radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކަންފަތްގަނޑު
ނ (1) މަހުގެ ކަރުތާފަތާ ކައިރީގައި ދެއަރިމަތީގައި ހުންނަ ކުޑަ ކޮތަރި (2) މުޅޯށިފަދަ ބައެއް ތަކެތީގެ ދެފަރާތުގައި ހިފާން ނެރެފައި ހުންނަ ތަން
ކަންފަތްގޮށި
ނ މިސްކިތް ފޮއްޓެއްގެ ސިފައިގައި ދެފަރާތުގައި ކަންފަތް ހުންނާނެހެން ކަރުދާސް ފަތްޖަހައިގެން ހަދާ ފޮށްޓެއް
ކަންފަތްޕުޅަށް އެރުވުން
މ އެންމެ މާތް ބަހުރުވައިގައި މީހެއްގެގާތުގައި އެއްޗެއް ބުނުން
ކަންފި
ނ (1) މަލުގެ އެންމެ ބުޑު ދޮށުގައި ހުންނަ ފަތްކުލައިގެ ފިޔަ (2) މަލުގެ ބޯށިފަތް (3) )ބދ ( ކަންފަތް
ކަންފިލާ
ނ ދޮރުގެ ދެކަނިދޭތެރެ ނުވަތަ ދެތަނބު ދޭތެރޭފަދަ ތަންތާނގެ މަތީގައި ހަރުކޮށްފައި ހުންނަ ވަނާލީފިލާ
ކަންދެއްކުން
މ އެތެރެފުށުގައި ނެތްކަމެއް ބޭރުފުށުން ފާޅުކުރުން
ކަންގަނޑު
ނ (1) ބޮލުގައި އަޅާ ރުމާލާ ފޮށާފަދަ ތަކެތި އޮޅައިފައި ހުންނައިރު އެއިން ނެރެފައި ހުންނަ ކަން ނުވަތަ ކޮޅު. (2) އަނދެ އުޅޭ އެއްޗެހީގެ ހަތަރުކަން. (3) ނުތޯޑުވައި ހުންނަ މުންޑާއި ފޮށާފަދަ ތަކެތި އަނދެފައި ހުންނައިރު އުނގަނޑު ރޮދިގަނޑު ދަށުން ކުރި މައްޗަށް ނެރެފައި ހުންނަ ކަން ނުވަތަ ކޮޅު
ކަންގާ
ނ ބޯދި ހިފަން ފައްތާ މެދުރީގެ ކަންކަނުގައި އެލުވާ ގައު
ކަންޏާކަގަ
ނ ދިވެހިންކިޔާ ޚިޔާލީ ވާހަކައެއްގައި ބުނާގޮތުން ކެކޭނެގޮތަކަށް ކެކެން ދޫކޮށްލައިފައި ހުރެގެން ހިނދިފައި ހުންނަ ބަތްތަވާގެ މެދުފަށަލައިގައި ހުންނަ ބަޔަށް ކިޔާނަމެއް
ކަންޒަށްލުން
މ ހަނގުބޭކަލުންނާއި އަވަށުމީހުންފަދަ މީހުންކުރެ މަސައްކަތަށް ކުށް ކުރާ މީހުނަށާއި މަސައްކަތަށް ނުނުކުންނަ މީހުންނަށް އަދަބު ދިނުމުގެ ގޮތުން ކޮންމެވެސް ގަނބާ ކިސަޑު ގަނޑަކަށް އެރުވުން ގަނޑުވަރުތެރެ ވަށާ މިކަންޒު އޮތް ޒަމާނުގައި އެފަދަ މީހުން އަރުވަނީ އެކަންޒަށެވެ
ކަންޒޫރި
ނ (1) ކަނޑުމައްޗާބެހޭ އެކިއެކި ކަންކަމުގައި ވަލީވެރިންގެ ޒިޔާރަތާއި މަޤާމަށް ފާތިޙާ ފަރިއްކޮޅުގެ ނަމުގައި ދީއުލުނު ތަކެތި (2) ކަންޒޫރީގެ ނަމުގައި ކިޔަވައި އުޅުނު ފާތިޙާ
ކަންޓްރޯލްޓަވަރު
ނ މަތިންދާބޯޓުގެ ދަތުރުފަތުރާ ބެހޭގޮތުން ބިމުން މަތިންދާބޯޓަށް ދޭންޖެހޭ މަޢުލޫމާތު ދިނުމަށްޓަކައި ވައިގެ ބަނދަރުގައި ހަދައިފައި ހުންނަތަން
ކަރަންކާ
