radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ހަތާ
ނ (1) މޫދުގައި ތުނިކޮށް ފަތިކޮށް ފެތުރި ހެދޭ ގައު (2) ތުނިގައު ފޮތި ފޮތި (3) ކުޅަނދުރު އުޅޭން އެ އެއްޗިހި ހަދާގެ (4) ދިރޭއެއްޗެއްގައި ދިރުންހުންނަ އެންމެ ކުޑަބައި ހުރިހާ ދިރޭއެއްޗެހި އެއެއްޗަކުން އުފެދިގެންވާ އަސާސީމާއްދާ މައިކްރޯބްފަދަ ސާދާ ދިރޭއެއްޗެހި އުފެދިފައިވަނީ އެންމެ ހަތަޔަކުންނެވެ އިންސާނުންފަދަ އޮޅުން ބޮޅުން ބޮޑުއެއްޗެހި އުފެދިގެންވަނީ އެތައް މިލިޔަން ހަތާތަކަކުންނެވެ
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ހަތި
ނ (1) ފީވެފައިހުންނަ ރުއްބުޑުން ފަޅާ ފަށަލަ ފަށަލައަށް ހުންނަ ހުދު ރީނދޫ ކުލައިގެ ގަދަކަންފަތް ތެތް ލަކުޑި ގަނޑެއް ހިކެމުން އަންނަ އިރުވެސް މިކަހަލައެއްޗިހި ފަޅައެވެ (2) މޫދުން ފަޅައިފައި ހުންނަ ބާވަތެއްގެ ގަލެއް
ހަތިފަށް
ނ (1) ބައެއް ޒާތުގެ ކެޔޮޅުކަމުގޮސް ނަނު ނުވަތަ ހެތުރު ފައްތައިފައި އޭގައިޖަހާ ހިމަ އެތިފަށް މިހުންނާނީ ދޯނިން ބޭރަށް ދަނޑިބުރިއެއް ދިއްކޮށްފައި އޭގައި އެއްކޮޅު ބައްދައިފައި އަނެއްކޮޅު ހެތުރުގައި ބައްދައިފައެވެ (2) ރޯނުގަނޑެއްގެ އެއްކޮޅު ބޮޑުގަލެއް ނުވަތަ ތުން ބަނދެފައި އޮންނަ ވެލިގޯންޏެއްގައި ބައްދައި އަނެއްކޮޅު ދޯނިއަޅާ ވަލުގައި ބައްދާ އެތިފަށް
ހަތޭލިކަށި
ނ ނާފަހަރުގެ ރިޔަލާއި ސަތަރިއާއި ގޯނިފަދަތަކެތި ފަހަން ގެންގުލޭ ފަގަ ހުންނަ ކައްޓެއް މީގެ ތުނޑަށްވީކޮޅު އޮންނާނީ ތިން އަރިއަށް ވާގޮތަށް ކުޑަކޮށް ފަތާކޮށެވެ ތުނޑު ހުންނާނީ ކުޑަގޮތަކަށް މައްޗަށް ޅެނބިފައެވެ
ހަތް
ނ (1) ރަސްކަމުގެ ޢިއްޒަތަށްޓަކައި ގެންގުޅޭ މަތިހަމަޔަށް ހުންނަ ހުދުކުލައިގެ ވިހޭފަށްލީ ކުޑައެއް (2) ރަސްކަމަށް ކޮލިލާ ދުވަހު ހަތަރު އަވަށު މައިޒާން ދޮށުގަޔާ ގުޅަކުޅޭފަސްގަނޑުގައި ހަތަރު ކޮށީންމެ ޖަހާ ކުޅިއެއް މިކުޅިޖަހާނީ އިސްދަރިވަރުންގެ ތެރޭގައި ތިބި ކޮށީގެ އެދުރުކަމާއި އެންމެ ގާތް މީހުންގެ ތެރެއިން ދެމީހެކެވެ (3) ނއ ގުނުމުގެ ހަތްވަނަ ޢަދަދުގެ ނަން އިތުރު މިސާލު: )ހ( ހަތްދުވަސް )ށ( ހަތްބިން )ނ( ހަތްސާއަތް
ހަތްބަހައްޓާދޮރާށި
