radheef.info
ރަދީފު


ބަދަލު
ނ (1) މީހަކު ނެތްތާކު އެމީހަކު ކުރަންވާ ކަންތައް ކުރަންހުންނަ އަނެކަކު (2) އެކައްޗެއްގެ މަޤާމުގައި ބޭނުންކުރާ އަނެކަތި (3) އެއްޙާލަކުން އަނެއްޙާލަކަށް ފުރޮޅިގެންދާ ފުރޮޅުން
ބަދަލު
ނ ޝަރުޢީގޮތުން މީހަކު ބަލަން ޖެހޭ ޖެހުން
ގިޔަރު
ނ އެކިބާވަތުގެ އިންޖީނުގައި ހުންނަ އިންޖީނުގެ ހިނގުމާއި ފުރޮޅު ނުވަތަ ބުރަފައްޗާ ގުޅުވައިދޭ އެއްޗެހި މިބޭނުންކޮށްއުޅެނީ އިންޖީނުގެ ހިނގުމާއި އެއިންޖީނާއި ގުޅިފައި ހުންނަ ފުރޮޅު ނުވަތަ ބުރަފަތި ފަދަ އެއްޗެހީގެ ހިނގުމުގެ އަވަސް ލަސްކަމަށް ބަދަލު ގެނައުމަށެވެ
ގެންދިޔުން
މ (1) އެއްތަނުން އަނެއްތަނަށް މީހަކު ނުވަތަ އެއްޗެއް ބަދަލުކުރުން (2) ދިޔުން މިބަސް ކުރުވުމުގެ މާނައިގައި ބޭނުންކުރާގޮތް
ގޮނެއްދިނިއްޔާވައްޓެއް
ގބ )މުސްކުޅިބަހެއް( (1) މީހަކު ހަދިޔާއެއް ދީފިނަމަ އޭގެ ބަދަލުގައި ދޭންވާނީ އެއަށްވުރެ ރަނގަޅު އެއްޗެއްކަން އަންގައި ދިނުމުގެ ގޮތުން ބުނެއުޅޭބަހެއް. (2) މީހަކު ހެޔޮކަމެއް ކޮށްދީފިނަމަ އެއަށްވުރެ ބޮޑު ހެޔޮކަމެއް ކޮށްދޭންވާނެކަން އަންގައިދިނުމުގެ ގޮތުން ބުނެއުޅޭބަހެއް
ގޮއްޔެ
ނ އަންހެނުންނަށް ކިޔާ ބަދަލުނަމެއް
ގޮތްގޮތްވުން
މ (1) އެގޮތްމިގޮތްވުން (2) ތަފާތުގޮތްގޮތަށް ބަދަލުވުން
ސައްބުލަނގިރި
ނ ފާޑުފާޑުގެ ހެއްވާ ހެދުންތަކެއް އަޅައިގެން ބެރުގެ ބަދަލުގައި ޓައްޕު ޖަހަމުން ލޮއްބޭގެ ލަވަކިޔަމުން ލަކުޑިން ލިޔެފައި އޮންނަ ކުރަޔަކުން އެސްފީނާޔަށް ފެންއަޅާގޮތަށް ދައްކަމުން ކުޅުނު ހެއްވާ ކުޅިވަރެއް މި ކުޅިވަރު ކުޅުނީ ގަލޮޅުގެ ބަޔެކެވެ
ސަޒާ
ނ (1) ދެވޭ ނުވަތަ ލިބޭ އަދަބު (2) ނުބައި ކަމަކަށް ލިބޭ ބަދަލު
ސިކަންދަރު
ނ (1) ދުނިޔޭގެ މަޝްހޫރު ހަނގުރާމަވެރި ފާތިޙުންގެ ތެރެއިން އެއްބޭފުޅެއްގެ ނަންފުޅު މީނާ ދުނިޔޭގައި އުޅުއްވީ އީސާގެފާނު ދުނިޔެއަށް ވަޑައިގަތުމުގެ ކުރިން 323 ން 653 އަށެވެ މިޞްރުގެ އިސްކަންދަރިއްޔާ ބިނާކުރެއްވީ އޭނާއެވެ އަވަހާރަވީ ޢިރާޤުގެ ބާބިލްގައި ގަދަ ހުންފުޅެއްގައެވެ (2) ބެރު ވާންކުރުމަށްޓަކައި ޓިނބުލީގެ ބަދަލުގައި ނަނުން ފުރާފުރުމެއް
ސުނޯ
ނ (1) ވައިގައި ހުންނަތެތްކަން ފިނިކަމުގެ ސަބަބުން ގަނޑުވެގެން އުފެދޭ އެތިއެތިކޮޅު މިހުންނަނީ ހުދުކޮށެވެ ކަފަހާ ލުއިކޮށެވެ )ވައިގައި ހުންނަ ތެތްކަން މިގޮތަށް ބަދަލުވަނީ ސުންދަރަޖަ ސެލްސިއަސް 0 ދަރަޖަ ގައެވެ ( (2) މަޖާޒު: ސުނޯއާއި ވައްތަރު އެއްޗެއްސާ މެދު ބުނެއުޅޭ ގޮތެއް (3) މޫނުގައި އުނގުޅަން ތައްޔާރު ކޮށްފައި ހުންނަ ބާވަތެއްގެ ކްރީމެއް
ސޮރު
ނ ފިރިހެނުންނަށް ކިޔާ ބަދަލު ނަމެއް
ޑެޕިޔުޓީ
ނ (1) ނާއިބު (2) ވެރިޔާ ނެތްނަމަ ވެރިޔާގެ ބަދަލުގައި އެތަނެއް ހިންގަން ހުންނަމީހާ
ޖަޒާ
ނ (1) އަދަބު (2) ކަމަކަށް މާތްﷲ ދެއްވާ ބަދަލު
ޙުޒާމު
ނ ރަސްކަމަސް ކޮލިލާ ދުވަހު ރަދުން ރަސްމީ ހެދުންކޮޅު ތުރުކުރައްވާއިރު އަބާކޮޅުންގެ އެތެރޭން ކަމަރުކޮޅުގެ ބަދަލުގައި ބަންނަވާ ފޮތިކޮޅި
ޚުއްފުގައިފުހުން
މ ވުޟޫކުރާއިރު ދެފައިތިލަ ދޮވުމުގެ ބަދަލުގައި ޚުއްފުގައި ފެންހޭކުން
ޤިޞާޞު
ނ ޙައްޤަކާ ނުލައި ފުރާނައަށް ނުވަތަ ހަށިގަނޑަށް ގެއްލުމެއް ދިނުމުގެ ސަބަބުން ހިފަންޖެހޭ ޙައްޤު ބަދަލު
ޤިޞާޞު ހިފުން
މ (1) ބަދަލަށް ބަދަލު ހިފުން (2) މަރަށްމަރު ހިފުން
ޝުކުރު
ނ ކޮށްދޭ ހެޔޮކަމެއްގެ ބަދަލުގައި ހިތުގައި އުފެދޭ ހެޔޮ އެދުމާއި އިޚުލާސްތެރިކަމުގެ ޝުޢޫރު ފާޅުކުރާ ފާޅުކުރުން
ޝުކުރުއަދާކުރުން
މ ކަމެއްގެ ބަދަލުގައި ހިތުގައި އުފެދޭ ހެޔޮއެދުމާއި އިޚްލާޞްތެރިކަމުގެ ޝުޢޫރު ފާޅުކުރުން