radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކަނޑުވައިލުން
މ (1) ވަކިކޮށްލުން. (2) މަސްވެރިންގެ އިސްޠިލާޙުގައި މަސްބާނާއިރު ދޯންޏަށް ވެއްޓޭނެހެން ބުޅިން މަސް ވަކިކޮށްލުން (3) "ކެނޑުން" މިބަސް ކުރުވުމުގެ މާނައިގައި ބުނާގޮތް
ކަނޑުމަތި
ނ (1) ކަނޑުގެފެންމަތި (2) ކަނޑުގެތެރޭން އެކިސިފަސިފައިގައި ރޭގަނޑަށްފެންނަ ރެދަންލާ މާއްދާއެއް ބައެއްފަހަރަށް އޮޑިދޯނި ފަހަރުގެ ކުނބާއި ވާވެލާވެލި ފަދަ ތަންތަނުންވެސް މިރެދަން ފާޅުވެއެވެ މިއީ ޖައްވުގައިހުންނަ ހަކަތައިގެބާރުން ދިއްލޭ ދިއްލުން ތަކެކެވެ
ކަނޑުމުޅަދެވި
ނ ބުނެވޭގޮތުގައި ޚިޔާލީ ދެތްވެއް މިއީ މީހުނަށް ބަލިޖައްސާ ދެތްވެކެވެ
ކަނޑުފޭރުން
މ ކަނޑުދަތުރުކުރާ އުޅަނދުފަހަރަށް ގަދަކަމުން އަރައި އޭގައިހުންނަތަކެއްޗާއި މުދަލާއި އަދި ބައެއްފަހަރަށް އުޅަނދުވެސް އަތުލައިގަތުން
ކަނޑުލަނޑާ
ނ )އ ( ކަޅުނޫކުލައެއް ބުރިކަށީގައިހުންނަ ބަނޑުދޮށް ހުދުލަނޑައެއް މިލަނޑާ ގިނައިން އުޅެނީ ފުއްޓަރުގެ ރާޅު ބިންދާ ތާނގައެވެ
ކަނޑުލޮނު
ނ (އ) ކަނޑުގައި ވަށްކޮށް ބިއްލޫރި ކޮޅެއްހެން ހުންނަ އެއްޗެއް މިއީ ފިރުޢައުނު މުދަލުގެ ބާވަތެކެވެ.
ކަނޑުގުރުވަ
ނ ގުރުވައިގެ ބާވަތެއް. މިއީ ކުދިކުދި ހުޅުނބުތަކެއް ހުންނަ ހަންގަނޑުބޯ ރީތި މަހެކެވެ. މަހުގެ ދިގަށް ކަޅު ނުވަތަ ގަދަމުށި ކުލައިގެ ފުޅާ ރޮނގުތަކެއް ހުރެއެވެ. ތުނބާއި ކޮތަރިތަކާއި މަހުގެ މަތީބައި ހުންނަނީ ދޮންރީނދޫ ކުލައިގައެވެ. ކޮތަރިތަކާއި ނިގޫފަތުގައި ކަޅުކުލައިގެ ލައްތަކެއް ހުރެއެވެ މަހުގެ ބަނޑުދަށް ފަރާތުގައި ހުންނަނީ ރިހި ހުދުކުލައެވެ
ކަނޑޫ
ނ (1) ޗަސްބިމުގައި ތެދަށް ހެދޭގަހެއް. މިއީ އެއްވަރަކަށް ގޮފިލަމުން ހެދޭގަހެކެވެ. (2) ކަނޑޫގަހުގެ ލަކުޑި. މިއީ ވަރަށް މޮޅު ލަކުޑިއެކެވެ. އޮޑިދޯނިފަހަރުގެ ފަށަންލުމަށް ބޭނުންކުރަނީ މިލަކުޑިއެވެ. (3) ކަނޑޫގަހުގެ ވައް. މިވަކަކީ މަލުން ނުކުންނަ ހިމަދިގުކޮށް ދެކޮޅަށްތޫރިކޮށް ހުންނަ ތޮޅިއެކެވެ. މިވައް ދޮންނުވާއިރު ހުންނަނީ ފެހިކުލައިގައެވެ. ދޮންވުމުން ރަތްފެހިކުލައަކަށް ބަދަލުވެއެވެ. މިވަކަކީ ފަލަމަޑީގެ ގޮތުގައި ކެއުމަށްވެސް ބޭނުންކޮށްއުޅޭ އެއްޗެކެވެ
ކަނޑޫ ކަކުނި
ނ ކަނޑޫފަލުގައި އުލޭ ކަޅުރަތްކުލައިގެ ބޮޑެތި ކަކުނި
ކަނޑޮހޮޅި
