radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ތަކުރުފާނު
ނ (1) ފިރިހެނުންނަށް ކިޔައިއުޅޭ ނަމެއް (2) ތަކުރު މިބަހުގެ މާތްގޮތް (3) މަނިކު ކިޔާމީހަކަށް ކޮއްޔެއްލުމުން ނުވަތަ މަޖިލީހަށް އެރުވުމުން ނުވަތަ ޒިކުރަށް އެރުވުމުން ކިޔާގޮތް
ތަކުބީރުދިއުން
މ އައްޔާމުއްތަޝްރީޤުގެ ތިންވަނަ ދުވަހު ޢަޞުރު ނަމާދުގެ ފަހަށް ތަކުބީރު ކިޔުންހުއްޓުން
ތަކުބީރުތެރެ
ނ ޙައްޖުވިލޭރޭ ފަތިސް ނަމާދުން ފެށިގެން އައްޔާމުއްތަޝްރީޤުގެ ފަހު ދުވަހުގެ އަޞުރު ނަމާދުގެ ނިޔަލަށް އޮންނަވަގުތު
ތަކުބީރުލައިގަތުން
މ ޙައްޖުވިލޭރޭ ފަތިސް ނަމާދަށްފަހު ތަކުބީރު ކިޔާންފެށުން
ތައު
ނ މަސްދޯނިފަހަރުގެ ކުނބުންފެށިގެން ދިރުނބާކޮޅުގައި ހަފޮޅުގެ ތިރީކައިރިޔާ ހަމައަށް އަޅައިފައިވާ ހުރަސްތަކުގެމަތިން ދިގަށް އަޅައިފައި އޮންނަދެފަތް
ތައުބާގެދޮރުޖެއްސެވުން
މ (1) އަސްތަޣުފާރުކޮށް ތައުބާވުމުގެ ވަގުތު ދިއުން )މުސްލިމުން ޤަބޫލުކުރާގޮތުގައި ޤިޔާމަތަށް ފެށުމުން ތައުބާގެ ދޮރު ބަންދުކުރައްވާނެއެވެ ( (2) މަރަށް ޙާޟިރުވެ ނޭވާހޮޅިޔަށްއެޅޭ ހިސާބަށްދިއުން
ތައޮޒިޔާކިޔުން
މ )ޏ ( ތައުޒިޔާކިޔުން
ތައްކަށިރުއް
ނ ތައްކަށްޓަށް ނަގާރުއް. ރަށްރަށުގައި މީހުން އިންދައިފައި ހުންނަ ރުއްރުކުގައި ތައްޖަހައި ބަންޑާރަ ބަޔާއި އަމިއްލަބައި ވަކިކުރުމުގައި އެކެއްގެ ފަންސަވީސް ރުކުން އެއްރުއް ތައްކަށީގެ ނަމުގައި ބަންޑާރަޔަށް ނަގައެވެ މިރުކުގައި ހުންނާނީ ތިންތައްޖަހައިފައެވެ މިއީ ގޮއިފާލައްބައިގެ ތެރޭގައި ހިމެނޭ ވަކިން ވަރުވާކޮށް ލިއެދެއްވާ ބައެކެވެ
ތައްގަނޑަށްޖެހުން
މ އުޅާބައިގެ ފިތްތައް ފަދަ އެއްޗެހި ފުއްވުމަށް ތައްޔާރުކޮށްފައި އޮންނަ ތައްގަނޑަށް ރަންރިހިފަދަތަކެތި ތަޅައި ތުނިކޮށްފައި ޖެހުން
ތައްގަނޑު
