radheef.info
ރަދީފު


ކަޅު
ނއ (1) ބޮލާކީންޏާއި ދަރުދެލީގައި ހުންނަ ކުލަ (2) އަނދިރިކަންގަދަ (3) ކުލަ އަނދިރި
ކަސަބުތާކިހާ
ނ ކަސަބާއި ކަޅުކުލައިގެ ރޮދިން ކުރެހުން އުފެދޭގޮތަށް ވިޔެފައި ހުންނަ ތާކިހަލެއް
ކަސްބޯވަ
ނ ފައިތަކުގައި ކަށި ލޯލިތަކެއް ހުންނަ ކަޅުކުލައިގެ ކުޑަ ބޯވައެއް
ކަސްފާނަ
ނ ފާނައިގެ ބާވަތެއް މިއީ ބޮލާއި ހަށިގަނޑުގައި ގަދަކުލައެއްގެ ލައްތަކަކުން އެކިގޮތްގޮތަށް ކުރެހުން އެޅިފައި ހުންނަ މަހެކެވެ ކުދިކުދި ތިކިތަކެއް މުޅިމަހުގައި ހުރެއެވެ ނިގޫފަތުގެ ބުޑުދަށުގެ މަތީ ކައިރީގައި ކަޅުކުލައިގެ ލަފެއް ހުރެއެވެ ނިގޫފަތް ހުންނަނީ ވަށްކޮށެވެ މަހުގެ ކުލައަކީ ފަނޑު މުށިކުލައެވެ
ކަޓާރިބޮލި
ނ )މ ( ބޮލީގެބާވަތެއް މީގެތުންފަތުގެ އެތެރެކައިރި ހުންނާނީ ކަޅުކޮށްނެވެ ދެފަރާތުގެ އަރިމަތީގައި ކުރެހުމެއްހުރެއެވެ ބޮޑުމިނަކީ ގާތްގަނޑަކަށް 3 އިންޗި ނުވަތަ 2/1 2 އިންޗިއެވެ
ކާށިހިކާ
ނ ހިކާގެ ބާވަތެއް. މިމަހުގެ ކުލައަކީ ގުރާފެހި ކުލައެވެ މަހުގެ ހުރަހަށް ކަޅުކުލައިގެ ފުޅާ ހަރޮނގު ހުރެއެވެ މަހުގެ ބޮލުގައި ފިޔާތޮށިކުލައިގެ ކުރެހުންތަކެއް ހުރެއެވެ
ކާބޮލިއަރޮޅި
ނ ކަޅުރަތް ކުލައިގައި ހުންނަ ބޭރު އޮމާން ބޮޑެތި އަރޮޅި
ކާޅު
ނ (1) ކަޅު ކުލައިގެ ދޫންޏެވެ. މިއީ އިންސާނުން ކައިބޮއި އުޅޭ އެއްޗެއްސާއި ހަޑި ކުނި ބުންޏާއި ފުޅަ ތަކެތިވެސް ކައި އުޅޭ. ދަހި ލަދުކުޑަ އެއްޗެކެވެ. މީގެ ތުން ވަރުގަދަވެފައި ކަޅުވާނެއެވެ. ކާޅަކީ އެއްސިފައަކަށް ހަރަކާތްތެރިވެއުޅޭ އެކިއެކި ހިލަމަށްސިހޭ ހޭބަލާ ދޫންޏެކެވެ (2) ނއ މަޖާޖު: ލަދުކުޑަ (3) ބަނިޔާދަންކަން ނެތް
ކާޅުކޮވެލި
ނ ކަޅުކުލައިގައި ހުންނަ ކޮވެލި މިއީ ފިރިހެން ކޮވެއްޔެވެ
ކާފޫރުތޮޅި
ނ ކާފޫރުތޮޅި ގަހުގެ ވަކި. މިއީ ތިން އަރިޔަށް ފުއްޕުން ހުރެފައި މަޑު ބޯތޮށްޓެއްގެތެރޭގައި ތިންބަރިޔަށް ކުދިކުދި ކަޅުއޮށްތަކެއް ހުންނަ ކުޑަކުޑަ ތޮޅިޔެކެވެ. މިތޮޅިއަކީ ވަހާއި ރަހައިގައި އާވިގޮތް ހުންނަ މީރުއެއްޗެކެވެ. މިއީ ބޭހަށާއި ކާބާވަތްތަކުގެ ރަހަމީރުކުރަން ބޭނުންކުރާ އެއްޗެކެވެ
ކާލާ
ނ ތާސްބައިގެ ހަތަރު ރަނގައިން އެއް ރަނގަ މިއީ ޗިޅިޔާ ނޫން ކަޅުކުލައިގެ ރަނގައެވެ
ކިނބިހިނި
