭހެން ހީވާ މީހަކު ކަމެއްގައި ބޭނުން ހިފޭގޮތްވުން (3) ކަމުދިއުން (4) ކުޅަސަމާސާއެއް ވިހަވުން (5) މަޤްޞަދެއްނެތި ކުޅަކަމަކުން އޭގެ ފޮނި ނުވަތަ ހިތި ނަތީޖާ ފެނުން
އެވަރުވުން
މ (1) އެގޮތްވުން (2) އެހިސާބަށް ކަން ކުރެވުން މިސާލު: މީހަކު ތާކަށްގޮސް އުޅެއުޅެ އެއްކަމެއްވެސް ނުވެގެން އައިމާ އޭނާ ދެރަކޮށްލުމުގެ ގޮތުން "މަދިޔަނަމަވެސް އެވަރުވެއްޖައިހޭ" ބުނެއުޅެއެވެ ދެމީހަކު ދޫނުކޮށް ހިފަމުންގޮސް މާބޮޑަށް ވަރުބަލިވީމާ "އެވަރުވީއިރުވެސް ދުލެއް ނުކުރެއޭ" ބުނެއުޅެއެވެ
އެވެނިމިވެނި
ނއ ކަންތައްތަކެއްގެ ނުވަތަ އެއްޗެހިތަކެއްގެ މައްޗަށް އިޝާރާތްކޮށް ނަން ނުބުނެ އޭގެ ބަދަލުގައި ބުނާގޮތެއް. މިސާލަކަށް: އެވެނިމިވެނި ގޮތަށް އުޅޭ އެވެނިމިވެނި ކަންތައް ކުރޭ އެވެނިމިވެނި އެއްޗެހި ހޯދާ
އެމުނި
ނ (1) ދޮރުފޮތިގަނޑުފަދަ އެއްޗެހީގެ ކައިރިއަށް ނަނުލައްވާން މަޅައިފައި އޮންނަތަން (2) ރިޔަލުގެ ކައިރި މަޅައި އޭގެ ތެރެއަށް ލައްވައިފައި އޮންނަ ނަނުފަށް
އެތި
ނ (1) ޖިސްމާނީ ތަކެތި (2) ނަންނޭގޭ (3) އިންސާނުން ފިޔަވާދެން ހެއްދެވިހައި ތަކެތީގެ ތެރެއިން ކޮންމެ ވައްތަރަކަށް އޭގެ ނަމުން ނުބުނެ ކިޔާގޮތެއް
އެތީ
ނ )ތ ( (1) އޭނާ (2) މީހާ
އެތެރެވަރި
ނ (1) އަތޮޅެއްގެތެރެ (2) އޭޝިޔާ ސްވޭސްކެނެލްގެ އިރުމަތި
އޭތި
ނ (1) އެއެތި (2) ކަމުނުދާގޮތް މިސާލު: މި މިއޮތީ މުޅިން އޭތިވެފައެވެ
އޮށަނިމަލުހެދުން
ނ (1) ދެގެދޭތެރޭ މީހުންގެ ރަސްމީހެދުން މިހެދުމުގައި ހުންނާނީ މަތީ ފޭއްޔެއް އަނދެފައި އޭގެ މުށެއްހައި ތާމަތީގައި އަތްދުތް ހުންނަވަރަށް މީގެ އެހެން ފޭއްޔެއް އަނދެފައެވެ (2) ވިލާތު އަންހެނުން އަޅާ ހެދުމެއް މިހުންނާނީ ލިބާހަކަށްވުރެ ލިބާހެއް ކުރުވަމުން ގޮސް އެންމެ މަތީން އޮންނަލިބާސް އުނަގަނޑާ ހަމަޔަށް ހުންނަ ގޮތަށް ފެންނާނެ ހެންނެވެ