ނ (1) އެއްޗެއްގެ އަސްލާއެއްގޮތަށް އެއްޗެއް ހެދުމަށް ނުވަތަ ކުރެހުމަށް ބޭނުންކުރާ އެއްޗެއް މިސާލު: )ހ( މެޓާ އޮބާ ތައްގަނޑު )ށ( ހުންގާނުގެ މާދާފަދަ ތަކެތި ހެދުމަށް ވިރުވާ އަޅާތައްގަނޑު )ނ( ގަސްމުށި ފަދަތަކެތި ހެދުމަށް ސިމެންތި ފަދަ ތަކެތި ގަށައިގެންއަޅާ ތައްގަނޑު )ރ( ރަސްމީ ނުވަތަ އަމިއްލަ ނިޝާންޖަހާ ތައްގަނޑު (2) ކަނޑައި ނަގައިފައި ހުންނަ ނަމޫނާ (3) ގޮންގްރެޓް ކުރާ އިރު ގޮންގްރެޓް އެޅުމަށް ލަކުޑިން ނުވަތަ ދަނގަނޑުން ތައްޔާރުކުރާ އެތި (4) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާ ގޮތުން ތައްޔާރުކުރާ ސިއްކަ
ތައްގަނޑުޖެހުން
މ (1) ކަނޑައި ނަގައިފައި އޮންނަ މާދިރީ އެއްގެސިފަ އެއްޗަކަށް ނަގުލުކުރުން މިސާލު: ގަންޖުފަރާހުގައި ތައްގަނޑުޖެހުން (2) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާގޮތަށް ތައްޔާރުކުރާ ސިއްކައެއް އޮބުން
ތައްޔާރީހެދުން
ނ ބޭނުންވާ މިންތަކަށްފަހައި ތައްޔާރު ކޮށްފައި ގަންނަން ލިބޭ ގޮތަށް ފިހާރަ ފިހާރައިގައި ހުންނަ ހެދުން
ތައްޔާރުޖާގަޖާގަ
ނ (1) ތައްޔާރުވެގެން އެމީހެއްގެ މަޤާމުގައި އެމީހަކު ހުރުމަށް ގޮވާލާގޮތް (2) ތައްޔާރުވެގެން އެހެންމީހުންނަށް ތަންދީގެން ތިބުމަށް ގޮވާލާގޮތް
ތައްޔާރޮ
ނ )ޏ ( ތައްޔާރު
ތައްޔާރޮވުން
މ )ޏ ( ތައްޔާރުވުން
ތައްޚާނު
ނ (1) ދިވެހި ފިރިހެނުންނަށް ކިޔާނަމެއް (2) ބަނޑުހަނޑޫ ދެއްވީމާ އާދައިގެމީހުންގެ ނަމުގެ ފަހަތަށް އިތުރުކުރާ ލަޤަބަށް ކިޔާގޮތް މިސާލު: )ހ( އަލިތައްޚާނު )ށ( މުޙައްމަދު ތައްޚާނު
ތަމަޅައިން
ނ (1) ދެކުނު އިންޑިޔާގައި އުޅޭ ތަމަޅަބަހުން ވާހަކަދައްކާ ދަރިކޮޅެއްގެ މީހުން (2) މާދަރީބަހަކަށް ތަމަޅަބަސް ބޭނުންކޮށް އުޅޭމީހުން
ތަމްސީލުކުރުން
މ (1) ތަމްސީލެއް ތައްޔާރުކޮށް އެހެން މީހުންނަށް ފެންނާނެގޮތަށް އިސްޓޭޖެއްގައި ކުޅުން (2) ތިމާގެ ރަށް ނުވަތަ ތިމާއުޅޭ ދާއިރާއެއްގެ ފަރާތުން ބަސްކިޔައި ހެދުމަށް ތަނެއްގައި ނުވަތަ ކަމެއްގައި ބައިވެރިވުން
ތަމްސީލުދެއްކުން
މ އިސްޓޭޖެއްގައި ޢާއްމުކޮށް ދެއްކުމަށްޓަކައި ތައްޔާރު ކުރެވޭ ކުޅިވަރުތައް ފެންނާނެ ގޮތް ހެދުން
ތަފާ
ނ (1) އާދަމުގެ ދަރިންނާއި ބައެއްކަހަލަ ޖަނަވާރުގެ ހަށިގަނޑުގައި އަތުން ޖަހާއެތިފަހަރު (2) މީހުންނާއި ކުދިން ބިންމައްޗަށ ްލައިފައިހުންނަ ސީ މިހުންނާނީ ދިޔާކޮށް ވަށްކޮށް ފެތުރިފައެވެ (3) ގެރިގުއިތަފާ