radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ހިޖުރަ
ނ (1) ސަލާމާއި ޞަލަވާތްލެއްވި ރަސޫލު ﷲ ގެފާނު މައްކާ ދޫކުރައްވައިފައި މަދީނާގައި ހުންނަވާން ވަޑައިގަތް ވަޑައިގަތުން. (2) ތިމާގެ އަމިއްލަ ރަށް ދޫކޮށްފައި އެހެން ރަށަކަށް ވަޒަންވެރިވުމަށްދާ ދިއުން
ހިޖުރަކުރުން
މ ތިމާގެ އަމިއްލަ ރަށްދޫކޮށް އެހެން ރަށަކަށް ވަޒަންވެރިވާން ދިޔުން
ހީނލުން
މ ކުޑަކޮށް ދަތްފެންނަ ވަރަށް ހުނުން
ހީނސަމާސާކުރުން
މ (1) އުފާކޮށް ސަމާސާކުރުން (2) މަޖާޒު: ހިލޭފިރިހެނަކާ އަންހެނަކާ އެދުންވެރިކަމުގައި ހީނހީނފައި ސަމާސާކުރުން
ހީނާފަތްއުނގުޅުން
މ ހިމުންކޮށްފައި ހުންނަ ހީނާފަތް އަތްފައިގައި ހޭކުން
ހީނާފަތްއެޅުން
މ (1) ހިމުންކޮށްފައި ހުންނަ ހީނާފަތް އަތްފައިގައި އަޅައި ބަނުން މިކަންކޮށްއުޅެނީ ބޭހަށް ނުވަތަ ޒީނަތަށްޓަކައެވެ (2) މިފަތްމުގުރައިގެން ތުނބުޅި މަތިމަހުގައި އުނގުޅުން
ހީރަސްޖެހުން
މ ފޮތުގެ ގަނޑުތައް ނުވަތަ ގަނޑުތަކެއް އެއްކޮށް ހިފަހައްޓާން ބުރަކަށި ފަރާތުން ފެހުން ނުވަތަ ބަނުން ނުވަތަ ނަރުޖެހުން
ހީރި
ނ (1) ރޭގަނޑަށް ގޮވާ ކުޑަކުޑަ ފަންޏެއް މިއީ މައްޔިތެއްގެ ފުރާނަކަމަށް ބައެއް މީހުން ހީކޮށްއުޅުނެވެ (2) ފާތިހާ ފަނި
ހީރުވަހައި ގޮވުން
މ )ގ ( ކުއްލިއަކަށް ބިރުގަނެގެން ސިއްސައިގެންގޮސް ވަރަށް ބާރަށް ތޫލިކޮށް ބޭއިޚްތިޔާރުގައި ހަޅޭއްލެވުން
ހީވަނީ ބަނޑުފުރިއަރައިދާނެހެން
(މިސާލުބަހެއް) ދުވާވަހެއްގެ މީރުކަން ދޭހަކޮށް ދިނުމަށް ބުނެއުޅޭ ބަހެއް
ހީޓަރު
ނ އެއްޗެއް ނުވަތަ ތަނެއް ހޫނުކޮށް ބަހައްޓައިދޭ އާލަތެއް
ހުށިގެނޑި
ނ )ސ ( އެއްލަކުޑި ގަނޑަކުން ދެފައި ހުންނަގޮތަށް ހަދައިފައި ހުންނަ ތިރިގޮނޑި މިއީ އާއްމު ގޮތެއްގައި ބަދިގެދޮށުގައި ބޭނުންކޮށް އުޅޭ އެއްޗެކެވެ
ހުނގުމަސް
ނ ފަރުމަހުގެ ބާވަތެއް މިމަހުގެ އަނގަހުންނަނީ މަހުގެ މައްޗަށް ވާގޮތަށް ތެދަށެވެ މަހުގެ ކަރުތާފަތް ގަނޑުގެ ތިރީބައިގައި ރާޅުކަމެއް ހުރެއެވެ މަހުގެ ހަމުގައި ރާޅުކޮށް ހުންނަ ކުދި ހުޅުނބުތަކެއް ހުރެއެވެ ނަގޫފަތުގެ ދެކޮޅު ފަހަތަށް ދިގުކޮށް ހުރެއެވެ މިމަހުގެ ކުލައަކީ ރަތްކުލައެވެ
ހުނސްޖެހުން
މ ޒުވާބުކުރާމީހާ ދެރަކޮށްލާން "ހުނހ" މިއަޑުއިއްވުން
ހުނިބޮލި
ނ (1) ބިލެތްހުނި އަޅަން ހަދާފައިވާ އެއްޗެއް (2) ބޮލީގެ ބާވަތެއް މިއީ ހުދުކުލައާއި މުށިކުލައިގެ ރޮނގުތަކެއް ފާޅުކޮށް އެނގެންހުންނަ ބޮއްޔެކެވެ (3) )ސ ( ދޮންއަނގަ
ހުނިކޮންނަ ކަށި
ނ ބިލެތްހުނި ނަގާން އެއްކޮޅު ފަތިކޮށް ހަދައިފައި އޮންނަ ކައްޓެއް
ހުނިލުން
މ (1) ދުފާއިރު ބިލެތުގެކުޅިމަރާން ހުނިކޮޅެއް އަނގަޔަށްލުން (2) އުވަފުރާނައިގެން ނެގޭހިމުންބައި ފެނާއެއްކޮށް އޮލަކޮށް ގިރައި ތަންތާގައި ހޭކުން (3) ބައެއް ބާވަތުގެ ކާތަކެއްޗަށް ކާށިހުނި އެޅުން
ހުނިޖެހުން
މ (1) ބިލެތްގަނޑުގެ ހުނގުޅުގައި ހުނިކޮޅެއް ތަތްކުރުން (2) ވައްތައް ގާތްކޮށް ހުންނަ ކެޔޮގަނޑު ފަދަ ތަކެތި ގުނުމުގައި ބިލެތް ހުނިން ފާހަގަ ޖެހުން (3) މަޖާޒު: ވަކިފަރާތަކަށް ނުވަތަ ވަކި ސިފައަކަށް މީހަކު ޚާއްޞަކޮށްލުން
ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ހުންބަލާ ކަށިގަނޑު
ނ ހޫނުމިން ބެލުމަށްޓަކައި ބިއްލޫރިން ހިމަދިގުކޮށް ހަދާ އެތެރެއަށް ދިރޭރަހަ އަޅާ ބޭރުގައި ދަރަޖަތަކެއް ޖަހައިފައި ހުންނަ އާލާތެއް މީގެ އެއްކޮޅުގައި ދިރޭރަހަ ހަރުލާ ވަރަށް ފަލަކޮށް ހުންނަ ތަންކޮޅެއް ހުންނާނެއެވެ އެތެރޭގައި ވަރަށް ހިމަ ލޯވަޅެއް ހުރެ ހޫނުވުމުން އެލޯވަޅުން ދިރޭރަހަ ދަތުރުކުރާނެއެވެ ފިނިވާއިރަށް ފަލަތަނަށް ދިރޭރަހަތައް ފައިބާނެއެވެ