radheef.info
ރަދީފު


ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ސައްދަރު
ނ )މަލިކު( ތަންމަތި ފަތުރާ އިރު ދަށުގައި އޮންނަ ފޮތިގަނޑު
ސަލާމަތިޖެހުން
މ ބައެއް ރަސްމީ ކަންތަކުގައި ބަޑިބެރު ފަށަން ޖަހާ ބެރެއް ޖެހުން މިސާލު: )ހ( މަޖުލިސުއްތަޝްރީފާތު ފެށޭނީ ތިންބަޑި ޖެހުމާއެކު ބަޑިބެރުން ސަލާމަތި ފެށީމައެވެ )ށ( ގަނޑުވަރު ތެރޭގެ ބޭފުޅަކު އަންހެން ބޭފުޅަކައިގެން ރައްކާވެއްޖެނަމަ ބަޑިބެރު ފަށާނީ ސަލާމަތިންނެވެ
ސަޑު
ނ (1) ފުނާއަޅާއިރު ކުރިމައްޗަށް ވާގޮތަށް އިސްތަށިގަނޑުން ލައްވައިފައި ހުންނަ ބަނޑި. (2) ހަވާ ސީދަލަށް ހިފެހެއްޓުމަށްޓަކައި އޭގައި ހަރުކުރާ ހުންގާނެއް ކަހަލަ އެއްޗެއް ރުކުފަތިންނާއި އިލޮށިންވެސް މި ހަދައިފައި ހުރެއެވެ
ސާމަރާ
ނ (1) ސާމަރާ ދޫނީގެ ފަތުން ހަދައިފައި ހުންނަ ފަންކާއެއް މީގެ މުށްގަނޑު ހުންނާނީ ލަކުޑިން ލިޔެފައި އަތުތެރެއިން އެނބުރޭ ގޮތަށް ހަރުކޮށްފައެވެ (2) މކ މިޔަރާއި ބޮޑެތި މަސް މަހުގެ ބޮލުގައި ޖަހައި ބަލިކޮށްލަން މަސްދޯނިފަހަރުގައި ގެންގުޅޭ ލަކުޑި މުގުރު
ސާމަރާދޫނި
ނ (1) ފިނދުފަތްގަނޑުގައި ވަރަށް ރީތި ކުލައަރާ ފަތްތަކެއް ހުންނަ ރީތި ދޫންޏެއް (2) ނިމެރި ދޫނި
ސާފުޓު
ނ އިންޖީނާ ބުރަފައްޗާ ގުޅުވައިދޭ ދަގަނޑު
ސިނގު
ނއ (1) ކާޑުބަލީގެ ސަބަބުން ހަށިގަނޑު އަނަރޫފަ ވެފައި ބަނޑުބޮޑުކޮށް ހުންނަ (2) އަވަހަށް ރުޅިއަންނަ
ސިނގުބަނޑު
ނ (1) ކާޑުބަލީގެ ސަބަބުން ނުވަތަ މެލޭރިޔާ ހުން ޖެހިފައި ފަސޭހަނުވެ ގިނަދުވަސް ވުމުން ހަށިގަނޑު އަނަރޫފަވެފައި ތިބޭ ކުދިންގެ ހުންނަ ބޮޑެތި ބަނޑު (2) މަޖާޒު: ފައިސާގެ އަގު ދަށްވެ ޚިދުމަތާއި މުދަލުގެ އަގު މައްޗަށްދާ ދިއުން
ސިނގުކަން
ނއނ (1) ހަށިގަނޑު އަނަރޫފަވެ ބަނޑުބޮޑުވެފައިވާކަން (2) ކަމަކަށް ނުވާކަހަލަ ކުދިކުދި ކަންތަކާ އަވަހަށް ރުޅި އަންނަކަން
ސިންޖާލުމޮހޮރު
ނ ރާއްޖޭގައި ތަޅާ ބޮޑެތި ދަގަނޑު މޮހޮރެއް
ސިރިންޖު
ނ އިންޖެކްޝަން ޖަހަން ބޭނުންކުރާ އާލަތެއް މި ހަދައިފައި ހުންނަނީ ކޮޅުގައި ކައްޓެއް ހަރުކުރެވޭ ގޮތަށެވެ ސިރިންޖުގެ އެތެރޭގައިވާ ބޭސް ހަށިގަނޑުގެ ތެރެއަށް ފޮނުވައިލަނީ މިކަށީގެ ތެރެއިންނެވެ
ސިރުވަލު
ނ ފަތިސް ފޮތިގަނޑުގެ ގޮޅިއެއް
ސިކުނޑި
ނ ހަށިގަނޑުގެ ހުރިހައި ބައެއް ކޮންޓްރޯލްކޮށް ހިންގައިދޭ ގުނަވަން
ސިއްކަ
ނ (1) ސިލު (2) ދައުލަތެއްގެ ނަމުގައި ނުވަތަ ވެރިޔެއްގެ ނަމުގައި ލިޔެވޭ ލިއުންތަކުގައި ޖެހުމަށް ހަދައިފައިވާ ޚާއްސަ ތައްގަނޑު (3) މަޖާޒު: ފާހަގަ (4) ތަނެއްގައި ގެންގުޅޭ ލާރި (5) )ހ ( ދާދިކުޑަ
ސިމެންތި
ނ (1) ރޭނުމަށާއި ކޮންކްރީޓް ކުރުމަށް ބޭނުންކުރާ އުވަކަހަލަ އެއްޗެއް މި އެންމެ ޢާންމުގޮތެއްގައި ހުންނަނީ އަޅިކުލައިގައެވެ މި ތެމުމުން ގަނޑުވެއެވެ (2) ވެއްޔާއި ސިމެންތިއާ އެއްކޮށް ފެންއަޅައި ގަށައިފައި ހުންނައެތި
ސިފަގަނޑު
ނ (1) ވައްތަރުގަނޑު (2) ގޮތްގަނޑު (3) ފާޑުގަނޑު
ސިދުރިޔާކޮތަރު
ނ ކޮތަރުގެ ބާވަތެއް. ކޮތަރުގެ ކަރުދޮށުން ފެށިގެން ފިނދުފަތާ އެކު ހަށިގަނޑުގެ ހުރިހައިތަނެއް ހުދުކޮށް ހުރެފައި ތަލަ މަތީން ބުރަކަށި މައްޗާއި ފިޔަގަނޑު ކަޅު ނުވަތަ މުށި ނުވަތަ އަޅިކުލައިގައި ހުންނަ ކޮތަރު
ސިލޭހަބަތް
ނ އިހުގައި ރަދުންގެ އަރިހުގައި ސިލޭހަ ހިފައިގެން ހުކުރަށްދާ ހަނގު ބޭކަލުންނަށް ގަނޑުވަރު ތެރެއިން ދެއްވާ ބޮނޑިބަތެއް
ސިޑި
ނ (1) ހަރުގަނޑު (2) ހަރުފަތް ބަރި
ސީނުކުކުޅު
ނ (1) އާދައިގެ ކުކުޅަށްވުރެ ބޮޑެތިކޮށް ކަރުގައި ފަތްނެތި ގައިގެ ފަތްތަކުގައި ކަޅުކުލައާއި ހުދުކުލައިން ޑިންޑިންކޮވެލި ގޮތަށް ތިކި ޖަހައިފައި ހުންނަ ކަރުހިމަ ދިގު ކުކުޅެއް (2) ނާށިގަނޑު ކުކުޅު