radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ތަނޑި
ނ (1) އަތުގައި އަޅަން ބޭނުންކުރާ ގަހަނާއެއް މިއީ ހިމަކޮށް ވަށްކޮށް ހުންނައެއްޗެކެވެ (2) ގަހަނާގެ އެކަތި އަނެކައްޗާ ގުޅުވަން ނުވަތަ އޭތި އެހެން އެއްޗަކާ ގުޅުވަން އިތުރުކުރާ ބޮޅެއްހެން ހުންނަ ތަންކޮޅު (3) ގަސްގަހާގެހީގެފަތް ނުވަތަ އޭގައި އަޅާތަކެތި ގަހުގައި ހަރުލުމަށް ހުންނަބައި (4) ނަގިއްޔާއި ލޮތާރީގެ މައިދަގަނޑު (5) ބައިސްކަލުގެ ފިޔަވަޅު ހަރުކުރާތަން
ތަންހެދުން
މ (1) ތަނެއްގައި އެއްޗެއް ބެހެއްޓުމަށް ނުވަތަ މީހަކު އިށީނުމަށް ޖާގަހެދުން (2) ޖާގަ ތައްޔާރު ކުރުން
ތަންނި
ނ ފަރުމާނުގެ ދަށުގައި އެއްކޮޅުން އަނެއްކޮޅަށް އެލުވައިފައިއޮންނަ ވައިރު މިއީ ރިޔާ ބަންނަން އަރައި އުޅުމަށްޓަކައި ބޭނުންކުރާ ވައިރެކެވެ
ތަންކޮޅު
ނ ތަނުގެ ކުޑަކަން ބަޔާންކުރުމަށް ބުނެއުޅޭ ބަހެއް
ތަންމަހަ
ނ )ގ ޏ ( އޮރީގެ ބާވަތެއް މިމަހުގައި ތިންހަތަރު މިލިމީޓަރުގެ ފުޅާމިން ހުންނަވަރުގެ ކަޅުރޮނގުތަކެއް މަހުގެ ދިގަށް ހުންނާނެއެވެ މިމަސް އުޅެނީ ފަޅުމަތީގައްޔާއި ފަރުފަރުގައެވެ މިބާވަތުގެ މަހުގެ އަނގަ ކުޑަވާނެއެވެ
ތަންމަތި
ނ (1) އެނދުއަށީގައި ނިދުމަށް ތައްޔާރުކޮށްފައި ހުންނަތަން (2) ނިދުމަށްޓަކައި ފަތުރާ އެތި (3) އިލެކްޓްރިކް ހޮޅިބުރި ހަރުކުރާއެތި (4) ލާންޗުފަހަރު އެހެލައި ބޭލުމަށާއި ތަންތާ ބެހެއްޓުމަށްޓަކައި ބަނޑު ފިލާ ޖެހޭގޮތަށް ހަދައިފައި ހުންނައެތި
ތަންމަތިހެދުން
މ (1) ތަންމަތިއެޅުން (2) ނާފަހަރުފަދަ އެއްޗެހި އެހެލައިފައި އަރިއަށް ބާއްވާއިރު ބަނޑުފިލާޖެހޭގޮތަށް އައްޓެއްހެދުން (3) ތަންމައްޗެއް ތައްޔާރުކުރުން
ތަންމަތިބަނުން
މ (1) ދަތުރަށްދާމީހާގެ ތަންމަތި އޮޅައިލައި އައްސައިލުން (2) މަޖާޒު: އުޅޭ ތަންނޫން އެހެން ތަނަކަށް ދާން ތައްޔާރުވުން
ތަންމަސް
ނ )ސ ( އޮރީގެ ބާވަތެއް މިމަހުގައި ތިންހަތަރު މިލިމީޓަރގެ ފުޅާމިން ހުންނަވަރުގެ ކަޅުރޮނގުތަކެއް މަހުގެ ދިގަށް ހުންނާނެއެވެ މިމަސް އުޅެނީ ފަޅުމަތީގައްޔާއި ފަރުމަތީގައެވެ މިބާވަތުގެ މަހުގެ އަނގަކުޑަވާނެއެވެ
