radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
މާއްޓަށްއެޅުން
މ ކުޅިޖެހުމުގެ ކުރާކަމެއް ކުޅިހުއްޓާރޭ އައްޑަނަކޮށީގެ ހަތަރު މީހުން ޖަހާ ކުޅީގައި ބޮންތި އެއްދިމާއަކަށް ތިރިކޮށްގެން ކުރާކަމެއް
މާވަހަރުމަސް
ނ އެމަހުގެ ބަނޑުގައި މާވަހަރު ހުންނަ މަސް )އަންބަރުމަސް( މިއީ ބޮޑެތިމަސް މަހުގެ ތެރޭގައި ހިމެނޭ މަހެކެވެ
މާވަރު
ނ (1) ގިންނޯށި. (2) ވިނައެއް. (3) ކަނޑުގައި އުޅޭ ފިރުޢައުނު މުދައުކިޔާ ވައްތަރުގެ އެއްޗެހީގެ ތެރޭ ހިމެނޭ ބާވަތެއް. މީގެ ޚާއްޞަ ވައްތަރަކީ ތިން ނޯއްޓަށްވުރެ ވިހަގަދަ އެއްޗެކެވެ )ރަތް ކުލައިގެމިނާ ފައްޗެއްހެން އޮންނަ ބޮނޑިވަރެއް
މާވަޅަގެއާ
ނ )ގ ( އެތެރެގެއާއި މެދުއެތެރެގެ
މާވައްދިހަރޭ
ނ )ގ ( ރަށަށް އަރާ ފައިބާ އުޅޭ އެންމެ ޚާއްޞަ އަތިރިމަތި
މާވައްގެ
ނ )ޏ ސ ( މެދުއެތެރެގެ
މާވަލްގެ
ނ )ޏ ( މެދުއެތެރެގެ
މާވަޑިޔާ
ނ (1) ވަޑާމަށް މޮޅު މީހާ (2) ކިއްސަރު ވަޑާންކުރާ ބައެއްގެތެރޭގައި ހުންނަ އިސްމީހާ (3) މަޖާޒު: ކަމެއްގެ ފާޑުވެރިޔާ
މާމަރުކުންދޮންފަނެއް
)މިސާލުބަހެއް( ކުޑަކުދިން އަމިއްލައަށް ވެއްޓުނީމާ އެއީ އެއްވެސް ކަމެއްނޫންކަމަށް ހަދާލުމަށް ބުނެއުޅޭބަހެއް
މާމަސް
ނ އިރުވައިގެ މެދުތެރެ. )ހުވަން ދިނަށައިގެ ދުވަސްވަރު( މިސާލު: މާމަހުގެ މެދުދުވަހެކެވެ އުޑުތާކު ވިލާރޮއްޖެއްނެތެވެ
މާމާފުޅު
ނ މާމައަށާ ފޫޅުމާމައަށް އެންމެ މާތްކޮށް ކިޔާގޮތް މިބަސް ބޭނުން ކުރަނީ ގަނޑުވަރު ތެރޭ ބޭފުޅުންނާ ގުޅޭގޮތުންނެވެ
މާމިސްކިތް
ނ (1) ހުކުރުމިސްކިތް (2) އެންމެ ބޮޑު މިސްކިތް
މާމުށިމަސް
ނ މުށިމަހުގެ އެންމެ ބޮޑެތި މަސް މީގެ ބޮޑުމިންވާނީ ގާތްގަނޑަކަށް ކުދި ރާގޮނޑިވަރެވެ
މާމުށް
ނ އަތުގެ މެދު އިނގިލީގެ ކުރިން ފެށިގެން އުޅަނބޮށީގެ ހީލިކަށިގަނޑާދޭތެރޭމިން (18 އިންޗި)
)މުގުރާމުގެ އެންމެ ބޮޑެތި ބާވަތް( މާމުގުރާން
ނ އެމެއް
މާމުގުރު
ނ (1) ފުރާދުއްވާ އެއްޗެހި ބަންނައިރު މާޅިސްލައިފައި އިންދަން ޖަހާ މުގުރު (2) ވަޑާން ކުރަން ގެންގުޅޭ އެންމެ ބޮޑެތިމުގުރު
މާމުގުރުމޫދަށްލުން
މ އޮޑިދޯނިފަހަރު ބަންނައިރު މަތިކަން އަޅާ ނިމުނީމާ ފަށްގަނޑު ނުޖަހަނީސް ރަށުގެ އަންހެނުންގެ ބަޔަކު ނުކުމެ މުގުރުގެންގޮސް މޫދަށް އެއްލާފައި އިރުކޮޅަކަށްފަހު ގެނެސް ދޮވެ އަތަރު ލައްވައިގެން ގެންގޮސް ހަރުގޭގައި ބޭއްވުން މިދޮވުމަށް ކިޔަނީ ފެންވެރުވުމެވެ މިއީ އިހުގައި ކުރާ ކަމެކެވެ
މާމެލިދައިތަ
ނ ރަށްކޮޅު މާމެލިދައިތަ
މާފަންނުމީހުންކަނޑުނުބައިކުރުން
މ )މިސާލުބަހެއް( ކަމެއް ނުކުރެވުނީމާ ނުވަތަ ކަމެއް ކުރަން ނޭނގުނީމާ ތިމާގެ ހުރި އުނިކަން ޤަބޫލުނުކޮށް އެކަމާބެހޭ އެއްޗެހީގައި ހުރި ކުށެއް ކަމުގައި ހެދީމާ ބުނެއުޅޭ ބަހެއް
މާފަތޭރި
ނ މާބޮޑަށް ބަރާކޮށް ދަތުރުކުރާއިރު އޮޑިދޯނިފަހަރުގެ ފަށް ގަނޑުގެ އެތެރޭން އޭގެމައްޗަށް ހުންނަގޮތަށް ފަނުންޖަހާ ފަށްގަނޑު މިއޮންނާނީ އެއްފަށްގަނޑު ޖައްސާ ވަރަށް ގަދަޔަށް ހަރުކުރެވިފައެވެ މިފަށްގަނޑު ޖެހުމުގެ ބޭނުމަކީ ރާޅު އެރިޔަނުދިނުމެވެ