radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ބިތްކަނޑިންޖެހުން
މ ކަނޑީގެ އަރިމަތިން ޖެހުން
ބިތްތެރި
ނ (1) އަރިއަރިޔަށް އޮތް ބޮޑު އެތިގަނޑެއްގެ ފަރާތެއް (2) އަރިމަތި (3) ފިލައިން ހަދައިފައި ހުންނަ ބޮޑެތި ބިތްގަނޑުގަނޑު
ބިލާދަރު
ނ ބޮޑުސަލާމަތި
ބިލެއްކައްޓަލަ
ނ ބިލެތާ ވައްތަރުގޮތަކަށް ފަތްހުންނަ ވެލެއްގައި އަޅާ ހިމަ ދިގު ތަރުކާރީއެއް މިވެލުގެ ގޮނޑިޔަށްވެސް ކިޔަނީ މިނަމުންނެވެ
ބިލެތް ހެދުން
މ ދުފާން ބޭނުންވާ ތަކެތި ބިލެތްގަނޑަކަށް އަޅައި ތައްޔާރުކުރުން
ބިލެތް ކަނޑާހަރު
ނ ބިލެތް އަރުވައިފައި ހުންނަ ޅޮހަށް ނުވަތަ ރުއްގަހަށް ބިލެތް ކަނޑަން އެރުމަށް ގަޅިބަނދެފައި ހުންނަ އޮނު ނުވަތަ ދަނޑި
ބިލެތް އެޅުން
މ ބޮނޑިޔަކަށް ވާނޭހެން މަތި މައްޗަށް ބިލެތް ބެހެއްޓުން
ބިލެތް އޮޑި
ނ ހަނގުބޭކަލުން މަތީފޭލި އަންނަ ހެދުމުގައި ވާތްފަރާތުން އުނަގަނޑުގައި ޖަހާ އެއްޗެއް. މިހުންނާނީ ކުރީގައި ކުޑަމާގަނޑެއް ބަދެފައި ކުރީކޮޅު ހިމަކޮށް ގުދުކޮށްނެވެ
ބިލެތްބޮނޑި
ނ (1) 05 )ފަންސާސް( ގަނޑުބިލެތުން ބަނދެފައި އޮންނަ ބޮނޑި (2) ފަންސާސް ގަނޑު ބިލެތް
ބިލެތްކެފުން
މ ބިލެތްގަނޑުގެ ސިފަ ރީތިކުރުމަށް ކައިރިފަށް ކަފައި ނެގުން
ބިލެތްމަލާފަތް
ނ ބިލެތް ޖަހާން ނުވަތަ އަޅާން ގެންގުޅޭ ކަންވާރެއް މިއީ މަތިޖެހޭ ގޮތަށް ލޮއިން ހަދައިފައި ހުންނަ ކުޑަ މަލާފަތެކެވެ އެކި ސިފަސިފައިގައި މިހަދައިފައި ހުރެއެވެ
ބިލެތްމުރާކި
ނ މުރާކީގެ ބާވަތެއް އާދައިގެ މުރާތްކަށްވުރެ ފަތްބޮޑެތި ފަތުގެ ތުނޑު ތޫނުކޮށްހުންނަ ގަހެއްގައި އަޅާ އެއްޗެކެވެ
ބިލެތްދަޅި
ނ ހަލާކުނުވެ ގިނަދުވަހު ހުންނާނެހެން ބެހެއްޓުމަށްޓަކައި ބިލެތް އަޅައިފައި އޮންނަ ކެޔޮ ދަޅިގަނޑު
ބިލެތްދަފިނެގުން
މ ފިރިހެނުން ކުޅެއުޅޭ ކުޅިވަރެއް މިއީ ބިލެތް އަޅައިފައި ހުންނަ ދަތްޕެއް ތިރިގޮނޑި އެއްގައި ބަހައްޓައި އޭގެވަށައިގެން ފިރިހެނުން ތިބެލަވަކިޔައި ނަށަމުން އެނެށުމާ ހަމަވާގޮތަށް އެދަފިނަގައި ކޮންމެވެސް އެކެއްގެ ބޮލުގައި ބަހައްޓައިގެން ނަށާ ނެށުމެކެވެ ޢާއްމުކޮށް މިދަފިނަގައި އުޅެނީ ގާއޮޑި ލަވަކިޔާއިރު އަންބާބެރަށް ފެށުނީމާ އޭގެ ހަމައަށް ނަށަމުންނެވެ
ބިލެތްދާމޫ
ނ ބިލެތްވެލުގެ މައިތަނޑުގަނޑު
ބިލެތްތަޅާވަން
ނ (1) މަތީގައި އިސްކުރުމައްޗެއް ފުލުގައި އަގުޅިއެއްޖަހައި މަތިގަނޑުގެ ތެރޭން ކޮޅުފަތި ކައްޓެއް މަހައިފައި އޮންނަ ހަރުމަތީ ބަނޑިއެއްގެ ފޫބުރިއެއްގެ ސިފައިގައިވާ ލޯކަންވާރެއް (2) ކުދިވަރުގެ ދަގަނޑު ނުވަތަ ލޯ ވަން
ބިލެތްގަސް
ނ އައްޑުހު ދުޢާފަދަ ބައެއްރަސްމީ ކެއުމުގައި ކޭން ކާމީހުންނަށް ލިބޭ ބިލެތްތަކުން އެމީހުންގެ ގޭގެޔަށް ފޮނުވުމަށް މަލެއްގެ ސިފައިގައި ރާވައިފައި ހުންނަ އެއްޗެއް
ބިލެތްގޮށި
ނ (1) ބޮންތިފަނުން ބިލެތް އަޅާން ހަތްފޫ ލައިގެން ވިޔާ ކުޑަގޮނެއް (2) ހަދިޔާއަށްދޭ ބިލެތްއަޅަން ކަށިކެޔޮފަތުން މައްޗަށް ހިމަކޮށް ހަދާ ބާވަތެއްގެ ގޮއްޓެއް (3) ބިލެތް އަޅާން ކަރުދާސްފަދަ ތަކެތިން ހަދާގޮށި
ބިލެތްގޮށީވިޔަ
ނ ފަސްމައިގަނޑު ވިޔައިގެ އުޞޫލުން ހަދާ ވިޔައެއް
ބިގަރު
ނ ކަރާސީނުތެޔޮ އަޅައި ގުންބާކޮށްގެން ދިއްލާ އަލިގަދަ ބައްތިޔެއް މިދިއްލިފައި ހުންނާނީ އަނދާ އަޅިޔަށްވެފައި ހުންނަ ދާގަނޑެއްގައެވެ