ތަންޑާއެރުން
މ (1) ހޫނުގަދަވުމުގެ ސަބަބުން ނުވަތަ ލިބޭ އަނިޔާޔަކުން ބީތާވުން (2) ބުރާންތިވުން (3) އަނބުރައިގަތުން (4) މަޖާޒު: ނިދައިފައިތިބުން
ތަންޑިޔާއެޅުން
މ ތަންޑިޔާލުން
ތަންޑިޔާލުން
މ އެއްޗެއް ތަނަކަށް ގެންދިއުމަށް އެއެއްޗެއްގައި ޖަހައިފައި ހުންނަ ވާފަށުގައި ތަންޑިޔާ ބަނުން ނުވަތަ އެޅުވުން
ތަރަ
ނ (1) ބިންގަނޑުގައި ކިސަޑުހެދިގެންވާހަރު (2) ލޮތާރީގެ ދަތްފަދަ އެއްޗެހި ހެދުމުގައި އެއްބައި އަނެއްބަޔާގުޅަން ތަޅައިފަތިކޮށް އެއްވަރުކުރާކުރުން (3) ތަނަކަށް އުވަތަކެއް ނުވަތަ ސިމެންތިތަކެއް އެޅިގެން ވާހަރު (4) ބޮލާކީނި ނުވަތަ ދަވާދު ފަދަ އެއްޗެއް ބިންގަނޑަށް އެޅި ހިކިގެންވާހަރު
ތަރަފާލު
ނ (1) ހާމަތަންތަނުގައި ހުންނަ އެއްޗެހިނިވާ ކުރުމަށް ފެންނުފޭދޭ ގޮތަށް ބޯފޮއްޗަކުން ހަދައިފައި ހުންނައެއްޗެއް (2) ތަޅުމުގައި އެޅުމަށްޓަކައި އެކިޑިޒައިނުގެ ކުރެހުން އަޅައިގެން ހަދައިފައި ހުންނައެއްޗެއް މިއީލިނޮކްސިން ކިޔާ އެއްޗަކުން ހަދައިފައި ހުންނަފެންނުފޭދޭ ކަހަލައެއްޗެކެވެ މިހުންނަނީ ފަތުރާލެވޭގޮތަށް ރޯލުރޯލަށެވެ (3) ރަބަރުފޮތި
ތަރިރުހަނދު
ނ ތަރި އިރު ހަނދު އެއްކޮށް ކިޔާގޮތް
ތަޅައިމެރުން
މ ތަޅައި އަނިޔާކުރުން
ތަޅިނގު
ނ )ޏ ( ދަތުރު މަތީގައި ނަގާ އާދައަކަށް ކިޔާނަމެއް މިއާދަ ނަގަނީ ކާވެންޏެއް ކުރުމަށްފަހު ފުރަތަމަކުރާ ދަތުރުގައެވެ
ތަޅު
ނ (1) ނަންބަރު ދިމާކޮށްގެން ނުވަގަ ތަޅުދަނޑިފަދަ އެއްޗަކުން ހުޅުވޭގޮތަށް ދޮރާއި ފޮށިފަދަ އެއްޗެހީގައި ހަރުކޮށްފައި ނުވަތަ ލައިފައި ހުންނަ އެއްޗެއް (2) ލަކުޑިފަދަ އެއްޗެހީގައި މަކުޑިކަނޑައިގެން ތަޅުލެވޭގޮތަށް ތައްޔާރުކުރާ ތައްޔާރުކުރުން
ތަޅުދަނޑި
ނ (1) ތަޅު ހުޅުވުމަށާއި ތަޅުލުމަށް ބޭނުންކުރާ އާލަތެއް މި ތަފާތު ސިފަސިފައަށް ތަފާތު ގޮތްގޮތަށް ހަދައިފައި ހުރެއެވެ (2) ޗާޓްފަދަ ތަކެތީގައިވާ ކުރެހުންތައް ތަފްޞީލުކޮށްދޭ ބަޔާން (3) ތަޅުދަނޑީގެ ސިފައިގައި ހަދައިފައިވާ އެއްޗެއް
ތަކުރު
ނ ފިރިހެނުންނަށް ކިޔާނަމެއް