radheef.info
ރަދީފު


ވުން
މ (1) ހުރުން (2) އުފެދުން (3) ފަހިވުން (4) ނިމުން
ދޭރީވުން
މ (1) ކަންތަކުގައި ލަސްވުން (2) ކަންނެތްވުން (3) ފަރުވާކުޑަވުން
ދޭސީވުން
މ (1) ފޭރާންދެރަވުން (2) ދެރަވަރުވުން (3) ދޯހަޅިވުން (4) ސަހަލުވުން
ދޮންވަރަވުން
މ )ސ ( ދޮންވާވަރަށް ހަރުވުން
ދޮންވުން
މ (1) ގަސްގަހުގައި އަޅާތަކެތި ފައްކާވުން (2) ބައެއްމޭވާއާއި ގަސްގަހުގެފަތް ހަރުވެގެންގޮސް ރީނދޫ ކުލައައުން (3) މައުދަނީ ތަކެތި އަލިފާނުގެ ހޫނުން ރަތްވުން (4) ތަނެއްނުވަތަ އެއްޗެއް އަވިން މާބޮޑަށް ހޫނުވުން (5) އޮށާޅައިގެ ގޮނޑިނުކުންނަވަރުވުން (6) މަޖާޒު: ކުޑަކުދީންގެ ބަހުރުވައިގައި ނަލަވުން (7) ހަމުގެ ކުލަ އަލިވުން (8) އިރުއެރުމުގެ އަލިކަން ފާއްދައިލުން މިސާލު: އިރަށް ދޮންވުން
ދޮންވެލިފިނޮޅަކަށްވުން
މ (1) ރަށެއް ގިރަމުންގޮސް އެރަށަކުން ރުއްގަސް ހުސްވުން (2) މަޖާޒު: ރަށެއްހަލާކުވެ ސުންނާފަތިވުން
ދޮންދިނުން
މ (1) މޫނުގައި ނުވަތަ ހަށިގަނޑުގެ އެހެންވެސް ތަނެއްގައި ބޮސް ދިނުން (2) ހެނދުވުން
ދޮރުބަންދުވުން
މ މަޖާޒު: (1) ލިބިލިބި ހުރިތަނަވަސްކަމެއް ނުލިބޭގޮތްވުން. (2) ކޮށްކޮށް ހުރިކަމެއް ނުވަތަ ކުރަން އުޅޭކަމެއް ނުކުރެވޭގޮތްވުން
ދޯހަޅިވުން
މ (1) ތާކުންތާކު ނުޖެހޭގޮތަށް ކަމެއް ކުރެވުން (2) ފޭރާން ދެރަވުން (3) މަޖާޒު: ހަރުދަނާކަން ކުޑަވުން
ދޯޅުވުން
މ (1) އޮޅުވުން (2) ގައިގޯޅިވެގެން އުޅުން
ދޯދިޔާވުން
މ (1) ތާކުންތާކުނުޖެހޭގޮތްވުން (2) ހަރުދަނާކަމެއް ނެތުން (3) ކަންތައް ސަހަލުވުން
ދޯލިބޯލިކުރުން
މ ދޯއްޔަށްގޮސް ހާޖަތްކޮށް ތާހިރުވުން
ތަހުޒީބު
ނ (1) އާރާސްތު (2) ޒަމާނާ އެއްގޮތަށް ބަދަލުވާ ބަދަލުވުން (3) ރަނގަޅު ރީތިގޮތްތައް
ތަހުޒީބުވުން
މ (1) އާރާސްތުވުން (2) ޒަމާނާ އެއްގޮތަށް ބަދަލުވުން (3) ރަނގަޅު ރީތިގޮތްތައް އަށަގަތުން
ތަށާގަތުން
މ )ޏ ( (1) ބިންމަތީގައި ހަރުފަށަލައެއް އުފެދުން (2) ބިންގަނޑު ތަރަވުން
ތަށިމައްޗަށްގޮވުން
މ ކެއުމަށް ތައްޔާރުކޮށްފައިވާ ކަތަކެތި މަދުވެފައި ވަނިކޮށް އެތަނުގައި ހުރި އެއްޗެއް ކައިލުމަށް މީހަކަށް ނުވަތަ ބަޔަކަށް ގޮވުން
ތަނަވަސްވުން
މ (1) ޖާގަލިބޭގޮތްވުން (2) ދާއިރާފުޅާވާގޮތްވުން (3) މުއްސަނދިވުން
ތަނާޒުލު
ނ (1) ކަމަކުންވާއެއްކިބާ (2) ކަމަކުން ވަކިވާ ވަކިވުން
ތަނާޒުލުވުން
މ (1) ކަމަކުން އެއްކިބާވުން (2) ކަމަކުންވަކިވުން
ތަނުއެޅިކުނަލެއްހެން
މަޖާޒު: (1) މީހަކު ބަލިހާލު ބޮޑުވެގެން މާގިނަ ދުވަހު ތަންމަތީގައި އޮވެ ހިކި އަނަރޫފަވުމުން ބުނެއުޅޭ ބަހެއް (2) ގެއަކަށްވަދެ ގަދަކޮށްގެން އަބަދުހެން އެގެއެއްގައި އުޅެން ފެށުމުން ބުނެއުޅޭ ބަހެއް (3) ޖިންސީ ގުޅުން ހިންގާއިރު އަންހެނަކު ހިސާބަށްވުރެ ލޮނު މަޑުވުން ބުނެއުޅޭ ބަހެއް
ތަނުވެޑުވުން
މ ކުއްޖަކު ދުނިޔެއަށް އައުމުން އެންމެ ފުރަތަމަ ތަންމައްޗެއްގައި ބޭއްވުން