radheef.info
ރަދީފު


އެތި
ނ (1) ޖިސްމާނީ ތަކެތި (2) ނަންނޭގޭ (3) އިންސާނުން ފިޔަވާދެން ހެއްދެވިހައި ތަކެތީގެ ތެރެއިން ކޮންމެ ވައްތަރަކަށް އޭގެ ނަމުން ނުބުނެ ކިޔާގޮތެއް
ފަށުފޫ
ނ ކަރުގާ އަޅާ ފަށުގެ ފުލުގައި އޮންނަ އެތި
ފަށް
ނ (1) ރޮދި ރޯނު ކަންވާރުފަދަ އެއްޗެއްގެ ދިގު އެތިކޮޅެއް (2) ކަރުގައި އަޅަން މަޢުދަނީ ތަކެތިން ހަދައިފައި ހުންނަ ފަށްވަރު (3) ތަކުރާރުވާގޮތަށް ހިނގާ ކޮންމެ ކަމެއްގެ ފަހަރެއް (4) ފޮތި ފަދަ އެއްޗެހި މަޅައިފައި ހުންނައިރު އެއިން ބައެއް (5) ތަންތަނުގައި ނުވަތަ އެއްޗެހީގައި ތަފާތު ކުލައަކުން ހިމަދިގުކޮށް ފަވައިފައި ހުންނަ ފެވުން (6) އުޅި
ފަންސުރުޖަހާދަތި
ނ ތުނޑު ހުންނަގޮތަށް ފަންސުރުގެ ކޮޅު ފޭއްސަން ހަދައިފައި ހުންނަ އެތި
ސައްޕުޖެހުން
މ (1) ބޮނޑި ނުވަތަ ބަށިކުޅޭ އިރު ބާރަފޯލި ހަމަކޮށްފައި ޖަހާ ފޯލިޖެހުން (2) ފުޓްބޯޅަ ކުޅޭއިރު ގޯލުގައި ހުންނަމީހާ ބޯޅައަތުން ނަގައި ފައިން ޖަހައި ދުރަށް ފޮނުވައިލުން (3) މަޖާޒު: ސަމާސާގެ ގޮތުން ފޫކޮޅުގައި ކޮޅުފައިން އެތިފަހަރެއް ޖެހުން
ސަމުސާ
ނ ދިޔާ އެއްޗެހި ބުއިމަށާއި ބަތްފަދަ ތަކެތި ކެއުމަށް ބޭނުން ކުރާ އާލާތެއް މީގައި ހުންނަނީ ދަނޑިއެއް ލައިފައެވެ ކުރީކޮޅު ހުންނަނީ ފުޅާކޮށް ގޮނިކޮށެވެ ދަނޑިނުލާ ސަމުސާ ހުންނަނީ މުޅިއެތި ގޮނިކޮށެވެ
ފައިދޮށުންއެއްލުން
މ ކުޅި ޖަހާއިރު އެއްފައިގެ ދަށުން ބޮންތިގަނޑު އެއްލައި އެތިފަހަރެއް ޖެހުން
ފައިލު
ނ ސިޓީއާއި މެސެޖް ފަދަ ލިޔުން ފަހުން ބަލަން ބޭނުން ވުމުން ފަސޭހައިން ފެންނާނެހެން އަމުނާފައި ރައްކާ ކުރެވޭގޮތަށް ހަދައިފައި އޮންނައެތި
ފާހަގަކުރުން
މ (1) ވަކިތަނެއް ވަކިކޮށް ދެނެގަތުމަށްޓަކައި ނިޝާނެއް ޖެހުން (2) ތަންތާނގެ އިން ވަކިކުރުމަށް އެއްޗެހި ޖެހުން (3) ވަކިތަނެއް ދެނެގަތުމަށްޓަކައި ފޮތެއް ފަދަ އެއްޗަކަށް އެތިކޮޅެއްލުން (4) ވަކި ބޭނުމަކަށްޓަކައި ވަކިކަމަކަށް ނުވަތަ އެއްޗަކަށް ނުވަތަ މީހަކަށް ސަމާލުކަންދީ ހިތުގައި ބޭއްވުން (5) ވަކި ކަމެއްގެ ނުވަތަ ވަކި ދުވަހެއްގެ ހަނދާން ދިރުވުން
ފާހަގަކޮޅު
ނ ވަކިތަނެއް ދެނެގަތުމަށްޓަކައި ފޮތަށް ލާ އެތިކޮޅު
ފާހި
ނ (1) އެއްނަރު ފައްޓަރުގެ ދެކޮޅުގައި ހޮޅިކޮޅެއްހެން ހަދައި ބޮޅެއްލާފައި އޮންނަ އެތި (2) ނަނުފަދަ އެއްޗެހީގެ ކޮޅުގައި ދެއެއްޗެއް ގުޅުވުމަށް ހަދާފައި ހުންނަ މަޅި
