radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
އަރާގިމަތަ
ނ ދަތުރުވެރިން ދަތުރުނިމިގެން ރަށަށް އެރުމުގެ ކަންތައްތައް ހަމަޖެއްސުމަށް ބޭނުންކުރާ ގިމަތަ
އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
އަރިނެގުން
މ (1) ހިނަވާއިރު މައްޔިތާ އަރިޔަށް ޖެހުން (2) އުދުހޭ އެއްޗެހީގެ ފިޔައިގެ ފަތުގެ ކުރީން ތަންކޮޅެއް ބަހައްޓައިފައި ދެން ހުރިބައި ނޮޅައިލުން (3) އެއްފަޅިނެގުން
އަރިކުރުން
މ (1) ތެދަށްވުރެ އެއްފަރާއިތަށް ޖައްސައިލުން. (2) ބިލެތްގަނޑު މެދުން އިރައިލުން. (3) ފަން ފަންވަތްފަދަ ތަކެތި މެދުން އިރާލުން
އަރިއަށް
ކއ (1) އެއްކައިރިއަށް ތިރިކޮށް (2) އެއްފަރާތަށް ޖެހި
އަރިއެޅުން
މ ތެދަށްހުރި އެއްޗެއް އެއްފަރާތަކަށް ޖެހުން
އަރު
ނ (1) މީހުންގެ ކަރުތެރެ (2) ޖަނަވާރުގެ ކަރުތެރެ
އަރުނު
ނ (1) ނިތްކުރީގައި އެންމެ ދަޅެއް ހުންނަ ޖަނަވާރެއް މީގެ ސިފަ އަހާއި އެއްވައްތަރުކަމަށް ބުނެއެވެ (2) ބދ އުނަގަނޑު
އަރުވައިބާލާލަވަ
ނ ދަނޑިބެރުގައި ޖަހާ އާދައިގެ ލަވައެއް ނަމަވެސް މިލަވަޖަހަނީ ރަދުން އިންނަވައިގެން ބެރުޖަހާ ތަންތާނގައެވެ
އަރުވައިލުން
މ ކުރާބައެއް ބާވަތުގެ ކުށަށް ޝަރީޢަތުގެ ފަރާތުން ނުވަތަ ސިޔާސަތުގެ ފަރާތުން އެކުށް ކުރި މީހާގެ ވަޒަން ނޫން ރަށަކަށް ފޮނުވައިލުން އަރުވައިލުން ހުންނަނީ ކިތަންމެ ދަރަޖައަކަށެވެ
އަރުމާދު
ނ ރަދުން ރާއްޖެތެރެއަށް ކުރައްވާ ދަތުރުފުޅު މިދަތުރުފުޅުގައި ދައުލަތުގެ ވަރަށް ގިނަ އުޅަނދުތަކާއި ދައުލަތުގެ ވަރަށް ގިނަ ބޮޑުން ބައިވެރިވެވަޑައިގަނެއެވެ
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އަރުދު
ނ ތިންމައިގަނޑު ވިޔަ ހަދާއިރު ހަމައެކަނި ގުނަކޮށްގެން ޖަވާބު ހޯދާ ގޮތަކަށް ކިޔާނަމެއް މިސާލު: ފަސްލާރިއަށް ދެވައްކެޔޮ އަގުން ބާރަވަކަށް ވާނޭ އަގު ހޯދާނަމަ ފަންސަވީހާއި ބާރަޔާއި ގުނަކޮށް ނިކުތް އަދަދު )ތިންސަތޭކަ( ކަނާތް ފަރާތުން އެއް އަކުރު ކަނޑާލީމާ އޮންނާނީ )ތިރީސްލާރިއެވެ ( މިއީ ބާރަ ވަކަށް ވާނޭވަރެވެ
އަބަށްހިފުން
މ އަބުޖަހައިގެން ބާރުކުރުން
އަބަފިލި
ނ އަކުރުގެ މަތީގައި ޖަހާ ތެދުފިލި
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަބާރަނަމަތީބޮޑުލަވަ
ނ "އަބާރަނަ" ޖަހާފައި އޭގެ ލަވަމައްޗަށް ޖަހާލަވައެއް ކުޅިހުއްޓާރެއަށް މިލަވަޖަހާ އުޅުނީ އައްޑޫކޮށިން ތިންދަނޑިއާ އެއްލާންނުކުތީމައެވެ
އަބާއްޖަ
ނ (1) "ބާއްޖަ" ގެ އިދިކޮޅު (2) ބަދުނަސީބު
އަބު
ނ (1) ލަކުޑީން ނުވަތަ މަޢުދަނުން އެއްކޮޅު ފަތިކޮށް ހަދައިފައި އޮންނަ އެއްޗެއް މިޖަހައި އުޅެނީ ކިހާއެއްޗެތި ނުވަތަ ފަޅާލަކުޑި ގަނޑެއް ދުރުކުރުމަށެވެ (2) ބައެއް ބައެއްތަކެތި ފޭކުރާން ނުވަތަ ބާރުކުރާން ޖަހާއެތި ކޮޅު މިސާލު: އިލީގެ ކޮޅަށްޖަހާއަބު
އަބުނާ
ނ ގުޑުގުޑާގެ ސިލުނބުޖަހާހަޅި