radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކަން
ނ (1) ޢަމަލު. (2) މަސައްކަތް. (3) ދެފަރާތުގެ ދެބިތް ނުވަތަ ދެކައިރި ޖެހޭތަން. (4) ހުރަހާއި ދިގާ ޖެހޭތަން. (5) ދެގަނޑެތި ސީދާ ނޫން ގޮތަށް ޖެހޭތާ ކޮޅު. (6) އޮށްވަޅު ގޮނޑީގެ ދެފަރާތުން ފިހާރަދޮށު ދެ ވަޅު. (7) ބޮލުގައި އަލާރުމާލުގެ ކަނާ ކައިރީގައި ހަތަރެސް ކަނަށް ހުންނަގޮޅި މިގޮޅި ކަޅުކޮށްނާއި ހުދުކޮށް ހުރެއެވެ. (8) އަލަމާރިއާއި ސޯކޭސްފަދަ ތަކެތި ވަރުގަދަ ކުރުމަށް ކަނަކަށް ލެވޭގޮތަށް އެތެރޭގައި ހަރުކުރާން ޕުލާސްޓިކު ނުވަތަ އެފަދަ އެއްޗަކުން ހަދައިފައި ހުންނަ އެތިކޮޅު. (9) ކަމެއް ހިނގި ހިނގާ ހިނގާނެ ނުވަތަ ހިނގައިފާނެކަމެއް ބަޔާން ކޮށްދޭ ކޮންމެ ބަހެއް )01( ކެއުން މިބަހުގެ ވާކަން
ކަންހިފާކުޅުން
މ އޮށްވަޅު ގޮނޑީގައި ކުޅޭކުޅިވަރެއް. މިކުޅިވަރު ކުޅެނީ ވަޅަކަށް ހަތަރު ފުއްލައިގެން ފިހާރަޔަށް ނުލައެވެ. މިކުޅިވަރުގައި ފިހާރައަކީ ހަތަރުކަނުގައި ހުންނަ ހަތަރުވަޅެވެ
ކަންހިފުން
މ އޮށްވަޅު ގޮނޑީގައި ކަންހިފާ ކުޅޭއިރު ކަނުގައި ހުންނަ ވަޅުގައި ތިންފުއް އޮއްވާ ކުޅޭމީހާގެ އަތް އެވަޅަށް ހުސްވުން
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންނެތްދެލޮނުމަސް
ނ ބަނބުކޭލުގައި ކައްކާ ހިކިކޮށްހުންނަ ލައިގެންކާ އެއްޗެއް
ކަންނެލި
ނ ކަނޑުމަހުގެ ބާވަތެއް. މިއީ ލައްޓިއާއި ވައްތަރު ލައްޓީގައި ހުންނަގޮތަށް ތިކިނުހުންނަ އެއަށްވުރެ ބޮޑެތިވާ މަހެކެވެ. މީގެ ދެތިންވައްތަރެއް ހުރެއެވެ. މީގެ ތެރޭގައި ލޯބޮޑުކަންނެއްޔާއި ނިގޫ ދިގުކަންނެއްޔާއި ރީނދޫ އުރަހަކަން ނެލިހިމެނެއެވެ
ކަންނެޔޮ
ނ ބޯއަޅަން ނުވަތަ ތަންމަތީގައި ބަހައްޓަން ގެންގުޅޭ ފޯލިކޮށް ހުންނަ އެއްޗެއް. މިގިނައިން ހުންނަނީ ފޮތިންފަހައި އެތެރެޔަށް ކަފަ ނުވަތަ އެހެން ކޮންމެވެސް އެއްެޗެއް ލައިފައެވެ
ކަންނެޔޮބަލިކަން
ނ ލޭނުބައިވުމުގެ ސަބަބުން ހަށިގަނޑުގެ ބައެއްތަންތަނުގައި ނަގާ މުލިހި ފާޑުގެ ގަނޑެއް ގިނައިން މިގަނޑު ނަގަނީ އަތްފަޔާއި އުކުޅުވަޅު ފަދަ ތަންތާނގައެވެ