ފާޅަގަނޑު
ނ (1) ކުނި ނަގަން ފާޅައިން ހަދާފައި ހުންނަ އެތި (2) ކުޑަކުދީން ބާއްވަން ފާޅައިން ހަދައިފައި ހުންނަ އެތި
ފުރޯވަޅު
ނ ރުއް ލަކުޑި ފަދަ އެއްޗެހީގައި ފުރޮއިންޖެހީމާ އެއެތި ގަނޑުން ކެނޑިފައި ހުންނަ ތަންތަން
ތޮށި
ނ (1) ރަށެއްގެ ވަށައިގެން ނުވަތަ ރަށުގެ އެއްފަރާތެއްގެ މޫދުތެރޭގައި ގަލުން ލެވިފައިވާ ނުވަތަ ލައިފައިވާ ފާރު (2) ފަރު (3) ގަސްގަހާއި މޭވާގެ ބޭރުގައި ހަރުކޮށް ހުންނަފަށަލަ (4) ބިސްއަޅާ ތަކެތި އަޅާ ބިހުގެ ބޭރުގައި ހަރުކޮށް އޮންނަބައި (5) ބައެއްމީހުންގެ ހަންރާޅުވުމުގެ ސަބަބުން ހުޅުނބުހެން ހަމުގައި ހެދިފައި ހުންނަ އެތިއެތިކޮޅު (6) ވެލަ އާއި އިއްސާއި ކަކުނިފަދަ ދިރޭ ތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި
ފާލު
ނ (1) ޣައިބުގައިވާ ކަންތައް އޮޅުން ފިލުވުމަށްކުރާ ކަންތައް (2) ސޯބު ފަދަ ތަކެތި އެނބުރުނަ ނުދިނުމަށް އެޅުވޭ ގޮތަށް ހަދައިފައި ހުންނަ އެތިކޮޅު (3) ބަޑި ގޮވިޔަ ނުދިނުމަށް އަޅުވާ ތަންޑު
ފިނދުވީދައިގެންކެއުން
މ (1) އެއްޗެއް ފިނދުދޮށަށްލައި ފޮރުވައިގެން އިދެ އެތިއެތި ކޮޅުން ކެއުން (2) މަޖާޒު: މީހަކަށް އުޖޫރައެއް ނެތި މަސައްކަތް ކޮށްދޭއިރު އަމިއްލަ އަތުން ޚަރަދުކޮށްގެން ކައިބޮއި ހެދުން
ފިނދުލުން
މ ތެލަނގަފަދަ ބައެއްގުޑީގެ ފުލުގައި ނަގުލެއްހެން ދިގުއެތިކޮޅުއްލުން
ފިނިހައް
ނ ތެތްފިނި ތަންތާނގައި އުޅޭ އެނބުރިފައިވާ ތޮށިގަނޑެއްގެ ތެރޭގައި އޮންނަ މަޑުން ދުވާ ސޫތްޕެއް މިއެތި ދުވަނީ އެތެރޭގައި އޮންނަ މަސްގަނޑުން ބައެއް ބޭރަށް ނެރެގެންނެވެ
ފިއްލެޔޮގުޅި
ނ ފިއްލެޔޮ އެޅުމަށް ބަދިގޭ ފުއްޑަނުގައި ބަހައްޓައިފައި ހުންނަ އެތި
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިލިޖެހުން
މ (1) ތާނައާއި ޢަރަބި ލިޔާއިރު އަކުރުގެ އަޑު ނެރޭނެގޮތް ދެއްކުމަށް އެ އަކުރުތަކުގެ ތިރީގައި ނުވަތަ މަތީގައި އަކުރަށް ވުރެ ކުޑަ ނިޝާނެއް )ފިލި( ޖެހުން (2) އަކުރުގެ އަޑު ނެރުމަށް އަކުރާ ގުޅައިފައި ހުންނަ ކުޑަ ނިޝާން ޖެހުން (3) އަކުރަކާޖެހިގެން ފިލިއަކުރެއް ލިއުން (4) ފިލިމަހުގެ އެތިއެތި ކޮޅު އުކުން މަޖާޒު: (5) ރިޝްވަތު ދިނުން (6) ކަމެއް ކުރުވުމަށް ބާރުއެޅުމަށް އެއްޗެހި ދިނުން