ނ ގަނޑުވަރުތެރޭގައި ހުންނަ ޚާއްޞަ ދޮރާއްޓެއް ރަސްކަލަކު ރަސްމީ ޢިއްޒަތުގައި ކޮއިލުތެރޭން ނުކުމެ ވަޑައިގަތުމަށްފަހު އަނބުރާ ކޮއިލު ތެރެއަށް ވަޑައިގަންނަވާއިރު މިދޮރާއްޓާ ހަމަވުމުން ހަތްކޮޅުތައް ހިފައިގެން ތިބޭ މީހުން ކިއެވެނި ބޭކަލުންގެ އަށީގެ ފާރުން އަޑިކޮށްލެވިފައިވާ ތަނެއްގައި ހަތްކޮޅު ބަހައްޓާތީ މިދޮރާށްޓަށް މިނަން ނިސްބަތްވެފައިވަނީއެވެ
ހަތްބިންފާޅަ
ނ ތިރިކޮށްހެދޭ ވިނައެއް މިހުންނަނީ ކުންނާރު އޮށުން ގަސްފަޅާއިރު އެގަސް ހުންނަ ގޮތަށެވެ
ހަތްބޯރާހި
ނ ހަތްބޯ ހުންނަކަމަށް ހީކުރާ ޚިޔާލީ ފުރޭތައެއް
ހަތްކޮޅު
ނ ބޮޑުކުޑައަކާ ވައްތަރު ގޮތަކަށް ވަށައި ކައިރީގައި ވިހޭފަށެއްލައިފައި ހަދައިފައި ހުންނަ އެއްޗެއް މިއީ އިހުގައި ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުން ބައެއްކަހަލަ ރަސްމީ ޢިއްޒަތުގައި ކަންކަމަށް ނުކުމެވަޑައިގަންނަވާއިރު އެބޭފުޅުންގެ އިސްތަށިފުޅަށް ނަގާ އުޅުނު އެއްޗެކެވެ
ހަތްކޮޑިކޮޑިކާލި
ނ ރަސްކަމަށް ކޮލިލާދުވަހު ކޮއްޔާއެކުގައި ގެންދާ އެއްޗެއް މިހުންނާނީ ތިރިނުބައްދާ ހުންނަ ލަންޓަނެއްގެ ސިފައިގައި ދިގު ދަނޑިއެއްގައި ލާފައެވެ
ހަތްއަޖައިބު
ނ ގަދީމީ ޒަމާނުގައި މީހުން ކޮށްފައިވާ ބިނާތަކާއި ހަދައިފައިވާ ތަކެތީގެ ތެރެއިން އާދަޔާ ޚިލާފުކަމަށް ފާހަގަކޮށްލެވޭ ބައެއް ތަންތަނަށާއި ތަކެއްޗަށް ކިޔާނަމެއް. މިތަންތަނާއި ތަކެއްޗާމެދު އެކި މީހުންގެ ޚިޔާލު ތަފާތެވެ. މިތާނގައި މި ފާހަގަކުރާ ތަންތަނާއި ތަކެތި އެންމެ ފުރަތަމަ ފާހަގަކުރީ ޢީސާގެފާނުގެ 052 އަހަރުކުރިން ޞައިދާގެ )މިހާރުގެ ލުބުނާނުގެ ދެކުނު ރަށެއް( އެއްޓިޕޭޓަރއެވެ. (1) މިޞްރުގެ ޖީޒާގައިވާ އަހުރާމުތައް. މިތިން އަހްރާމްތެރޭގައި ހިމެނޭ އެންމެ ބޮޑު އަހްރާމަކީ ޢީސާގެފާނުގެ 0052 އަހަރު ކުރިން ބިނާކުރެވުނު ޚޫފޫއަހްރާމެވެ. މިއަހްރާމުގެ އުސްމިނަކީ 084 ފޫޓު 11 އިންޗިއެވެ. ހެދިފައިވަނީ 000 003 2 ހިލައިންނެވެ ކޮންމެ ހިލައެއްގައި 2/12 ޓަނުގެ ބަރުދަން ހުރެއެވެ ހަތްއަޖައިބުގެ ތެރެއިން ހަލާކުނުވެ މިވަގުތަށް ހުރީ ހަމައެކަނި އަޙްރާމުތަކެވެ (2) ޢިރާޤުގެ ބާބިލް ސަހަރުގައި އޮތ ްސެމިރާމިސްގެ އެލިފައިވާ ބަގީޗާ މިތަން ހެދިފައިވަނީ ޢީސާގެފާނުގެ 006 އަހަރުކުރިންނެވެ (3) ގްރީސްގެ އޮލިމްޕިޔާ ސަހަރުގައި ހުރި ޒިއަސްގެ 04 ފޫޓޫގެ އުސް ބުދު މި ބުދު ހެދިފައިވަނީ ޢީސާގެފާޏުގެ ފަސްވަނަ ސައްތައިގައި ރަނާއި އެތުދަތާއި މަރުމަރު ހިލައިންނެވެ (4) ކްލޯސަސް އޮފްރޯޑްސްގެ ނަމުން މަޝްހޫރުވެފައިވާ ހިލިއޫސް )ނުވަތަ އެޕޯލޯ( ގެ ބުދު 711 ފޫޓުގެ އުސް މިބުދު ހެދިފައިވަނީ ޢީސާގެފާނުގެ 082 އަހަރުކުރިންނެވެ މި ބުދު ހަދައިފައިވަނީ ލޮއިންނެވެ (5) އާޓިމިސްގެ ފައްޅި: މިތަން ބިނާކުރެވުނީ ޢީސާގެފާނުގެ 053 އަހަރުކުރިން )މިހާރުގެ ތުރުކީވިލާތުގެ( އިޕިސަސް ސަހަރުގައެވެ (6) މަޔޭ ސޯލަސް ދުރަސްގެފާނުގެ މަޤްބަރާ: 331 ފޫޓުގެ އުސް މި މަޤްބަރާ ހެދުނީ ޢީސާގެފާނުގެ 253 އަހަރުކުރިން )މިހާރުގެ ތުރުކީގެ( ހެލިކާރުނާސަސްގައެވެ (7) އިސްކަންދަރިއްޔާ ބައްތި: 054 ފޫޓު އުސް މި ބައްތި ހެދިފައިވަނީ މިޞްރުގެ އިސްކަންދަރިއްޔާގެ އައްސޭރީގައިވާ ކުޑަކުޑަ ޖަޒީރާއެއްގައި ޢިސާގެފާނުގެ 082 އަހަރުކުރިންނެވެ މިބައްތި ހަލާކުވީ އެހިސާބަށް އައި ވަރުގަދަ ބިންހެލުމެއްގައެވެ
ހަތްފިޔަވަޅުބެރު
ނ ހުކުރު ދުވަހު 9 ޖެހީމައި ޖަހާބެރު އިހުގައި މިބެރުޖަހާ އުޅުނީ ހިޔަނީގައި ހަތްފިޔަވަޅު ހުންނަ ހިސާބަށް އިރު އެރީމައެވެ
ހަތްދަށުކުޅި
ނ ރަސްކަމަށް ކޮލިލާދުވަހު ހަތްޖަހާފަދައިން ހަތަރުކޮށީންމެޖަހާ ހަތްޖަހާ ބަޔަށްވުރެ ދެރަ ދަރަޖައިގެ ދެމީހުން ކުޅިއެއް
ހަތްދެސްމަތި
ނ ބދ. ފަންޑިތަވެރިކަމުގައި ފާހަގަކުރާ ދިމާތަކެއް. އެއީ ރަށެއްގެ އެކިދިމާއަށް ކިޔާހަތްނަން. އެނަންތަކަކީ އިރު ހުޅަނގު އުތުރު ދެކުނު ވަރިންމަ ނޮރިންމަ ފެހުން
ހަތްގޭފާތިހާއަށް ފުނޑައިފައި ހުރިދައެއްހެން
މިސާލު: މީހުން މާ ބޮޑަށް ބަނޑު ހައިވީމާ ބަނޑު ހުންނަ ގޮތާމެދު ޖަހައިއުޅޭ މިސާލެއް
ހަލަނި
ނ (1) އެއްޗެހި ފުރާނަން ނުވަތަ ލުހެން ގޮޅިތައް ބޮޑެތިކޮށް ވިޔެފައި ހުންނަ އާލަތެއް މިކިތަންމެ ގޮތަކަށް ހަދައިފައި ހުރެއެވެ (2) )ނ އ ( ފެންނަހާ އެއްޗެއްނަގާ ހަލާހިތްވާ ގިނައިން މިބަސްބުނެއުޅެނީ ކުދީންނާ މެދުގައެވެ (3) )ޏ ސ ( މަދިރިފަނި
ހަލަކަ
ނ (1) އެއްޗެއް އުފުލުމަށް ނުވަތަ ހުޅުވުމަށް ހިފާން ހުންނަ އަތްގަނޑު )މިނަން ގިނައިން ކިޔާ އުޅެނީ ފޮށީގައި ހުންނަ އުޅައްގަނޑަށެވެ ( (2) ތަޅުވަޅު
ހަލަވެލި
ނ އާންމުގޮތެއްގައި ތިރިކޮށްފެތުރިހެދޭ ގޮފިގިނަ ލަކުޑިހަރުގަހެއް. މިއެންމެ ވައްތަރުވާނީ ކުރެދިގަހާއެވެ. ކުރަދިފަތަށްވުރެ ފަތްތުނިވުމާއެކު މަޑުމަޑު މީރުވަހެއް ހުންނާނެއެވެ މީގެ ބައެއްގަސް 3 މީޓަރު 4 މީޓަރަށް އުސްކޮށް ހެދިފައިހުރެއެވެ
ހަލާލުނެތް މީހުން
ނ ކާވެނިހެޔޮވާ މީހުންގެ ތެރޭން އަނބިމީހާޔާ ފިރިމީހާޔާ ނޫން މީހުން