ކަންރުއް
ނ )ސ.( (1) ހަތަރު ފުރާޅަށް ފުރާޅު ހަދާއިރު ދެފުރާޅު ބައްދަލުވާ ތަނުގައި އަޅާ ފައިދޮށް (2) ކަނުފައިދޮށް
ކަންބަރާ
ނ އޮޑިއަޅާވައު ކަނިކުރެދީގެމަތީގައި އަތްއަތަށްނުޖެހި އޮންނަ ގޮތަށް ހައްޔަރުކުރުމަށް ފެންފިލާގެދަށުން ދިރުނބާކޮޅުން ނެރެފައި އޮންނަ ވާގަނޑެއް
ކަންބަޅި
ނ (1) ބަކަރީގެ ބާވަތެއް މިއީ އޭގެ ކެހެރިޔާ މަހުގެ ބޭނުމުގައި ގެންގުޅޭ އެއްޗެކެވެ މީގެ ކެހެރި ހުންނާނީ ވަރަށް ބޯކޮށެވެ (2) ފުރާދުއްވާ އެއްޗެހީގައި ލޯޖަހާއިރު ބަތާނައަކަށްލާ ތަރުފާލު
ކަންބަޅިގަނޑު
ނ ގައިގައިލާ ރަޖާގަނޑު
ކަންބަޅިޖެހުން
މ ފުރާދުއްވާ އެއްޗެހީގައި ލޮއިޖަހާން ބަތާނަ ހަރުކުރުން
ކަންބޮޑުކުރުން
މ މީހަކަށް ބޮނޑިއެއް ނުވަތަ ދެރައެއް ދިނުމުގެ ބޭނުމުގައި ކަމެއްގެ ވާހަކަ ޙަޤީޤަތަށްވުރެ ބޮޑުކޮށްގެން ދެއްކުން
ކަންބޮޑުވުން
މ (1) ކަމަކާ މެދު ފިކުރު ބޮޑުވުން (2) ކަމަކާމެދު ހަދާނެ ނުހަދާނެ ގޮތެއް ނޭނގުން (3) ތަނުގައި ފިތުނައެއް އުފެދުން
ކަންކައްޓަށްއަތްދޮވެލުން
މަޖާޒު: ކަންކަށީގައި ބާރަށް އަތުން ޖެހުން
ކަންވާރު
ނ (1) އެއްޗެހި އަޅާށާއި ކައްކަން ގެންގުޅޭ ތަކެތި މިސާލު: )ހ( ތެލި )ށ( ދޮލަނގު ރުނބާ ފަދަތަކެތި (2) ފަޅުތެރޭން މަސްބާނާ ދޮއްޓާއި އުފުލީގައި ބުޅިއައްސައިފައި އޮންނަ ރޮދި (3) މާކެޔޮޅުކަމުގެ އާލަތް (4) ދޫނިބާނާން ނުވަތަ ދޫނީގައި އޮޅުވާން ގެންގުޅޭ ރޮދި (5) ކަރާކަންވާރު
ކަންފަތުމުދި
ނ ކަންފަތުގައިލާން ރާއްޖޭގައި ހަދައި އުޅުނު ޚާއްޞަ ގަހަނާއެއް މިކިތަންމެ ޒާތަކަށް ހަދައެވެ
ކަންފަތް
ނ (1) އަޑުއިވޭގުނަވަން. (2) އިހުޒަމާނުގެ ބޮޑުބަޑީގެ މެދަށްވުރެ ފަހަތުގައި ފޯލިކޮށް ދެފަރާތަށް ނެރެފައި އޮންނަތަން. (3) ކަންފަތް ތާކިހަލުގައި ކަންފަތް ނިވާކުރާން ދެފަރާތުގައި އެލިފައި އޮންނަ ފޮތިގަނޑު
ކަންފަތް ހިކާ
ނ އެމުގެ ތެރޭގައި އުޅޭ ކުދިކުދި ފަތާމަހެއް މިމަހުގެ ބަނޑުދޮށް ހުންނަނީ ގިރިޓީ ކުލައިގައެވެ ބުރަކަށިމަތި ހުންނަނީ ގަދަ ފެހިކުލައިގައެވެ