radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ފޮށާގަނޑުބޭލުން
މަޖާޒު: (1) ފަޟީޙަތްވުން (2) ބޭޒާރުވުން
ފޮށިފެޅުން
މ (1) މީހުންގެ ފޮށި ފަދަ ތަކެތި ފަޅައިގެން ވައްކަން ކުރުން. (2) މަޖާޒު: ފަށުވި ފަންނުގެ ތެރޭގައި ހިމެނޭ އަނެކެއްގެ އުފެއްދުމެއް ނުވަތަ އުފެއްދުމެއްގެ ބައެއް ތިމާގެ އަމިއްލަ އެއްޗެއްގެ ގޮތުގައި ބޭނުންކުރުން
ފޮށިގަނޑުމީހުން
ނ ވިޔަފާރިކުރާ ތަކެތި ފޮށިގަނޑަކަށް އަޅައިގެން ވިއްކަން ތިބޭ މީހުން
ފޮނިރުވާލި
ނ )ސ.( ރުކުގެ ބުޑުދޮށުގައްޔާއި ހިޔަލުގައި ހެދޭ ވިނައެއް. މިއީ ބޭހަށް ބޭނުންކުރާ އެއްޗެކެވެ
ފޮނިބިސްގަނޑު
ނ މައިގަނޑު އެއްޗަކަށް ކުކުޅުބިސް ބޭނުންކޮށްގެން ހަދާ ފޮނިކާއެއްޗެއް
ފޮނިކަން
ނއނ (1) ފޮނި މިބަހުގެ ނަންއިތުރުގެނަން. (2) މަޖާޒު: މީހެއްގެ ކިބައިގައި ހުންނަ ކަންދައްކާ ގޮތް. (3) މަޖާޒު: ވާހަކަދެއްކުމާއި ލިޔެކިޔުމުގައި ބޭނުންކުރާ ބަސްބަހުގެ ބަލާޣަތްތެރިކަން
ފޮނިމައު
ނ ހުވަނދުބޭހުގެ ބާވަތެއް
ފޮނިމާތަނޑު
ނ ހުވަނދު ބޭހުގައި ބޭނުންކުރުމަށް ހިއްކައިފައި ހުންނަ ފޮނިމަލުގެ ތަނޑު
ފޮނިތުޅާ
ނ ކުޅިތުޅަޔާ އެއްވައްތަރަށް ހުންނަ އެއަށްވުރެ ފަތްތައްތަން ކޮޅެއްބޮޑެތި ކޮށް ބޯކޮށް ހުންނަ ބޭހަށް ބޭނުންކުރާ ކުޑަވަރެއްގެ ގަހެއް. މީގެ ފަތްތައް އޮމާންވެފައި މީރުވަހެއް ހުންނާނެއެވެ އަދި ފަތްތަކުގެ ކޮޅުތޫރިވާނެއެވެ
ފޮނިތޮށި
ނ ގަހެއްގެ ތޮއްޓެއް. މިއީ ބޭހަށާއި ކާއެއްޗެއްސަށްލާން ބޭނުންކުރާ އެއްޗެކެވެ މީގައި ކުޅި ފޮނިރަހައެއްދެއެވެ
ފޮނިތޮށިއާވި
ނ ފޮނިތޮށިންނަގާއާވި މިއީ ދިވެހިބޭހަށް ބޭނުންކުރާ އެއްޗެކެވެ
ފޮނިލޯލި
ނ ބޭހަށް ބޭނުންކުރާ ކުދިވިނައެއް. މީގައިވަރަށް ކުދިކުދި މާތަކެއް އަޅައެވެ. ފަތް ކޮއްޗޭފަތާ އެއްގޮތެވެ. ނަމަވެސް މިފަތުގައި ބޯކޮށް ކެހެރި ފަޅައިފައި ހުރެއެވެ
ފޮރިންއެކްސްޗޭންޖް
ނ (1) ތަފާތު ޤައުމުތަކުގައި ތިބޭ މީހުންގެ މެދުގައި ބޭރުފައިސާއިން މުޢާމަލާތު ކުރުމުގެ ރޮނގަށް ކިޔާ ނަމެއް (2) ބޭރު ފައިސާއިން ކުރަންޖެހޭ މުޢާމަލާތު (3) ބޭރު ފައިސާ
ފޮޅަފިގަނޑު
ނ (1) ފުޅަފި (2) ވަކި ބޭނުމަކަށް ގެންގުޅޭ ފުޅަފި
ފޮޅި
ނ (1) ފުށް ގިރައި ތަވަޔަށް އަޅައިގެން ފިހާއެއްޗެއް (2) ސާފު ކުރުމުގެ މާނައިގައި ބޭނުން ކުރެވޭ "ފޮޅުން" މިބަހުގެ ނިމި ނިމުނުކަން މިސާލު: އޭނާ މޭޒުމަތި ފޮޅިއެވެ
ފޮޅިދަނޑިގަނޑު
ނ ފޮޅި ފިހާއިރު ފޮޅިނަގަން ގެންގުޅޭ އެއްޗެއް މި އޮންނާނީ ދޭފަތާ ވައްތަރު ގޮތަކަށް ތަންކޮޅެއް ފުޅާކޮށެވެ މީގެ ކުރީ ކޮޅު ހުންނާނީ ލެބޭ ވަރަށް ތުނިކޮށެވެ
ފޮއި
ނ (1) ދައިން ފުޑަން ބޭނުން ކުރުމަށް ފޯލިކޮށް ހިލައިން ހަދައިފައި ހުންނަ އެއްޗެއް (2) މަހެއްގެ ކުރީ ފަނަރަ ނުވަތަ ފަހު ފަނަރަ
ފޮއިއެޅުން
މ ބިނދޭ ތަންތާގައި ފުރަތަމަ އަޅާ ބޭސް ގަނޑު ނެގުމަށްފަހު އައިބު ހުރިނަމަ ޅަކުރުމުގެ ބޭސް އަޅައި ކަށިގަނޑު ހަމަޖެއްސުމަށް ފޮއި ހިންގުން
ފޮއް
ނއ (1) ހަލުވިކަން ކުޑަ (2) ބަރުހެލި (3) ނ ގަހެއްގައި އަޅާ ހުތްފޮނި ރަހަލާ މޭވާއެއް މީގެ ބޭރުގައި އޮންނާނީ ހަރު ނާށިގަނޑެކެވެ
ފޮއްގަސް
ނ ހުތްފޮނި ރަހަލާ މޭވާއެއް އަޅާގަހެއް މި މޭވާގެ ބޭރުތޮށިގަނޑުގައި މަޚްމާ ކަހަލަ ގޮތަކަށް ފުށް ހުރެއެވެ