radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ކާޑުބަދަލުކުރުން
މ އެއް ގެއެއްގެ ކާޑުގައި އޮތް މީހަކު އަނެއް ގެއެއްގެ ކާޑުގައި ޖެހުން
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ
ކާޑުދަތުރު
ނ ރަށްފުށުމީހުން ކާޑުބަލާ މާލެޔަށް ކުރާ ދަތުރު
ކާޖާ
ނ ގޮދަންފުށުގައި ހަދާ ހެދިކާ އެއްޗެއް. މިހުންނަނީ ގޮދަންފުށްގަނޑު މޮޑެ ރޮށްޓެއްހެން ދަމައި ތުތިމަސްގޮތަށް ކަފައި ތެލުލައިފައެވެ. މިފޮނިކޮންނާއި ލޮނުކޮށް ހަދައެވެ
ކިހައް
ނ (1) މިރިޔާއި ކިހަކާއި އަދި ކުރުނބާގެ ކުރީ ކޮޅުގައި އޮންނަ ކެވޭ ޅަތަން (2) ކިހާއް (3) ކިހަވައް (4) ނއ ކޭމާ އަނގަ ކުރަކިވެފައި ކަރުތެރެ ބައްދާގޮތް ހުންނަ
ކިހައްރަހަ
ނ ކޭމާ އަނގަ ކުރަކިވެފައި ކަރުބައްދާގޮތް ހުންނަ ރަހަ
ކިހިޅިބިސީ
ނ )ޏ ( މަޖާޒު: (1) ކުޑަކުދީން (2) މުޖުތަމަޢުގައި އަގެއްނެތް މީހުން
ކިނދާލަނޑާ
ނ ލަނޑާގެބާވަތެއް މިއީ ހުޅުނބުގަނޑު ބޯކޮށް ހުންނަ މުށިކުލައިގެ ބޮޑު ލަނޑައެކެވެ
ކިނދު
ނ ކުއްޖާ އުފަންވާއިރު ގައިގައި އުނގުޅިފައި ހުންނަ ހުދުކުލައެއްގެ ތަތް އެއްޗެއް
ކިނދުބޯ
ނ ވިހާއިރު ކުއްޖާގެ ބޮލުގައި ހުންނަ އިސްތަށި
ކިނާރި
ނ ކަސަބުންރީތި ދުޅައަޅައި ވިޔެފައި ހުންނަ ފީތާބާވަތުގެ އެއްޗެއް
ކިރާހަނޑޫ
ނ ހަނޑުލުގެ ބާވަތެއް މިއީ ފުއްކުދިކޮށް ހުންނަ މީރު ވަހެއްދުވާ ހުދުކުލައިގެ ހަނޑުލެކެވެ މިއީ ބަންގާޅުން ރާއްޖެއަށް ގެނެސްއުޅުނު ހަނޑުލެކެވެ
ކިރި
ނ )ޏ ސ ( (1) ކިރު (2) ނިކަ (3) ކިރުބިސް (4) )ގ ( ފައިފަލަ ބަލިމީހުންގެ ފައިގައި ހުންނައުން
ކިރިކެޓު
ނ ދަނޑުގައިކުޅޭ ކުޅިވަރެއް މިކުޅިވަރުގައި ބައިވެރިވާނީ ދެޓީމެވެ ޓީމެއްގައި 11 ކުޅުންތެރީންނެވެ އެއްބަޔަކު ބޯޅަ ހޮވަން ތިބޭއިރު އަނެއްބައިގެ ދެކުޅުންތެރީން ކުޅެން އަރާތިބެއެވެ ބިމަށް ޖަހާފައި ހުންނަ ތިންދަނޑީބުރީގެ ކުރިމަތީގައި ކުޅޭމީހާ އޮވެގެން ހޮވާޓީމުގެ މީހަކު އެއްލާބޯޅައިގައި ފިލާގަނޑަކުންޖަހައި ލަނޑު ހަދައެވެ ނުވަތަ ދުވެގެން ލަނޑު ހަދައެވެ ދަނޑިބުރިތައް ޖަހައިފައި ހުންނަނީ މެދުރިއަޅައިފައި އޮންނަ ތަނެއްގައި ދެކޮޅުގައެވެ
ކިރިމިކޭކަރު
ނ ހަތަރެސް ކަނަށް ތުނިކޮށް ހުންނަ މޮޅު ބިސްކޯދެއް
ކިރިސް
ނ (1) ދެފަރާތުގައި މިޔައެޅި ތުނޑުތޫނު ވަޅިއެއް މީގެ ތިލައިގައި ހުންނާނީ ހައެއްކަ އިންޗިއެވެ (2) )ސ ( ކިހިލި
ކިރީމު
ނ (1) ކިރުންނެގޭ ތެޔޮ ހުންނަ މޮޅުބައި (2) ގިތެޔޮހެން ހުންނަ އެއްޗެއް މިސާލު: )ހ( ހަމުގައި އުނގުޅަން ގެންގުޅޭ ކިރީމު )ށ( ކާންގެންގުޅޭ ކިރީމު
ކިރު
ނ (1) ބަނޑުއަޅާ ވިހާ ހައިވާނުގެ ދަރިންނަށްޓަކައި އުރަމައްޗަށް އެރޭހުދު ކުލައިގެ އޮލަދިޔަ (2) އުރަމަތި (3) ބައެއްގަސްގަހާއި މޭވާގެ ތެރޭން ނުކުންނަދިޔަ (4) ގޮދަނުންނެގޭ ތަތް މާއްދާއެއް (5) ކާއްޓާއި ބަދަންފަދަ ބައެއްތަކެތި ފެލީމާ ނުކުންނަ ހުދުކުލައިގެ ދިޔަ (6) ފުށާއި ހަކުރާއި ކާށިކިރާއި އަޅައިގެން ކައްކާ ފޮނިކާ އެއްޗެއް (7) ބައެއް މޭވާއާއި ތަރުކާރީގެ ތެރޭގައި ހުންނަ ތަތްލަވާ އޮލަމާއްދާއެއް
ކިރުނު
ނ އަތްކަންކުރާ މީހުނާއި ދަގަނޑުތަޅާ މީހުން ތަޅާ އެތިގަނޑު ތަޅަން ބާއްވާ ދަގަނޑުގަނޑު މީގެ ތެރެއިން އަތްކަން ކުރާ މީހުން ބޭނުންކުރާ ކިރުނު ހަދައިފައި ހުންނަނީ ހަތަރު އަރިޔަށް ހަތަރު ފަސް އިންޗީގެ އުސްމިނުގައި އޮންނަ ލަކުޑި ގަނޑެއްގެ މެދަށް ދަގަނޑުބުރިޔެއް ޖަހައިގެންނެވެ
ކިރުރިހަބަތް
ނ އިހު ޒަމާނުގައި މުލަ ރޯދަ ދުވަހު ޣާޒީ ބަންޑާރައިންގެ އަހަރުމަތިފުޅަށް ކައްކައިއުޅުނު ކޭމެއް މިކޭމުގައި ހުންނަނީ ބަރަބޮލު ރިހައާ ބަތާއި ކިރެވެ