radheef.info
ރަދީފު


ބަ
އ އައްބަ
ބޮޑުބޭބެ
ނ މަންމަޔާ ނުވަތަ ބައްޕަޔާ އެއްބަނޑު އެއްބަފާ ނުވަތަ އެއްބަނޑު ނުވަތަ އެއްބަފާ ފިރިހެން މީހާ
ބޮޑުބޭކަނބަލުން
ނ އިހުގައި ބޮޑު ހަނޑޫ ދެއްވައިފައި ތިބޭ އަންހެނުން. މީގެ ތެރޭގައި ކަމުވޮށި ކުރައްވައިފައިވާ ބޭފުޅުންނާއި ކަމުވޮށި ބޭފުޅުންގެ އަނބި އަނބިކަނބަލުންނާއި މެދުރީ މުސްކުޅިޔާގެ އަމުރުގެ ދަށުން ރަސްމީ ބައެއް ކަންތައް ކުރައްވާ އަންހެން ބޭފުޅުން ހިމެނެއެވެ
ބޮޑުބޭކަލުން
ނ ހަވަރުގެ ހަބައިންކުރެ ކޮންމެ ބައެއްގެ ވެރިއެއްގެ ގޮތުން ތިއްބަވާ ބޭކަލުން. މިއީ ކޮލިލައްވައި ބޮޑު މުސްކުޅިކަމުގެ އަސާ ދެއްވައިފައި ތިއްބަވާ ބައެކެވެ ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި މިބޭކަލުން ތިއްބަވަން ޖެހެއެވެ
ބޮޑުބޮލި
ނ (1) އިހުގައި ދައުލަތުން ހަނގުބޭކަލުންނަށް މުސާރައަށް އަހަރަކު އެއްފަހަރު ބައްސަވާ ބޮލި މިބަހަނީ ކޮއްޓެކޮއްޓޭންނެވެ މިބޮލި ހުންނަނީ ގުޅަކުޅޭ ފަސްގަނޑުގައި ވަޅުލައިފައެވެ (2) ބޮޑެތިކޮށް ހުންނަ ބޮލި
ބޮޑުބޮލިބެހުން
މ ދައުލަތުން ހަނގުބޭކަލުންނަށް ދެއްވާ ބޮލި އަހަރަކު އެއްފަހަރު އެބޭކަލުންގެ މެދުގައި ބައިކުރުން
ބޮޑުބޯ
ނ ރާޒުވާ ކުޅިބައިގައި ހުންނަ އެންމެ ދިގުކުޅި މިއީ ކުޅިތައް އަތުރާއިރު ބޭރުން ތިންވަނަ ކުޅިއެވެ މިކުޅި ހިނގާނީ ކަންކުއްޗަށެވެ
ބޮޑުކަން
ނއނ (1) ކުޑަކަން މިބަހުގެ އިދިކޮޅު (2) ކޮންމެ މިނަކުން ނަމަވެސް އިތުރުކަން (3) މޮޅުކަން (4) ޢިއްޒަތްތެރިކަން
ބޮޑުކާށި
ނ (1) ބާގަޔަކަށްވުރެ ބޮޑެތިކާށި (2) މާލިއްޔާއަށް ކާށިން ވަރުވާ ބަލައިގަތް ދުވަސްވަރު ބައިލާއްސަށްވުރެ ބޮޑެތިކޮށް ހުންނަ ކާށި
ބޮޑުކިބާދާރީ
އިހުގައި ބޯވަޅު އެޅި ލިބާސްލައި އުޅުނު އޮފުގަދަ ފޮއްޗެއް. މިއީ ފަށުތްވާއި ސުތުލިން ވިޔެފައި ހުންނަ ރޮނގުދެމި ފޮއްޗެކެވެ. ރޮނގުބައި ހުންނާނީ ފުޅާކޮށެވެ. ރޮނގުބައި އެކުލެވިފައި ހުންނަނީ ދޮން ކުލަޔާއި ފެހިކުލަޔާއި ނޫކުލައިންނެވެ. ޢާއްމުކޮށް ހުންނަނީ މީގެ ފެހި ފޮއްޗާއި ރަތް ފޮއްޗެވެ
ބޮޑުކިޔެވެނިން
ނ އިހުގައި. ދުޢާ ވެރިކަމާ އޮލީއާ މިބާވަތުގެ ރަސްމީ ކިޔެވުން ކިޔަވަން ދައުލަތުން ޚާއްޞަ ކުރައްވާފައިވާ ބައެއް. މިޖަމާޢަތް އެކުލެވިގެންވަނީ ދެ ޚަތީބުންނާއި ދެމަލިމުންނާއި ފަނޑިޔާރުގޭ ހަތަރު ނާއިބު ބޭކަލުންނާއި އަދި ފަސްމުދިން ބޭކަލުންގެ މައްޗަށެވެ