ނ ކަފުރުތޮޅި ގަސްހެން އެއްތަނޑިޔަށް ހެދޭގަހެއް. މިގަހުގެ ފަތް ހުންނާނީ ހިމަދިގުކޮށެވެ. މީގައި ނިކުންނާނީ މާގަނޑެކެވެ. މަލުގައި ހުންނާނީ 5 ފިޔަޔެވެ ތަނޑިދިގުވާނެއެވެ މިއީ ވަރަށް މީރުވަސްދުވާ ހުދު މަލެކެވެ މިގަސްހެދޭނީ ތެތް ބިމުގައެވެ މިގަހުގެ ބުޑުން ނިރުތައް ނިކުމެ ވަރަށް އަވަހަށް ގިނަވާނެއެވެ
ކަރަންފޫ
ނ މަތިކަރާބޭހުގެ ބާވަތެއް. މިއީ ދުފާއިރު ބޭނުންކުރާ އެއްޗެކެވެ. މީގެ ކުރީކޮޅުގައި ހަތަރު ތުނޑު ހުންނާނެއެވެ. މިއީ ކުޅި ރަހަލާ ކަޅުކުލައިގެ އެއްޗެކެވެ
ކަރަންޓީނު
ނ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއްޖެހިފައި ހުރި މީހަކު ހުރިތޯބެލުމަށް އެ އުޅަނދަކަށް މީހުންއަރާ ފޭބިޔަނުދީ އެހެން އުޅަނދު ފަހަރާ ދުރުގައި ވަކިމުއްދަތެއް ވަންދެން ކުރާ ބަންދު (2) ބޭރު ރަށަކުން އަންނަ އުޅަނދެއްގައި ގައިން ގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެ އުޅަނދަކުން މީހުން އަރާ ފޭބިޔަނުދީއެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ކުރާ ބަންދު (3) ނުރައްކާތެރި ރޯގާއެއް އުޅޭ ރަށްރަށަށް މީހުންއަރާ ފޭބިޔަނުދީ ވަކިމުއްދަތެއް ވަންދެން އެރަށްރަށް ކުރާ ބަންދު
ކަރަންޓީނުކުރުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެ އުޅަނދަކަށް މީހުންއަރާ ފޭބިޔަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުކުރުން (2) ބޭރު ރަށަކުން އަންނަ އުޅަނދެއްގައި ގައިންގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެ އުޅަނދަކަށް މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކިމުއްދަތެއް ވަންދެން ބަންދުކުރުން (3) ނުރައްކާތެރި ރޯގާއެއް އުޅޭ ރަށްރަށަށް މީހުން އަރާ ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުކުރުން
ކަރަންޓީނުވުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެއުޅަނދަކަށް މީހުން އަރާ ފޭބިއަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުވުން (2) ބޭރު ރަށަކުން އަންނަ އުޅަނދެއްގައި ގައިން ގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެއުޅަނދަކުން މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކި މުއްދަތެއް ނިމެންދެން ބަންދުވުން (3) ނުރައްކާތެރި ރޯގާއެއް އުޅޭ ރަށްރަށަށް މީހުންއަރައި ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުވުން
ކަރަންޓީނުފިލުން
މ ކަރަންޓީނުގައި ތިބި ބަޔަކުގެ ބަންދު ފިލުން
ކަރަންޓީނުދިދަ
ނ ކަރަންޓީނުގައި ތިބޭއިރު އެއުޅަނދެއްގައި ނަގައިފައި ހުންނަ ޚާއްސަ ރީނދޫ ދިދަ
ކަރުފައްޓަރު
ނ ކަރުގައި އަޅާ ފައްޓަރު