radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ގަޔަށްއެރުވުން
މ އަނެކަކު ތިމާގެ ގަޔަށް ނުވަތަ އެހެން މީހެއްގެގަޔަށް އަރާނޭގޮތް ހެދުން
ގާވުން
މ (1) ހިކިހަރުވުން (2) ގަހެއްގެ ކުރި ގުރުނޑުވެ ނުހެދޭގޮތްވުން (3) ކުދިން އުމުރާ އެއްވަރަށް ބޮޑުނުވެ ހަރުވުން (4) ހިލަޔަށް ނުވަތަ ގަލަށްވުން
ގާދިއްފުށީމީހުންގެ ފެންކުޅި
)މިސާލުބަހެއް( މަޖަލަކަށް ނުވަތަ ކުޅިވަރަކަށް ކުރަން ފެށިކަމެއް ނުހުއްޓި ދިގުލާގޮތްވީމާ ބުނާބަހެއް
ގާލިހާ
ނ ވަކި މީހަކާ އިނުމަށް އެއްބަސްވެ އެކަށަ އެޅިފައިވާ ކުއްޖާ ނުވަތަ މީހާ
ގާގަނޑުކެނޑުން
މ ފައްތައިގެން މަސްބާނަން ނަނުފައްތާއިރު ބުޅީގެ ނުވަތަ ނަނުގައި އެލުވާ ގާގަނޑު ކުއްލިއެއް ޖަހައި ކަނޑައިލުން
ގާޑިޔާ
ނ (1) އެއްޗެހި އުފުލުމަށް ފުރޮޅުލައިގެން މަގުމަތީގައި ދެމޭ ގޮތަށް ނުވަތަ ކޮއްޕޭ ގޮތަށް ހުންނަ އެއްޗެއް (2) ބައިސްކަލު
ގިނަކަން
ނއނ މީހުން ނުވަތަ އެއްޗެއްހި ޢަދަދުން އިތުރުކަން
ގިނިނެގުން
މ މުޅި ހަށިގަނޑުން ނުވަތަ ހަށިގަނޑުގެ ކޮންމެވެސް ތަނަކުން ދިލަ ހޫނެއް ނެގުން
ގިނިމަޑުކުރުން
މ އެއްޗެއް ކައްކާއިރު އަލިފާނުގެ ހުޅުގަނޑު ކުޑަކޮށްގެން ނުވަތަ އުނދުނުން ދަރުމަދުކޮށްގެން ހޫނު ކުޑަކޮށްލުން
ގިރާވަރުސިއްރު
ނ ސިއްރެއްކަމަށް ބަލާ އެކަމަކު އެންމެންނަށް ނުވަތަ ގިނަ ބަޔަކަށް އެނގިފައި އޮންނަ ވާހަކަ
ގިރި
ނ އެތެރެ ވަރީގައި ނުވަތަ ފަޅުފަޅާއި ވިލުވިލުތެރޭގައި ތިލަކޮށް ހިކިފައި ނުވަތަ ނުހިކި އެއްތަނެއްގައި ހުންނަ ގާތައް ނުވަތަ މުރަކަތައް
ގިރިދަފުސް
ނ ޖަސްތު ނުވަތަ ލޯފަދަ މައުދަނަކުން ތުނޑުތުނޑަށް ކަފައިފައި ސިލުނބުގެ މަތީކައިރީގައި ވަށައިގެން އަޅާފަށެއް
ގިރިޓީ
ނ (1) މަޢުދަނުން ހަދައިފައި ވާ އެއްޗެއްގެ ބޭރަށް ރަން ނުވަތަ ރިހި ބޭނުންކޮށްގެން އަރުވައިފައި ހުންނަ ކުލަ. (2) މަޖާޒު: ޙަޤީޤަތް ފޮރުވޭގޮތަށް ދައްކައިފައި ހުންނަ ދަޅަ ނުވަތަ ކުލަ
ގިރިޓީކުރުން
މ ރިއްސާއި ލޮއިން ހަދައިފައި ހުންނަ ގަހަނާގައި ގިރިޓީފެނާއި ކަރަންޓާ ގުޅައިގެން ރަން ނުވަތަ ރިހިކުލަ ޖެއްސުން
ގިރުން
މ (1) ހަރުއެއްޗެއް ނުވަތަ ތަތްއެއްޗެއް ދިޔާއެއްޗަކާ ނުވަތަ އޮލައެއްޗަކާ އެކުވުން ނުވަތަ އެއްކުރުން. (2) ރާޅާއި އޮއިގެ ސަބަބުން ރަށެއްގެ ފަސްގަނޑުން އުނިވަމުން ދިޔުން (3) އޮއްޓަރު އެއްޗެއްގައި ހުންނަ ހިލަ ނުވަތަ ވެލި ވަކިކުރުމަށް ފެނަށް އަޅައިގެން ނާށިގަނޑެއްފަދަ އެއްޗަކުން ދެބައި ވަކިކުރުން (4) ފާރުގަނޑެއް ނުބައިވެގެން ހަލާކުވެގެން ދިޔުން (5) ހިރުގަނޑުގައި އުފެދޭ ބައްޔެއްގެ ސަބަބުން ހިރުގަނޑު ހަލާކުވަމުން ދިޔުން (6) މޭވާފަދަ ތަކެތި ދޮންވެ ފައްކާވެގެންގޮސް ދިޔަފައިބާވަރަށް ފާވުން (7) ވިރުން
ގިއްގަޅުވައިލުން
މ (1) މީހަކުވެއްޓި އިނދަ ޖެހޭގޮތަށް ގަންނަވައިލުން މަޖާޒު: (2) ތިމާގެ ބާރުން އަނެކެއްގެ އަގުވެއްޓައިލުން ނުވަތަ މަޤާމް ދަށްކޮށްލުން (3) ވާހަކަދައްކައިގެން ނުވަތަ ޒުވާބުކޮށްގެން ދެރަކޮށްލުން
ގިއްގެޅުން
މ (1) އަނެކަކު ގަންނަވައިލި ގަންނަވައިލުމަކުން ވެއްޓި އިނދަޖެހުން މަޖާޒު: (2) މީހަކު ކުރިކަމަކުން އަނެކެއްގެ އަގުވެއްޓުން ނުވަތަ މަޤާމް ދަށްވުން (3) ވާހަކައަކުން ނުވަތަ ޒުވާބަކުން ދެރަވުން
ގިފިއްޔަށްދިއުން
މ މަޖާޒު: ބޮޑުކަމު ނުވަތަ ކުޑަކަމު ދިއުން
ގިފިއްޔަށްދެވުން
މ މަޖާޒު: ބޮޑުކަމު ނުވަތަ ކުޑަކަމު ދެވުން
ގިފިލި
ނ (1) ގިފިއްޔަށްދާން ހަދައިފައި ހުންނަތަން (2) ޤަޟާޙާޖަތް ކުރުމަށާއި ހިނައިޠާހިރުވުމަށްޓަކައި ވަށައިގެން ފާރުރާނައިފައި ނުވަތަ ފުޅައްއަޅައި ވަޅުބަހައްޓައިފައި އޮންނަތަން މިތަންތަން ހުންނާނީ މަތިހިޔާނުކޮށެވެ