radheef.info
ރަދީފު


ބަ
އ އައްބަ
ބޮޑުމާލިނެށުން
މ އުނަގަނޑުން ތިރި ވަށައިގެން އެއްވަރަށް ބޮޑުކޮށް ފުއްޕައިފައި ހުންނަ ރޫބައެއް ލައިގެން ކޮނޑުމާޖަހައިފައި ބޮލުގައި ވައްތަރެއްގެ ތާޖެއް އަޅައިގެން ބެރުގައިޖަހާ ލަވަޔާ ކިޔާލަވަޔާ ހަމަވާގޮތުން ނެށުން
ބޮޑުމުސްކުޅި ބޭކަލުން
ނ އިހުގައި ވަޒީރުކަމަށް ކޮލިލައްވައިފައި ތިއްބަވާ ބޮޑުބޭކަލުން
ބޮޑުފަނި
ނ އަނބުގަހާ ބަނބުކެޔޮގަހުގެ ފީވާތަންތާ އުފެދޭ ފަންޏެއް މިއީ ގާހުއްޔަށް ބަދަލުވާ ފަންޏެވެ މިއީ ގަދަ ރީނދޫ ކުލަޔަކަށްދާ ފަންޏެކެވެ ބޮޑުމިން ކާޅުދޮންކެޔޮ ވަރުވާނެއެވެ
ބޮޑުފަޓާސް
ނ ބަޑިކޮށިކޮށީގެ މީހުން ދިގުކާއްޓެއްގެ ސިފައިގައި ހަދައި އުޅުނު ފަޓާސް
ބޮޑުފާފަ
ނ މާތް ރަސްކަލާނގެ ނަހީ ކުރެއްވި ބޮޑެތި ނުބައި ކަންތައް
ބޮޑުފެހި
ނ އިހުގައި ބޯވަޅު އެޅި ލިބާސް ލައިއުޅުނު ފޭރާމެއް މިއީ ކަޅު ފެހިކުލައިގެ ފޮއްޗެއްގައި ހިމަރޮނގު ބަޔެއްގެ މެދުތެރޭގައި އެއަށްވުރެ ކުޑަތަންކޮޅެއް ފުޅާ ރޮނގެއްހެން ހުންނަ ފޮއްޗެކެވެ ރޮނގުބައި ހުންނާނީ ކަޅުފެއްސަށްވުރެ އަޅި ފެހިކުލައެއްގައެވެ މިގޮތަށް ރޮނގު ހުންނަ ރަތްކުލައިގެ ފޮތިވެސް ހުރެއެވެ އެއަށް ކިޔަނީ ބޮޑުފެހީގެ ރަތެވެ
ބޮޑުފެއްސަންގޮތްހެދި
ނ ބކ. އިހުގައި ބޯވަޅު އެޅި ލިބާސް ލައިއުޅުނު ފޭރާމެއް. މިއީ މުޅި ފޮތިގަނޑު ކަޅުފެހި ނުވަތަ ރަތްކުލައިގައި ހުރެފައި ބޮޑުފެހީގެ ރޮނގުބަޔާ ވައްތަރު ގޮތަކަށް ރޮނގުބައި ހުންނަ ފޮއްޗެކެވެ
ބޮޑުދަނޑުމަތި
ނ އިހުގައި މާލޭގެ އިރުމަތީ ފަރާތު ފާރުން އަތިރީން އުތުރުބައި
ބޮޑުދައިތަ
ނ މަންމަ ނުވަތަ ބައްޕަޔާ އެއްބަނޑު އެއްބަފާ ނުވަތަ އެއްބަނޑު ނުވަތަ އެއްބަފާ އަންހެނާ
ބޮޑުދުން
ނ (1) ބޮޑުދުމާދާއިރު އަޅާން ތަޅައިފައި ހުންނަދުން (2) ބޮޑުދުންދޭ ޒިޔާރަތަށް ބަހާދުން
ބޮޑުދުންދޭ ޒިޔާރަތް
ނ ބޮޑުދުމާދާއިރު ދުޢާވެރިކަން ކިއަވަން މަޑުކުރާ ފަންސަވީސް ޒިޔާރަތް، އެއީ (1) އަބުލް ބަރަކާތުލް ބަރުބަރީ ޒިޔާރަތް (2) ސައްޔިދު ރަސްގެފާނުގެ ޒިޔާރަތް (3) އައްސައްޔިދު ސާމީ އަލްމުރުތަޟާ ޒިޔާރަތް (4) އައްސުލްޠާނުލްޣާޒީ މުޙައްމަދު ޝަމްސުއްދީނު ޒިޔާރަތް (5) އިސްކަންދަރު މަހާރަދުންގެ ޒިޔާރަތް (6) ޙަސަން ޢިއްޒުއްދީނު ރަދުންގެ ޒިޔާރަތް (7) މުޙުޔިއްދީނު ރަދުންގެ ޒިޔާރަތް (8) މުޙައްމަދު