radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ނިލަމެހި
ނ އެމުގެ ބާވަތެއް މިއީ ރާއްޖޭގެ ފަޅުފަޅުގެ މުރަކަތަކާ ގާތަކުގައި ވަރަށް ގިނައިން އުޅޭ އެމެކެވެ މީގެ ކަންފަތްގަނޑު ބޮލަށްވުރެ ކުރުވާނެއެވެ މަހުގެ ނިގޫފަތުގެ ކޮޅު ހުންނަނީ ހިމަކޮށް އޫކޮށެވެ މަހުގެ ކުލައަކީ ފެހިނޫކުލައެކެވެ ދޮށީގެ މަސްވެރިކަމުގައި މިބާވަތުގެ އެން ވަރަށް ގިނައިން ބޭނުން ކުރަން ޖެހެއެވެ
ނިލަގަނޑު
ނ (1) ނިލަފަންގެ. (2) އޮޑިދޯނި ފަހަރުގެ ކުޑަ ހިޔާ ހަދަން ބޭނުންކުރާ ފަންގެ. މިއީ އޮޑިދޯނި ބައްތެލި ފަހަރުގެ ފަންހިޔަލުގެ ފުރާޅުމަތީގައި ފެތުރުމަށްޓަކާ ކަށިކޭލު ހޮޅުގެ ފަތިން ދެފަތިގަނޑު ދޭތެރޭގައި ކައިވަތެއްހާ ދުރުމިން ހުންނަވަރަށް ބަނޑުވަރުތަކެއްގައި އައްސައިއަމުނައިފައި އޮންނަ ފަތިތަކެކެވެ
ނިލޫބޮނދަ
ނ )ސ.( ލަނޑާ. ލަނޑާގެ ނޫކުލަގަދަ ވައްތަރު މިއީ އަނގައިގެ ދަތްގަނޑު ހަޑިކޮށް ހުންނަ މަހެކެވެ
ނިގާރަންފޮށި
ނ ދެއަތްގަނޑު ލައިފައި ހުންނަ ފޮއްޓެއް. މީގެ އެތައް ފޮއްޓެއް ހުރެއެވެ. މީގެ ތެރޭގައި ހުންނާނީ ކަޅުތިމަރަ ނޫނީ ހިލައަޅައިފައެވެ. މިފޮށި ބަހައްޓަނީ ނާފަހަރުގެ މެދުތެރޭގައެވެ. މިއީ ނާދުއްވާއިރު ރޯލުކުރިއަނުދިނުމަށް އަރުވާފޮށިތަކެކެވެ މިފޮށިތައް އަރުވަނީ ބަރުވާ ވަރަށް މުދާ ނުލިބި ދަތުރުކުރަން ޖެހުމުންނެވެ
ނިގޫހުދުކާޅު
ނ ކަނޑުކާޅު ޢާއިލާގެ މަހެއް މިއީ ފަތިކޮށް ހުންނަ ކުޑަ މަހެކެވެ މަހުގެ ކުލައަކީ ގަދަމުށިކުލައެވެ ނިގޫފަތުގެ ކުލައަކީ ހުދުކުލައެވެ
ނިޔަނދުރު
ނ ލުނބޮޔަށްވުރެ ތޮށިގަނޑުބޯ ތޮށިގަނޑުގައި ފިތްހުންނަ މެދުވަރު ފަޅޮލުގެ ބޮޑުމިނުގެ ހުތްމޭވާއެއް މިއީ ކާއިރުމީރު އެކަމަކު ފަހުން ހިތިރަހަލާ އެއްޗެކެވެ
ނީވާބަތް
ނ އިނގިއްޔެއްގެ ފަލަމިނުގައި ފޯލިކޮށް ވަށައި ކެޔޮފަތަށް ލައިފައި ހުންނަ ބޮނޑިބަތެއް މިއީ އިހުގައި ބޯފޮޅި ދުވަސް ދުވަހު ބޯފޮޅިޔާއެކު ގަނޑުވަރު ތެރެއިން މިސްކިތަށް ގެންދާބަތެކެވެ
ނީލަކޯރު
ނ މިޞުރުގެ ތެރެއިން ދެމިގެން މެދުތެރޭ ކަނޑަށް ހުޅުވިފައި އޮންނަ ކޯރެއް މިއީ ދުނިޔޭގެ އެންމެ ދިގު ކޯރުކަމަށް ބުނެވެއެވެ
ނުރަމަދިރި
ނ )ހ ( މަދިރީގެ ބާވަތެއް:މިއީ ހުދުތިއްތިއް ޖަހައިފައި ހުންނަ މަދިރިޔެކެވެ
ނޫ
