radheef.info
ރަދީފު


ނައްޕި
ނ ރިހަ ފަނިފަދަ ތަކެތި ކައްކަންވީ ގޮތްނޫން ގޮތަކަށް ކެކިފައި ހުރީމާ ކިޔާނަން
ނަވައި
ނ (1) ނުވަދިހަ (2) ނުވައެއްގެ ދިހަގުނަ 09
ނަވިޔަނި
ނ މަތީތަލީގެ ގާތްގަނޑަކަށް މެދަކާ ހިސާބުގައި ދޫޖައްސައިފައި ނެރޭއަޑެއް މިކިޔޭނީ ނޫނުގެ އަޑުން އެއަށްވުރެ ބަރުކޮށެވެ މިއީ ތާނަލިޔުމުގައި އާއްމުކޮށް ބޭނުން ކުރާއަކުރެއް ނޫނެވެ
ނަފަގާތްދިނުން
މ ލާޒިމުވެގެންދޭ ޚަރަދުދިނުން
ނަފުސިއްޔަ
ނއ (1) ނަފުސާބެހޭ (2) އަމިއްލަ
ނަފްސާނީ ޢިލްމު
ނ ނަފްސާބެހޭ ޢިލްމު
ނަދުރަށްސަލާންދިނުން
މ ނަދުރަށް ސަލާންޖެހުން
ނަލަހިރު
ނ މަތީ ދަރަޖައިގެ އަންހެން ބޭފުޅުންގެ ފޭލިކޮޅު ވިޔާއިރު މެދު ހިރުގެ ދެފަރާތުގައި އަޅާ ރަންކަސަބުފަށް
ނަލަހިކާ
ނ ހިކާގެ ބާވަތެއް: މިއީ ރީތި ކުލަތަކެއް ލިބިފައިވާ ކުޑަވަރެއްގެ ހިކައެކެވެ މީގެ ފިރިހެން ހިކާ ހުންނަނީ ފެހި ކުލައިގައެވެ އޮރެންޖު ކުލައިގެ ރޮނގުތަކެއް ހުރެއެވެ އަންހެން ހިކާ ހުންނަނީ ފިޔާތޮށިކުލައިގައި ރީނދޫ ކުލައިގެ ރޮނގުތަކެއް ދަމާފައެވެ އަންހެން ހިކާގެ ބުރިކަށިމަތީ ކޮތަރީގައި ކަޅުކުލައިގެ ދެލައް ހުންނާނެއެވެ މިދެލަކުގެ ކައިރިފަށް ހުންނަނީ ހުދުކުލައިގައެވެ
ނަލަރޯޅި
ނ (1) މަޑުމަޑުންޖެހޭ ލުއިލުއި ވައިރޯޅި (2) މަޑުމޫސުމުގައި ޖެހޭވައި
ނަލަމަރިޔަން
ނ )ޅ ( ފާނައިގެ ބާވަތެއް މިއީ މަހުގެ ހުރިހާ ބައެއްކަޅު އަނގަ ވަރަށް ރަތްކޮށް ހުންނަ މަހެކެވެ
ނަލަފިލާ
ނ ފުރާޅު ތިރީ ކައިރި ފައިދޮށްތަކުގެ ކޮޅުގައި ޖަހައިފައި ހުންނަ ފިލާ
)ރިޔާ( ނަގައިވޮށި
ނ )ބދ ( ރިޔައު
ނަގައިލުން
މ (1) ނެތިކޮށްލުން (2) ބޭނުންނެތް ޚަރަދުކުރުން (3) މަޤްޞަދުން ނައްޓުވައިލުން (4) މަގު އޮޅުވައިލުން (5) ތިމާގެ ޙަވާލުގައިވާ އެއްޗެއް ތިމާގެ ފަރުވާކުޑަކަމުން އެއަށް ވީނުވީ ގޮތެއް ނޭނގުން (6) )ގ ( ނެގުން
ނަގާހައި ވިލަޔަކުން ފެނެއް ނާންނާނެއެވެ. ޖަހާހައި ގުގުރިއަކުން ހޮނެއް ނާޅާނެއެވެ.
(މުސްކުޅިބަހެއް) (1) ކުރިމަތި ވެދާނެކަމަކަށް ހީކުރެވުނު ނުރައްކާތެރިކަމެއް ނުވެދިޔުމުން އެކަމާގުޅިގެން އެކަންނުވިކަން ދޭހަކޮށް ދިނުމަށް ބުނެއުޅޭ ބަހެއް (2) ކުރިމަތިވަމުންއައި ކަމަކުން ނުކުންނާނެކަމަށް ހީކުރި ނަތީޖާ ނުނިކުތުމާ ގުޅިގެން ބުނެއުޅޭ ބަހެއް
ނަގާނޭ ބަނދަރެއްގައި އޮޑިނާޅާށެވެ
(ހަރުބަހެއް) ތިމާޔާ އެކަށީގެންނުވާ ހިސާބެއްގައި އިށީނދެ ނޫޅުން ފަދަ ކަންކަމަށް ބުނާބަހެއް
ނަގާކިއުން
މ (1) އިސްވެކިއުން (2) ބަޔަކު މީހުންގެ ބަސްކިޔުން މިސާލު: ބަޔަކު މީހުން ލަވަކިޔާއިރު މައިގަނޑު ކިޔައިދީފައި އެހެން މީހުން މައިގަނޑު ކިޔާއިރު ކަޑި ކިޔަމުން ގެންދިއުން
ނަގާފައިހުރި ދިދައެއް ހެން
(މިސާލުބަހެއް) މީހުންގެ ލޮލުގައި އަޅައިގަންނަފަދަ ގޮތަކަށް
ނަގިލި
ނ ފުރާދުއްވާ ބޮޑެތި އެއްޗެހި ބަނދަރުގައި އަޅާންވައްޓާލާ ދަގަނޑު މީގައި ހުންނަނީ ދެދަތެވެ
ނަގިލިހިފުން
މ ބަނދަރު ކުރާތަނެއްގެ އަޑީގައި ނަގިލި ހަރުލުން