ބޮޑުކުޑަކޮޅު
ނ ރަސްމީ ބައެއް ކަންތަކުގައި ގުޅަކުޅޭ ފަސްގަނޑުގައި ޖަހައި އުޅުނު ކުޑަކޮޅެއް
ބޮޑުކޭމުގައިބޭންދުން
މ (1) ރަސްމީ ކެއުމުގައި ބޮޑުބޭކަލުންނާއި އަތްހަމަ ކުރެއްވުން (2) ބޮޑުބޭކަލުން ތިއްބަވާ ރަސްމީކޭމުގައި ބޭންދެވުން
ބޮޑުކޮޓަރި
ނ ގޭގޭގައި ބޭރުން އަންނަ މީހުންނާއި ބައްދަލުކޮށް ހެދުމަށާއި ޢާއިލާގެ މީހުން ބައްދަލުވެ އުޅޭ ކޮޓަރި
ބޮޑުއާވިގަސް
ނ ފަރުބަދަމަތީގައި ހެދޭ އަބަދަށްފެހި ގަހެއް މިގަހުގެ އެކި ބައިތައް ބޭހަށް ބޭނުން ކުރެއެވެ ގަހުގެ ފަތް ހުންނަނީ ހިމަކޮށް ތޫރިކޮށެވެ
ބޮޑުއެސްމާ
ނ ރާއްޖެ ބައްޔަށާ ބަނޑުގެ ވައިފިލުވައި ޞިއްޙަތު ރަނގަޅު ކުރަން ހިލާ މޮޅު މަޢުޖޫނެއް މީގެ މައިގަނޑަކީ އެސްމަލެވެ
ބޮޑުއޮޅަންނަބައިމަތި
ނ އައްތާރަފަނީންގެ ތެރޭން ބައެއް
ބޮޑުވިނަ
ނ މޫދު ހުއިގެ ބާވަތެއް މިއީ ވަރަށް މަދުން ފެންނަ ކަޅުކުލައިގެ ހުޔެކެވެ މިފަތުގެ ފުޅާމިނުގައި ބައިއިންޗި ދިގުމިނުގައި ހައިންޗިވަރު ހުންނާނެއެވެ
ބޮޑުވިއްސާރަ
ނ (1) މާލެއާއި މާލޭ ކައިރީގައިވާ ރަށްތަކަށް ދެދުވަސްވަންދެން ކުރި ވިއްސާރައެއް މިވިއްސާރަ ފެށުނީ 2431 ޖުމާދިލްއައްވަލު 71 ބުދަ )3291 ޑިސެމްބަރު 62 ( ވަނަ ދުވަހުއެވެ މިވިއްސާރަ އެންމެ ބޮޑަށް ކުރީ މާލެއަށެވެ އެންމެ ގަދަވީ ބުދަ ދުވަހުއެވެ އެދުވަހު ނަގޫ ރޯޅީގެ ހަތަރުރޯޅީގެ ގަދަވައިގައި ބޮޑެތި ގަސްތައް ވެއްޓުނެވެ ގަދަވަޔާ އެކުގައި އައި ކޮޅިތަކުން މުޅި ރަށުގައި ފެންބޮޑުވިއެވެ ކައްކާ ނުކެވުނު ގެތައް ބައެއް ބޯޓު ވަރަށް ގިނައެވެ ބަނދަރުގައި ހުރި ބޯޓު ފަހަރުގެ ތެރޭން އެކި ރަށްރަށުގެ ފަރަށް އަރައި ހަލާކުވިއެވެ އެއްބޯޓް ކަނޑުގެ އަޑިއަށް ފެތިގެން ދިޔައެވެ އެކަކު ގެއްލުނެވެ (2) މަޖާޒު: އައްސުލްތާނު މުހައްމަދު މުޢީނުއްދީނު )ކުޑަބަންޑާރައިން( ގެ ރަސްކަމުގައި ހިނގި ސިޔާސީ ބޮޑު ގަޑުބަޑު
ބޮޑުމަޅު
ނ ދޯނިފަހަރުގައި ކުޑަ މަޅާ ޖެހިގެން ދިރުނބަލަށް އޮންނަ މަޅު
ބޮޑުމަސްތިލަވުން
މ (1) ބޮޑުމަސް ހަށި އެނގޭ ހިސާބަށް ފެންމައްޗަށް އެރުން. (2) މަޖާޒު: ގެޔެއްގެ ދޮށުގައި އަންހެނެއްގެ އެދުމުގައި މާމޮޅު މީހަކު އުޅުން