radheef.info
ރަދީފު


ބަ
އ އައްބަ
ބޮލެޖެހި
ނ (1) މަސްމެރުމަށް މަހުގެ ބޮލުގައި ޖަހާން ގެންގުލޭ މުގުރު ގަނޑު (2) ސާމަރާ މިބަހުގެ 2 ވަނަ މާނަ ބަލާ!
ބޮޑަބަފޯ
ނ )ލ ( މަންމަގެ ބައްޕަ
ބޮޑު
ނއ (1) ކުޑައެވެ ބުނާ ބަހުގެ އިދިކޮޅު (2) ކޮންމެ މިނަކުންވެސް އިތުރު (3) މޮޅު (4) ޢިއްޒަތްތެރި
ބޮޑު ދެގެރި ތަޅަންޏާ ކަށްގަލަށް ބާރުކުރާނެ
(މުސްކުޅިބަހެއް) ރަށުގެ މަތީ ދަރަޖައިގެ ދެމީހަކު ދެމެދުގައި ދެކޮޅުވެރިކަމެއް ހިނގަންޏާ ދަށުގައި ތިބޭ މީހުންނަށް ގެއްލުން ލިބޭނޭކަން އެންގުމުގެ ގޮތުން ބުނެއުޅޭ ބަހެއް
ބޮޑު ދެގެރި ތަޅަންޏާ މަހާނަގަލަށް ބާރުކުރާނެ
(މުސްކުޅިބަހެއް) ބޮޑުދެގެރި ތަޅަންޏާ ކަށްގަލަށް ބާރުކުރާނެ
ބޮޑުހަނޑޫ
ނ ކަމުވޮށި ބޭފުޅުންނާއި ބޮޑުބޭކަލުންނާއި ކަނބަލުންނަށް ސަރުކާރުން އިހުގައި އިނާޔަތެއްގެ ގޮތުގައި ދެއްވި އެއްޗެއް މިއީ މަހަކު 03 ނާޅިމަގުން ދެއްވި ހަނޑުލެކެވެ
ބޮޑުހިސާބުގައިޖެހުން
މަޖާޒު: (1) ދެކެވޭ ވާހަކައެއް ކުށްވެރިވާ ހިސާބަށް ދިއުން (2) ދެކެވޭ ވާހަކައަކަށް އަޑު އަހާމީހާއަށް ޖަވާބުނުދީ ނުހުރެވޭ ހިސާބަށްދިއުން
ބޮޑުހުޅު
ނ އައްސުލްޠާނު މުޙައްމަދު މުޢީނުއްދީނު ކުޑަބަންޑާރައިންގެ ރަސްކަމުގައިވީ ސިޔާސީ ގަޑުބަޑުގައި މާލޭގެ ގޭގެ އެންދި އެންދުން
ބޮޑުހުޅުދޫ މީހުންގެ ވަކިވުން
)މިސާލުބަހެއް( އެކީގައި ތާކަށް ގޮސްގޮސްހުރެފައި އަނެކަކުގާތު ބުނުމަކާނުލައި ވަކިވެގެން ދާދިޔުމަށް ބުނެއުޅޭބަހެއް
ބޮޑުހޯގުޅާ
ނ ކަނޑުމަތީ ދޫންޏެއް މިދޫނީގެ ބޮޑުމިނަކީ ގާތްގަނޑަކަށް 51 ވަރަކަށް އިންޗިއެވެ މުޅިދޫނީގެ ކުލައަކީ ކަޅުކުލައާއި ގާތްކުރާ ގަދަމުށިކުލައެވެ ތުން ހުންނަނީ ކަޅު އަޅިކުލައެއްގައެވެ ފައިގެ ކުލައާއި ހަށިގަނޑުގެ ކުލަ އެއްގޮތްވާނެއެވެ ދޫނީގެނިސްބަތުން ތުންދިގުކޮށް ގަދަފަދަކޮށް ދައްކައެވެ ފިނދުފަތް ހުންނާނީ ކުރިއަށް ފޭހިފައި ހުންނަގޮތަށެވެ ބިސްއަޅާއުމުރުގެ ދޫނީގެ ފިޔައިގެ ދަށްފަރާތާއި އެކުބަނޑުދޮށް ފަރާތް ހުންނާނީ ހުދުކުލައިގައެވެ
ބޮޑުނަސީބު ފިޔޮހީންޖެހުން
)މިސާލުބަހެއް( ނޭނގިހުރެ ކުރެވޭ ކަމަކުން ތިމާޔަށް ރީތި ލިބޭނޭގޮތް ދިމާވުން
ބޮޑުނާބަ
ނ އިހުގައި ބޮޑު ދެހިތީގައި ޖަހާއުޅުނު ނާބައެއް ބޮޑުނާބަ ޖަހަނީ ހިތިގެ ދޮށުގައި ބޮޑުދެހިތީގައެވެ
ބޮޑުރިޔާ
ނ ރިޔާ ބައިގެ އެންމެ ބޮޑުރިޔާ
ބޮޑުރޯގާ
ނ 1341ހ ވަނަ އަހަރު، 1922މ ވަނަ އަހަރު، މާލޭގައި ޢާއްމުކޮށް ފެތުރުނު އިންފުލުންޒާއާއި ނިއުމޯނިޔާ ބަލި
ބޮޑުބަނޑޭރި
ނ އިހުގައި ދައުލަތަށް ލިބޭހައި މުދަލަކާއި ފައިސާއެއް ބަލަހައްޓާމީހާ
ބޮޑުބަރަނި
ނ (1) ތިންއުޅީގައި އަނބުރައިފައި ހުންނަ ނަނުބަރަނި (2) ފެކްޓަރީތަކުގައި ފަހަންބޭނުންކުރާ ބޮޑެތި ބަރަނި
ބޮޑުބަދިގެ
ނ ގަނޑުވަރު ތެރޭގައި ހުރި ހަތަރު ބަދިގޭން އެއްބަދިގެ ހަވަރަށް ކައްކާ ކެއްކުންތައް ކައްކަނީ މިބަދިގޭގައެވެ
ބޮޑުބަދިގެއަށް ކާޅުވަނުން
މަޖާޒު: ކަނޑިކީގެ ދަށު ކަންގަނޑު ވައްޓައިލައިގެން އޮރިޔާން ފެންނަގޮތަށް އިންނަ އަންހެނާއަށް ބުނެއުޅޭ ބަހެއް
ބޮޑުބަޑި
ނ ހަރުގައި ނުވަތަ އެހެންވެސް ތަނެއްގައި ބާއްވައިގެން ގޮއްވާ ކަންފަތްލީ ބަޑި
ބޮޑުބާލީސް
ނ ކުޑައަށީ ހުރަސް ކުނަލުގެ ބިތްކައިރީގައި އަރިޔަށް ބަހައްޓައިފައި ހުންނަ ބާލީސް. މިބާލީސް ހުންނާނީ އަށީގެ ފެންޑާއާ ވީ ފަރާތުގައެވެ. މިބާލީހުގެ ދިގުމިނަކީ ހުރަސްކުނަލުގެ ފުޅާމިނެވެ. ފުޅާމިނަކީ އޭގެ މަގަތުގައި އޮންނަ ބޮޑުކަންނޭލުގައި މެދު ބުރަކަށި ޖައްސައިލީމާ ބޮލާއި ކަނދުރާ ބާލީހުގައި ޖެހިފައި އޮންނަވަރެވެ