ނ މާކަނާ ތަޅުދަނޑިފާޑުގެ އެއަށްވުރެ ފަލަ ހުދުކުލައެއްގައި ހުންނަ ހޮޅިއެއް މީގެ ބައެއް އެއްޗެހީގެ ބޭރު ކަޅުކުލައެއްގައިވެސް ހުރެއެވެ މިހުންނަނީ މޫދުގައި ހުންނަ ގައުކޮޅުކޮޅުގައި ތަތްވެފައެވެ މިއީ ބޭހަށް ބޭނުންކުރާ އެއްޗެކެވެ
ކަނޓަ
ނ )ގ ( (1) މޫދުގައި ހުންނަ ތިލޯށި (2) އެއްގަމުގައި ޖަހާ ކަޑަ
ކަނި
ނ (1) އަލިފާނުން ބުރައިގެންދާ ކުދިކުދި އަލިފާންކޮޅު. (2) އަލިފާނުގެ ތެރެއިން ވަރަށް ކުޑަމިން ވަރެއް. (3) ދެއެއްޗެއް ޖެހިގެން ނުވަތަ ކޭރުވިގެން އުފެދޭ އަލިފާންކޮޅު. (4) ލޮލަށް ލިބޭ ހާނީއްކައަކުން ނުވަތަ ކުރި ބާރަކުން ފެންނަހެން ހީވާ އަލިއަލިކޮޅު. (5) އެންމެ ހިމަފޮދު ވާރޭގެތިކި. (6) ބައްތިއާއި ވޮށްފަދަ ދިއްލާ އެއްޗެހީގެ ފީތާ އަނދާފައިހުންނަ ދެލިކޮޅު. (7) އެކިއެކި ބޭނުމަށް ގެންގުޅޭ ކޮޅު ދެކަތްޕަށް ހުންނަ ދަނޑި. (8) ބައެއްޒާތުގެ މަސްބާނަން އަރާން މޫދުގައި ޖަހާ ދުނބުރި ކަފިގަނޑު. (9) އަންނައެއްޗެހީގެ ކަށިފަތީގެ އެއްމެކައިރިފަށް. )01( ދޮރުގެ ދެފަރާތުގެ ދެގަނޑެތި. (11) ގޭގެ މަތިވަޑާންގަނޑުގައި ގޮތްގޮތަށް ވިއްދައިފައި ހުންނަ އެއްޗެހި. (21) ހަތަރެސްކަން ރިޔަލުގެ ތިރީކޮޅުގެ ދެކަން. )31( މާމުޔާއި ހަކުރު ފަދަ ތަކެތި ހިސާބަކަށް ވާނުބައި )41( ދިއްލައިފައި ހުންނަ ބައެއް އެއްޗެއްހީގެ ހުޅުގަނޑުވާ ކުޑަ
ކަނިބުޅި
ނ )ޅ ( އޮޑީގެ ދެފަރާތުގާ ކަނިކުރެއްޖާ ދިމާއިން ތިރީގައި މަތިކަނަށް ޖަހައިފައި ހުންނަ ބުޅި
ކަނިކުރެދިބައިން
ނ ދިރުނބާކޮޅުގައި ކަނިކުރައްޖާ މައްޔަލާ ދޭތެރޭ ފުރައިފައި ހުންނަ ބައިން
ކަނިއެޅުން
މ (1) ކަނިކުރަދީގައި ކަނީވާގަނޑު ހަރުކުރުން (2) ދައްސޫރައިގެ ކޮޅުގައި މޯރާއެއްސުން
ކަނިފަށްލީބުޅި
ނ ބުޅީގައި ގަންނަތަކެއްޗަށް ބުޅި އެއްލައި ނުލެވޭގޮތަށް ތުނޑުގެ އެތެރެފަރާތުގައި ކައްވާދު ކަނޑައި ލަނބައިފައިހުންނަބުޅި
ކަނީރު
ނ ބަގީޗާ އެއްގެ ގޮތުގައި ހައްދާގަހެއް މިއީ ފަސްފިޔައިގެ މައްޗަށް އެކުލެވޭ މަލެއްއަޅައި އަބަދުމާ ފޮޅިފައި ހުންނަގަހެކެވެ މަލުގެ ފިޔައަށްވުރެ ކުދިކޮށް މަލުގެ ވަށައިގެން ފަސްފަތް ހުރެއެވެ މިމަލުގެ ތަފާތު ކުލަހުރެއެވެ
ކަނުހިރުގަނޑު
ނ ކޮލުގެ އެންމެ އެތެރޭގައި ހުންނަ ދަތުގެ ބިތްދޮށު ހިރުގަނޑު
ކަނުހޭވުން
މ މަޖާޒު: (1) ނޭނގޭ ކަމެއް ކުރަން އުޅުން (2) އަނދިރީގައި އެއްޗެއް ހޯދާން ނުވަތަ ކަމެއް ކުރާން އުޅުން
ކަނެއިއްލާ
ނ )ގ ( ރިޔަލު ދޯނީގެ ދިރުނބާކޮޅު ކަނިއެޅުމަށް މައްޔަލުގެ ފުއްބުރުގައި ޖަހައިފައި ހުންނައިލި