radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންމެރުން
މ ކުރަންއުޅޭ ކަމަކަށް ދަތިވާނެގޮތަށް ވާހަކަ ދެއްކުން
ކަންފަތުއުނގުރި
ނ ފަންކުރަފި
)ހަރުބަހެއް( ކަމެއްކުރަންޏާ ކަމަކަށްވާކަހަލަ ކަމެއް ކުރާށެވެ ބުނަން ބޭނުންކުރާ ބަހެއް: އާންމުކޮށް މިބަސް ބޭނުންކުރަނީ ނުބައިކަންކަމަށް ނިސްބަތްކޮށެވެ ކަންޏާ ކުޑަ ކާށްޓެއް ނުކާށެވެ
ކަރުދާސް
ނ (1) ގަސްގަހާއި ފައިބަރު ހުންނަ އެހެން ތަކެތިން ތައްޔާރުކޮށްފައި ހުންނަ ތުނިގަނޑު މިބޭނުން ކުރަނީ ލިޔާށާއި ކުރަހާށާއި ޗާޕުކުރާށެވެ (2) ސެމިނާ ފަދަ ބައްދަލުވުންތަކަށް ހުށަހެޅުމަށް ވަކި މައިގަނޑު ނަމެއްގެ މައްޗަށް ތައްޔާރުކޮށްފައިވާ ދިރާސާ
ކަބީލާ
ނ އޮޑިދޯނި ފަހަރު ބަނުމުގައި ދެލަކުޑިގަނޑު ހަރުކުރާންޖަހާ މަޢްދަނީ އިއްޔެއް މިހަރުކުރަނީ ވަސަރު ލައްވައި މަލަރުކޮށް ގެންނެވެ
ކަޅަންމަސް
ނ ފަރުމަހުގެ ބާވަތެއް މިއީ ތުން އޫކޮށް ހުންނަ ކަޅުކުލައިގެ މަހެކެވެ މިމަހުގެ ނަގޫފަތްކައިރީ ދެފަރާތު ކުރަގަނޑު ހުންނާނީ ތޫނު ކައްޓެއްގޮތަށް ދެފަރާތަށް ނުކުމެފައެވެ މިއީ ތެޔޮކަންގަދަ މަހެކެވެ މަސްގަނޑު ހުންނާނީ ހުދުކުލައިގަ އެވެ
ކަޅިހިއަބު
ނ ދެއެއްޗެއް ހިމުން ކުރަން އެކަތި އަނެކައްޗާއި ގާތްކޮށް އެކަތީގެ އަރިމަތި ހުންނަގޮތަށް އަނެކަތީގެ އަރިމަތި ހެދުމަށް ކަޅިހި އަޅާއިރު ދެއެތިގަނޑު ދޭތެރެ އެއްވަރު ކުރުމަށްޓަކައި ދެއެތިގަނޑު ދޭތެރެ ދުރުކުރުމަށް ދެއެތިގަނޑު ދޭތެރެއަށްޖަހާއަބު
ކަޅުހުއްތުމޭވާ
ނ މޭވާގެ ބާވަތެއް މިއީ ވަރަށް ފޮނި މީރު މޭވާއެކެވެ މިމޭވާގައި ކާން ބޭނުންކުރަނީ އެތެރޭގައި އޮންނަ އޮށްތަކުގެ ބޭރުގައި އޮންނަބައެވެ މިގިނައިން ބޭނުންކޮށް އުޅެނީ ފަނި ގިރުމަށެވެ
ކަޅުމަސް ހިބަރު
ނ ހިބަރުގެ ބާވަތެއް މިއީ އިސްކޮޅުން ބޮޑު ދިގު މަހެކެވެ މަހުގެ މަތީ ތުނބުގެ ކޮޅު ވަކިން ދިގުވެފައި ހިމައެވެ މަހުގެ ބުރަކަށިމަތީގައި ދެކޮތަރިބައި ހުރެއެވެ މަހުގެ ނިގޫކޮޅުގެ ދެފަރާތުގައި ދެކުރަގަނޑު ހުރެއެވެ
ކައްވާދު
ނ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރާތަން. (2) ބައެއްކަހަލަ ކަރުދާހުމަސައްކަތާއި ފެހުމުގެ ތެރޭގައި ފާހަގަކުރުމަށް ވީ އަކުރެއްހެން ކަނޑާލާތަންކޮޅު
ކައްވާދުކެނޑުން
މ (1) ވަޑާމުގެ މަސައްކަތުގައި ދެލަކުޑިގަނޑު ފައްތަރުކުރަން ނުވަތަ އެއްޗެއް އެތަނަކަށް ފައްތަން ކަނޑައި އަޑިކުރުން. (2) ބައެއްމަސައްކަތް ކުރާއިރު ފޮތިފަދަ އެއްޗެހީގައި ފާހަގަކުރުމަށް ވީ އަކުރެއްހެން ތަންކޮޅައް ކަނޑައިލުން (3) މަޖާޒު: ތުންފަތް އަނގައިގެތެރެއަށްލައި ލައްޕައިލުން
ކަވާ
ނ ބަލިމަޑުކަމެއް ފިލުވުމަށްޓަކައި ހަށިގަނޑުގެ ބޭރު ހަން ކުރަފަތަކުން ތަންތަންކޮޅުން ކަނޑައި ކަވާފުޅި ހިއްޕައިގެން ލޭނެރޭ ނެރުން
ކަވާޖެހުން
މ ކުރަފަތަކުން ޖަހައި ލޭކޮށައިލުމަށްފަހު އެތާނގެ ހަންގަނޑުގައި ކަވާފުޅި ހިއްޕައި ފުޅީގައި ހުންނަ ލޯވަޅުގައި އަނގަޖަހައި ނުބައިވެފައި ހުންނަ ލެޔާއި ނުބައި މާއްދާތައް ދަމައިގަތުން
ކަމަޅިމަތީ
ނއ (1) އައު (2) ބައުނުވާ ގިނައިން މިބަސް ބޭނުންކުރަނީ ފުރާދުއްވާ އެއްޗެއްސާއި އަންނައުނާ މެދުގައެވެ
ކަމުކާމު
ނ )ބދ ( މަޖިލީސް އެއްވެތިބޭތަން )އިހުގައި މަޖިލިސްކުރަން ގަނޑުވަރުގައި ތިބޭ އަށި
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކަފަހަނޑޫ
ނ ދަންޑެހެލު ބޭކަލުންނަށް ވީއްލިފައި ހުންނަ ކަލާސީ މީހާއަށާއި ހަވަރުގެ އެކިއެކި މަސައްކަތް ކުރަންވީމާ ދޮށިމޭނާ ބޭކަލަކު ބޮޑުބޭކަލުންނަށް އަންގާން ފޮނުއްވުމަށް ހުންނަ މީހާއަށް ދީއުޅުނު ބަނޑު ހަނޑޫ
ކަފަބުރު
ނ (1) ނޭފަތް ނުވަތަ ކަންފަތް ފަދަ ތަންތަން ސާފުކުރަން ކަފަކޮޅެއް އޮޅައިފައި އޮންނަ އިލޮށިކޮޅު ނުވަތަ ޕްލާސްޓިކްކޮޅު (2) މަޖާޒު: ތެމި ފޯވެފައި ހުރިމީހާ (3) )ސ ( ބުރަފަތިވިނަ
ކަތިރިޔާ
ނ އެއްކަނަށް ދިގުކޮށް ތިންކަނަށް ހުންނަރިޔާ ފަރުމާނުގައި ހަރުކުރަނީ މީގެއެންމެދިގު ކައިރިއެވެ