radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ހުދުރުވާ
ނ ރުވާގަހުގެ ބާވަތެއް މީގެ މަލާއި ތަނޑު ހުންނާނީ ހުދުކުލައިގައެވެ
ހުދުރޮނޑު
ނ ރޮނޑުގެ ބާވަތެއް މިރޮނޑުގެ ހަށިގަނޑު ހުންނަނީ ހުދުކުލައިގައި ވަރަށް އޮފުގަދަކޮށެވެ ހަންގަނޑުގެ ކޮތަރިން ތިރިއަށްހުންނާނީ ހުދުކަލައެވެ ބޮލާހަށިގަނޑާ ގުޅުނު ހިސާބުގައި ހުރަހަށް ކަޅުކުލައިގެ 2 ރޮނގު ހުންނާނެއެވެ ބުރަކަށީގެ މަތީ ކޮތަރިބައި ފެށޭހިސާބުގައި ކަޅުކުލައިގެ ކައްޓެއް ހުންނާނެއެވެ
ހުދުއުއްދަނޑި
ނ އުއްދަނޑީގެ އެންމެމޮޅު ބާވަތް މީގެ ބޭރު ހުންނަނީ މަޑުފެހި ކުލައެއްގައެވެ
ހުދުއޮށަނި
ނ އޮށަނީގެ ހުދުވައްތަރު
ހުދުފުށް
ނ (1) ހުދުކުލައިގެ ފުށް (2) ބަނޑުފުށް މިބަސްގިނައިން ކިޔައިއުޅެނީ މަސްމަހާމެހީގެ ބަނޑުފުށަށެވެ
ހުދުލައްފާނަ
ނ ފާނައިގެބާވަތެއް މިމަހުގެބޮލުގެ ދިގުމިން ހަށިގަނޑު ގެއެންމެ ފުޅާ ހިސާބަށްވުރެ ދިގުވާނެއެވެ މަހުގެ ބޮލުމަތިންދެ ލޮލުގެ ދޭތެރެ ހުންނަނީ އެއްވަރަކަށް ފަތާ ކޮށެވެ މަހުގެ ކަރުތާފަތުގެ ކޮޅުހުންނާނީ ކޮޅަށް އޫކޮށެވެ އަދި ކަރުތާފަތުގެ މަތީބައި ހުންނަނީ ވަރަށް ތެދަށެވެ މިމަހުގެ ކުލައަކީ ކަޅުކުލައަކަށް ދާ ގަދަމުށިކުލައެވެ މަހުގެ ބޮލުގައްޔާއި ހަށިގަނޑުގައި ހުދުކުލައިގެ ލައްތަކެއް ވަރަށްފާޅުކޮށް ފެންނަން ހުރެއެވެ
ހުދެންމަސްދަރި
ނ )ހ.( އެމުގެ ބާވަތެއް. މިއީ ބުރަކަށި މަތީގެ ކޮތަރިބައި މަޑުނޫކުލައެއް ހުރެފައި ބަނޑުދައްފަރާތް ހުދުކުލައިގައި ހުންނަ 2 އިންޗިވަރުގެ ކުދިއެމެކެވެ. މިގިނައިން ހުންނަނީ އެންދަމާއިރު އެންތަކުގެ ތެރޭގައެވެ. މިގިނައިން ހުރެއްޖެނަމަ މަސްވެރިކަން ވަރަށް ރަނގަޅުވާނެއެވެ
ހުތްމަސްކާށި
ނ ލައިގެން ކާއެއްޗެއް. މިހަދަނީ ކިހައް ހިކިމަސް ކާށި ފިޔާ ހުތް މިރުސް ލޮނު މިތަކެތި ލައިގެންނެވެ
ހުތްތެޔޮ
ނ ރާހުތް އަޅައިގެން ހަދާ ވައިތެލެއް މިތެޔޮ އުނގުޅަނީ ތަންތަން ޅައި ކުރާށެވެ
ހުލި
ނ (1) ގަސްގަހުގައިއަޅާ އާދައާއި ޚިލާފަށްކުދިވެ ބޭނުންނުހިފޭގޮތްވެފައި ހުންނަވައް. (2) މަދުނުހުންނައޮށް. (3) ގަސްގަހުގައި އަޅާއެއްޗެތި ފުރިހަމަވާއިރު އެއަށްލިބޭންވީ ސިފަ އުނިވެފައިވާ ބާވަތް. (4) އެނދުމުގެ ސަބަބުން ނެތިގެންދާ ދިއުން. (5) ހުދުކާފޫރާއި ކަރުބޮލަކު ފަދަތަކެތި އާތްވަށްވެގެންދާ ދިއުން. (6) ލޮނުމެދު ކާފޫރުތޮޅި ފަދަތަކެތި ހިކެމުން ކުޑަވަމުންދާ ދިއުން. (7) މަޖާޒު: ވިޔަފާރީގައި ގެއްލުންވަމުންދާ ދިއުން. (8) ނއ. ހިމަ ކަމީނާ ކުޑަ މިބަސްބޭނުންކުރަނީ ފުރާނަހުރި ތަކެއްޗާ މެދުގައެވެ