ޢިމާދުއްދީނު ދިޔަމިގިލީ ރަދުންގެ ޒިޔާރަތް (9) އިބުރާހިމު ރަސްގެފާނުގެ ޒިޔާރަތް (10) ދަންނަ މުޙައްމަދު ރަސްގެފާނުގެ ޒިޔާރަތް (11) ދަރުމަވަންތަ ރަސްގެފާނުގެ މިސްކިތް (12) ޙަބުޝީގެފާނުގެ މަޤާމް (13) ފަޤީހުމޫސާގެ ޒިޔާރަތް (14) ފަތާލީސީދީގެ ޒިޔާރަތް (15) ބޮޑުރަސްގެފާނު ޒިޔާރަތް (16) ޙާޖީ އެދުރުކަލޭފާނުގެ ޒިޔާރަތް (17) އިބުރާހީމު ރަސްގެފާނު (އަލްހިލާލީ) ގެ ޒިޔާރަތް (18) ފަޤީހުސުލައިމާނުގެ ޒިޔާރަތް (19) މާފަންނު އާމިސްކިތްތެރޭ ޒިޔާރަތް (20) ޤާޟީ ޢީސަލްޔަމަނީގެ ޒިޔާރަތް (21) ޢަލީ ރަސްގެފާނުގެ ޒިޔާރަތް (22) ޢުމަރުމާފަތް ކަލޭފާނުގެ ޒިޔާރަތް (23) ދޮނަކުޅީޝައިޚުކަލޭފާނުގެ ޒިޔާރަތް (24) ދޮންބުޅާފާށަނޢގެ ޒިޔާރަތް (25) ދެބޭރަނިންގެ ޒިޔާރަތް
ބޮޑުދޮލަނގުކޮޅު
ނ (1) ހިތިވިލޭރޭ ފަރިއްކޮޅު ގެންދާއިރު އެންމެ ކުރީގައި ހުންނަ މީހާގެ ބޯމަތީގައި ބަހައްޓައިގެން ގެންދާ ބޮޑު ދޮލަނދު މިހުންނަނީ މުކައްބަ ޖަހައި ހުދުފޮތިން ބަނދެފައެވެ (2) ބޮޑުދޮލަނގު މިބަހަށް އެންމެ މާތްކޮށް ކިޔާގޮތް
ބޮޑުތަކުރު ޔާސީމަށް އަރާއިނުން
)މިސާލުބަހެއް( ކެއުމުގެ ޖަމާޢަތަކަށް ވަގުތުގެ މާކުރީންގޮސް ކާން ހަދައިފައި ހުރިތާނގައި ހިތްގައިމުކޮށް އިނުން
ބޮޑުތަކުރުފާނު
ނ (1) އުތީމު ބަންޑާރައިން (2) އައްސުލްތާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން (3) ޣާޒީ ބަންޑާރައިން
ބޮޑުތަކުރުފާނު ވާހަކަ
ނ ޣާޒީ ބަންޑާރައިންގެ ހަޔާތާއި އެރަދުން އަނދިރި އަނދިރީންގެ ކިބައިން ރާއްޖެ ސަލާމަތްކުރެއްވި ވާހަކަ މިވާހަކަ އާބަކުރު ރަސްގެފާނުން ފެށިގެން ކަލާފާނާ ހަމައަށް ވެސް ކިޔައެވެ އަދި ކޮއިމަލާއިން ފެށިގެން އައްސުލްޠާނު މުހައްމަދު މުޢީނުއްދީނުލް އައްވަލާ ހަމަޔަށްވެސް ކިޔައެވެ
ބޮޑުތަކުރުދަން
ނ ދަމުހަރުގެޔަށް ދަމަށްއެރި ޒަމާނުގައި ހެންވޭރު ރައްޔިތުން ބައިކޮށްފައި އޮންނަ 4 ބައިން ކުރެއެއްބައި
ބޮޑުތަވީދު
ނ ކޮންމެވެސް ބޮޑުބައްޔަކަށް ފަންޑިތަ ހަދައި އެކަން ފަސޭހަވީމާ އެކަމުގެ ރައްކަލަކަށް އެންމެފަހުން އަޅާ ތަވީދު
ބޮޑުތަސްބީހަ
ނ ސުބްޙަނަﷲ ވަލްޙަމްދު ﷲ ވަލާއިލާހަ އިލަﷲ ވަﷲ އަކްބަރު ވަލާ ޙައްލު ވަލާ ޤުއްވަތަ އިލަﷲ ބިﷲ ޢަލިއްޔުލް އަޡީމް
ބޮޑުތުރާ
ނ ވެއްޓޭބަލި
ބޮޑުތުރާވުން
މ ވެއްޓޭބަލި ޖެހިގެން ވެއްޓުން