radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ކަވަރު
ނ (1) މަޑައިގެ ވައްތަރެއް. މީގެ ކަނިފަށުގެ މެދުގައި ހުންނާނީ ހުޅުލާފައެވެ. ޖަހައިފައި ދަމައިގަތީމާ ކަނިފަށް ހުރަސްވާނެއެވެ. (2) އޮޑިދޯނިފަހަރު ބަންނައިރު މައްޔަލާއި ފަށަނާއި ވަވަތާއި އެއްކޮށްޖަހާ ފުރަތަމަ ތުނޑ ު (3) ފޮތުގެ ބޭރުން ލާ ގަނޑު
ކަވާޖެހުން
މ ކުރަފަތަކުން ޖަހައި ލޭކޮށައިލުމަށްފަހު އެތާނގެ ހަންގަނޑުގައި ކަވާފުޅި ހިއްޕައި ފުޅީގައި ހުންނަ ލޯވަޅުގައި އަނގަޖަހައި ނުބައިވެފައި ހުންނަ ލެޔާއި ނުބައި މާއްދާތައް ދަމައިގަތުން
ކަވި
ނ (1) ޅައުކުނު (2) ޖަނަވާރުގައި އަޅާ ކުދިކުދި ދިރޭ އެއްޗެއް (3) ހިކިމަހުގައި އަޅާ ކުދި ދިރޭ އެއްޗެއް (4) އެންމެ ކުދި ތަންމަކުނު (5) ކިރިޔާ އެނގޭވަރުގެ ކުދި ދިރޭ އެއްޗެއް (6) ނއ ކުދި (7) ކަމުގެ ކުދިކަމާއި ހިމުންކަމުން ކުރާ އުނދަގޫ
ކަމަނަ
ނ (1) ދިވެހި އަންހެނުންނަށް ކިޔާ އުޅޭ ނަމެއް (2) މަލުގެ ކަރުގަނޑު
ކަމަނާ
ނ މާތްކުރުމުގެ ގޮތުން އަންހެނުންނަށް ކިޔާނަމެއް
ކަމަރާ
ނ (1) ފުރާދުއްވާ އެއްޗެހީގެ ކޮޅުފަސްކޮޅުގައި ފުރާޅު ހަމަޔަށް ހަދައިފައި ހުންނަގެ (2) އޮޑިދޯނި ފަހަރުގައި މީހުން ނިދުމަށާއި ހިޔާވުމަށް ހަތަރެސްކަން ފޮށިގަނޑެއްހެން ހަދައިފައި ހުންނަހިޔާ (3) )ބދ ( އުޅުނބު
ކަމަރުބަނދެލުން
މ މަޖާޒު: ކަމަކަށް ކުރިމަތިލުމަށް ތައްޔާރުވުން
ކަމަޅިފެޅުން
މ ކުއްލިއަކަށް އަނގަޔާއި ނޭފަތުން މާގިނައިންލޭ އައުން މިހެން ވެއްޖެނަމަ ގިނަ ފަހަރަށް މަރުވެދެއެވެ
ކަމާވުން
މ (1) ފަރުވާ ބެހެއްޓުން (2) ގަޔާވުން
ކަމިޝަން
ނ މަސައްކަތެއް ނުވަތަ ވިޔަފާރިއެއް ހޯދައިދިން ކަމަށްޓަކައި އެކަމަކުން ލިބޭ އާމްދަނީގެ ތެރެއިން އެކަން ހޯދައިދިން ފަރާތަށް ދޭ ފައިސާ
ކަމީރު
ނ (1) ކުދި ތައްޓަށް އަޅައިގެން ފެނުގެއާވިން ކައްކާ ފޮނިކާއެއްޗެއް. މިހުންނަނީ ހަލުވިދާހެން ބެދިފައެވެ. މިހަދަނީ ހަނޑުލު ފުށާއި ބޯކިރާއި ހަކުރުންނެވެ (2) ބައެއް އެއްޗެހި ހަދާން ތައްޔާރުކުރާ ފުށްގަނޑަށް ރުކުރާ ނުވަތަ ކާށިފެން ފަދަ އެއްޗެހި އަޅައިގެން ކުރާ ރާމާ
ކަމީރުކުރުން
މ ބައެއް ކާއެއްޗެހި ހަދާން ތައްޔާރުކުރާ ފުށްގަނޑު ރާމާ ކުރުން
ކަމުކިޔުން
މ ކަންތަކުކިޔުން
ކަމުދިޔައުން
މ ކަމުދިޔުން
ކަމެއް
ނ (1) ދެރަގޮތެއް މިސާލު: އޭނާ މަސްއަލަ ޖެއްސިޔަކަސް ކަލެއަކަށް ކަމެއް ނުވާނެއެވެ (2) ބޭނުމެއް (3) މަސައްކަތެއް (4) މުހުތާދެއް
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކަފަބަނޑިޔަލަށްއަތްބޭނުން
މ މަޖާޒު: (1) އިނދެގެންއުޅޭމީހާ މަރުވީމާ ފަހަރިޔާ އިންނާން އުޅުން (2) ފަހަރިޔާ މޮށުން
ކަފަކަފުން
ނ މައްޔިތާގައިގައި ލާ ކަފަޔާއި ކަފުނާއި މިކަމާބެހޭ ތަކެއްޗަށް އެއްކޮށްކިޔާގޮތް
ކަފަތެޅުން
މ (1) އޮށްކަފަސާފުކުރުން (2) މައްޔިތުން ގައިގައި ލެވޭގޮތަށް ކަފަހަދައި ތައްޔާރު ކުރުން
ކަފަތޮޅި
ނ (1) ފުއްކަފަތޮޅި (2) ކަފައަޅައިގެން އުތުރުކަރައިން ގެނެސް އުޅުނު ސުންބުއްޔެއް