ނ (1) ކުލައެއްގެނަން މިއީ ދުވާލު އުޑުމަތި ސާފުކޮށް އޮންނައިރު އުޑުމަތިން ފެންނަ ކުލައެކެވެ ނަންއިތުރެއްގެ ގޮތުގައިވެސް މިބަސް ބޭނުން ކުރެއެވެ މިސާލު: ނޫތަށި ނޫފޮތި (2) ވިއްސާރަ ދުނީގައި ހުންނަ ހަތްކުލައިގެ ތެރެއިން ފެއްސާ ވައިލެޓާ ދެމެދުގާ ހުންނަ ކުލަ (3) )މަލިކު( ފެހި
ނޫހިލަފާޖާރު
ނ ހިލަ ބިންބިމުގެ އާނުފަށަލައިން ނެގޭ މަޑުނޫކުލައިގެ މަޑު މަޢުދަނެއް ހިލައަށްވުރެ މީގެކީލި ހިމުންވާނެއެވެ މިއީ ވިހައިގެ ބޭހަށް ބޭނުންކުރާ އެއްޗެކެވެ
ނޫނޭ
އ )ޏ ސ ( ނޫނޭ )މިއީ ބަސްގަދަކުރުމަށް ބުނާބަހެކެވެ
ނޫކަށިމަސް
ނ )ޅ ( މޫދުގައި އުޅޭ މަހެއް މިމަހުގެ ނަގޫކޮޅުކައިރީގައި ދެއަރިމަތީގައި ބައި އިންޗި ހުންނަވަރުގެ ނޫކުލައިގެ ކައްޓެއް ހުރެއެވެ މިމަހުގެ އެތެރޭކަށިވެސް ހުންނާނީ ނޫކުލައިގައެވެ މިއީ ގުދަންމަހާ އިލިގަނޑު މަހުގެ ޢާއިލާގެ މަހެކެވެ
ނޫކާޅު
ނ ރާއްޖޭގެ ފަރުފަރުގެ މުރަކައާއި ގާތަކުގެ ތެރޭގައި ވަރަށް ގިނައިން އުޅޭ މަހެއް މޫދުމަސް ދިރުވައިގެން ގެންގުޅޭމީހުންގެ ގާތުގައި މިއީ ވަރަށް މަޝްހޫރު މަހެކެވެ މަހުގެ ބޮލުގެ ކުލައަކީ ކަލުކުލައެވެ ކޯތާފަތުގެ ކުލަ ހުދުވާނެއެވެ ހަށިގަނޑުގައި ހަންހުރި ހުރިހާ ހިސާބެއްގެ ކުލައަކީ ނޫކުލައެވެ ނަގޫފަތުގެ ކޮޅުގައްޔާ ބުޑުދަށުގައި ހުރަހަށް ކަލުކުލައިގެ ފުޅާ ދެރޮނގު ހުންނާނެއެވެ
ނޫމަދަރަކަ
ނ ބޭހަށްގެންގުޅޭ މަޢުދަނީ ވިހައެއްޗެއް މިއީ ނޫކުލައިގައި ހުންނަ އެއްޗެކެވެ
ނޫމަސް
ނ ރަތްމަހުގެ ޢާއިލާގެ މަހެއް މިއީ ދޮންނޫމަހާ ވަރަށް ވައްތަރު ސިފައެއް ހުންނަ މަހެކެވެ މަހުގެ ކުލައަކީ ގަދަނޫކުލައެވެ ބަޑުދަށްފަރާތް ހުންނަނީ ހުދު ކުލައެއްގައެވެ ކޮތަރިބައިތައް ހުންނަނީ ފަނޑުމުށިކުލައަކަށްދާ ރީނދޫ ކުލައެއްގައެވެ ނުވަތަ ހުދުކުލައެއްގައެވެ
ނޫމުގުރާން
ނ ބާވަތެއްގެއެމެއް މިއީ ބުރަކަށިމަތި ނޫކޮށް ހުންނަ މުގުރާމެކެވެ
ނޫޑުލިސް
ނ ބޭރުން ގެނެވޭ ޕެކެޓްކުރެވިފައިވާ ތައްޔާރީ ކާނާއެއް. މިހުންނަނީ ފަށްފަށަށެވެ. މިއީ ހޫނުފެނުގައި ފަސޭހައިން ރޯފިލާ ކާނާއެކެވެ
ރަންބޮލި
ނ )އ ( ރަންކުލައިގެ ކުޑަބޮއްޔެއް މިބޮލީގައި އެއްވެސް ކުރެހުމެއް ނުހުރެއެވެ މިއީވަރަށް އޮފުގަދަ ބޮއްޔެކެވެ ޢާންމުގޮތެއްގައި މިބޮލި އެންމެ ގިނައިން ފެންނާނީ އުރަފަށުގައި ހުންނަ ބިޔަގާތައް ނައްޓައިލާއިރު އެ ގާތަކުގެ ދަށުންނެވެ
ރަންކޮރަލި
ނ ކޮރަލީގެ ބާވަތެއް މިއީ ހުޅުނބުތައް ރަންކުލައިގައި ހުންނަ ބޮޑިމަސްކޮށް ހުންނަ މަހެކެވެ