ނ ހިނީގެ ބާވަތެއް މިއީ ވަރަށް ވަސްގަދަ ކަޅުރަތްކުލައިގެ ހިންޏެކެވެ މިހިނި ވަރަށް ކުދިވާނެއެވެ
ކިރުޅި
ނ މަސްމަހާމެއްސާއި ދޫނިސޫފާސޫފީގައި ހުންނަ ކުލައެއް މިއީ ހުދުކުލައާއި ކަޅުކުލައިގެ ތަންތަންކޮޅު އެކުވެގެން ފެންނަ ގޮތެކެވެ
ކިރުފުންނަ
ނ ފުންނައިގެ ބާވަތެއް. މީގެ ކުލައަކީ ކިރުފެން ކުލައެވެ މީގައި ކަޅު ތިކިތަކެއް ހުންނާނެއެވެ
ކިސަމަޑި
ނ )ހ ( (1) ވަޅާއި ވެޔޮފަދަ ތަންތާނގެ އަޑީގައި ހެދޭ ކިސަޑު (2) ބޯވަޔާއި ބޯވަދިލަމަސް ދުއްވާލާ ކަޅުކުލައެއްގެ ކިލަނބު ގަނޑު
ކިޔެވެނި
ނ (1) ރަސްމީ ކިޔެވުންތައް ކިޔަވާން ދައުލަތުން ލައްވައިފައިވާ ޖަމާޢަތުގެ މީހެއް (2) )ރ ( ގިއުޅުފާޑަށް ހުންނަ ކަޅުކުލައިގެ މަހެއް
ކުނބުރު
ނ (1) ކަޅުރަތް ކުލައިގެ ފަތިކޮށް ވައްކޮށް ހުންނައޮށެއް. މީގެ މަދު ބޭހަށް ބޭނުންކުރެއެވެ. މިއީ ވެލެއްގައި އަޅާ އެއްޗެކެވެ. މިވެލުގެ ފަތް ހުންނަނީ ވަށްކޮށް ގޮނިކޮށެވެ. މިފަތް ބޯވާނެއެވެ. (2) ސިފައިންނާ މަގު ހިނގާމީހުން ފެން އަޅައިގެން ގެންގުޅޭ ވަށްކޮށް ފަތިކޮށް ހުންނަ ކަންވާރެއް (3) އިހުގައި ބަޑިބޭސް އަޅައިގެން ކަރައިން ގެންނަ ކަންވާރެއް (4) ފެންއަޅަން ގެންގުޅޭ ކަޅުމުށީގެ މުޑުކާ
ކުރަނގި
ނ ކަނޑުމަތީ ދޫންޏެއް މިއީ މާރަނގައިގެ ތެރޭގައި އުޅޭ މާރަނގައަށް ވުރެ ތަންކޮޅެއް ކުޑަ ދޫންޏެކެވެ ދޫނީގެ ކުލައަކީ ކަޅުއަޅިކުލައެވެ ބޮލުގެ ތަލަ ހުންނަނީ ހުދު އަޅިކުލައެއްގައެވެ މިއީ އައިނާ އަޅާ ދޫންޏެކެވެ
ކުރަފި
ނ ފައިދިގުކޮށް ފަތިކޮށް ހުންނަ ކަޅުރަތްކުލައިގެ އުދުހޭ ދިރޭ އެއްޗެއް. މީ ގޭތެރޭގައްޔާއި ގުދަންގުދަން ފަދަ ތަންތާނގައި އުޅޭ އެއްޗެކެވެ މީގެ ކިތަންމެ ބާވަތެއް ހުރެއެވެ
ކުރު
ނއ (1) ދިގުގެ އިދިކޮޅު. (2) ދިގުމިނުންމަދު. (3) ނ. މަސްކަނޑުގައި އުޅޭ ކުޑަ ކަޅު ދޫންޏެއް މީގެ ފިނދު ފަތުގައި ހުދުކުލައިގެ ބަންދެއް ހުރެއެވެ
ކުރުކުރު
ނ ފަލަމަޑީގެ ބާވަތެއް މިއީ މަތިވައް ފަތްހެން ފަތްހުންނަ ވެލެއްގެ ގޮނޑިއެކެވެ މީގެ ބޭރުހުންނަނީ ކަޅު މުށިކުލައެއްގައެވެ ތޮށިގަނޑުގައި ނަރުވާތަކެއް ފަޅައިފައިހުރެއެވެ މިވެލުގައި އަޅާ އެއްޗެއްސަށް ކިޔައި އުޅެނީ ކުރުކުރުކައްޓަލައެވެ އެ ހުންނަނީ ކުދި ކޮންނެވެ