ހުލިވުން
މ (1) ގަސްގަހުގައިއަޅާ މޭވާ ފަދަ ތަކެތި އާދަޔާ ޚިލާފަށް ކުދިވެ ބޭނުން ހިފޭގޮތް ނުވުން. (2) މަދުހުންނަ އޮށުގައި މަދުނެތުން. (3) ގަސްގަހުގައި އަޅާއެއްޗެތި ފުރިހަމަވާއިރު އެއަށް ލިބޭންވީ ސިފަ އުނިވެފައިވުން. (4) އެނދުމުގެ ސަބަބުން ނެތިގެން ދިއުން. (5) ހުދުކާފޫރާއި ކަރުބޮލަކުފަދަ ތަކެތި އާތްވަށް ވެގެން ދިއުން. (6) ލޮނުމެދު ކާފޫރުތޮޅިފަދަ ތަކެތި ކުޑަވަމުން ދިއުން. މަޖާޒު: (7) ވިޔަފާރީގައި ގެއްލުންވަމުން ދިއުން. (8) ނއ. ހިމަ ކަމީނާ ކުޑަ މިބަސްބޭނުން ކުރަނީ ފުރާނަހުރި ތަކެއްޗާ މެދުގައެވެ
ހުސްނުހީނާ
ނ މީރުވަސްދުވާ މަލެއް އަޅާގަހެއް މިއީ ވާކޮށްފެތުރި ހެދޭގަހެކެވެ މިއީ ފަތްގިނަ ގަހެކެވެ މާހުންނާނީ މަޑުފެހިކުލައިގައި ކޯޅިކޯޅިއަށެވެ މިމާހުންނާނީ ކުޑަކޮށް ހިމަދިގުކޮށެވެ މީގެ މަލުގައި ހުންނަނީ ފަސް ފިޔައެވެ މިގަހުގައި އަޅާމާ ހަތްފަހަރަށް ފޮޅެއެވެ
ހުސްގަޔާ
ނއ ގަޔަށް އެއްޗެއް ނުލައި މިބަސްބޭނުންކުރަނީ ފިރިހެނުންނަށް ނިސްބަތްކޮށެވެ
ހުޑުލި
ނ )ސ.( މަހުގެ ނިގުލުގައި ތިއްކެއްހުންނަ ލަނޑަޔާވައްތަރު މަހެއް މިއުޅޭނީ ދޮންފަޅު ފަޅުގައެވެ
ހުޑޫ
ނ )ސ ( ފިލޮޅު ޒާތުގެ މަހެއް މީގެ ނަގޫފަތުގައި ލަފެއް ހުންނާނެއެވެ މިމަހުގައިވަރަށް ބޯކޮށް ހުޅުބުހުންނާނެއެވެ މިމަސް ހުންނަނީ ހުދުކުލައެއްގައެވެ
ހޫނ
އ (1) އާނ (2) ތިޔަކުރާ ކަންތައް އެނގިއްޖެޔޭ ބުނުމުގެ މާނައިގާ ބުނާ ބަހެއް މިބަސް ގިނައިން ބޭނުންކޮށް އުޅެނީ "ހޫނ ހޫނ" މިހެންނެވެ
ހޫނި
ނ )ޏ ( ކާށިގަބުޅިފަދަތަކެތި ހުނިގޮނޑި ފަދައެއްޗަކުން ގޭނީމާ ނުކުންނަކުނޑި
ހޫނު
ނ (1) ފިނީގެއިދިކޮޅު (2) އަލިފާނާއި ކައިރިވީމާ ކުރާއަސަރު (3) އަވީގައި ހުރީމާ ހަށިގަނޑަށް ކުރާ އަސަރު (4) )ގ ( ކާށިހުނި މަޖާޒު: (5) ރުޅި (6) ފޯރިގަދަ (7) ގަދަޒުވާބު
ހޫނުކަން
ނއނ (1) ފިނީގެ އިދިކޮޅުކަން (2) އަލިފާނާއި ކައިރިވީމާ ހޫނުގެ އަސަރުކުރާކަން (3) އަވީގައި ހުރީމާ ހަށިގަނޑަށް ހޫނުގެ އަސަރުކުރާކަން މަޖާޒު: (4) ރުޅީގެ އަސަރުހުރިކަން މިސާލު: މިއަދުގެ މެޗު ހުއްޓާލީ މާބޮޑަށް މެޗު ހޫނުވުމުގެ ސަބަބުންނެވެ (5) ފޯރިގަދަކަން (6) ގަދަ ޒުވާބުކުރާކަން
ހެހެލުން
މ ހެހުން މިބަހުގެ މާނަ ލުއިކުރުމަށް ބުނެއުޅޭ ގޮތެއް މިސާލު: "މިކާށި ހެހެލާދީ" މިހެން ބުނެފިނަމަ އެއީ އާދޭހުގެ މާނަޔާއެކުގައި ބަސް ލުއިކޮށްލަނީ އެވެ